አቡ ዐብዲላህ ሰዕድ ዐብዱለጢፍ

🚫   እውነትም እንቁ – ጣጣሽ

     እንቁ የሚለው ቃል እኔ የማውቀው የከበረ ማእድን መሆኑን ነው ። እኛ ሀገር ግን ዘመን መለወጫ ላይ የሚወጣን አበባ ለመግለፅ ይጠቀሙበታል ። በእነርሱ እይታ አበባዋና ጣጣዋ ምን እንደሆነ ባላውቅም በኔ እይታ ግን የዘመን መለወጫን ተክትላ የምትመጣው እንቁ ብዙ ጣጣ አላት ። በሌላ አባባል ዘመን መለወጫው ብዙ ጣጣ አለው ።
     ከሁሉም በፊት ይህ ባአል ከክርስትና እምነት ጋራ የተገናኘ ስለሆነ ሙስሊሞችን አይመለከትም ። ሙስሊሞች በአመት ሁለት ዒድ ( ባአል አላቸው) እነርሱም ዒደል አድሓና ዒደል ፊጥር ናቸው ። የዘመን አቆጣጠራቸውም የአላህ መልእክተኛ ወደ መዲና ሂጅራ ካደረጉበት ጊዜ ጀምሮ በሂጅሪያ ነው የሚቆጥሩት ። በዚህ አቆጣጠር መሰረት አመቱ አልቆ አዲሱ የሚጀምርበት ወር ሙሐረም ይባላል ። ይሁን እንጂ ይህን የዘመን መለወጫ ቀን  እንደ ባአል አያከብሩትም ።
    እንቁጣጣሽ የሚባለው ግን ከክርስትና እምነት ጋር የተገናኘ ባአል ነው ። ዘመኑንም ዘመነ ዮሐንስ,  ማቲዮሰ,  ሉቃስና ዻውሎስ ብለው ይሰይሙታል ።‼ ታዲያ ይህንን እንዴት ሙስሊሞች ያከብሩታል ? በጣም የሚገርመው የኢኽዋን መሪዎች አብሮነት በሚል ይህን ባአል የጋራ ለማድረግ ሲታትሩ መታየቱ ነው ። አልፎም በዚህና በጥምቀት ባአል ላይ በክብር እንግድነት ሲሳተፉና መግለጫ ሲሰጡም ሊታይ ይችላል ። ይህ የዲናቸውን ክብር ማስነካትና ራሳቸውንም ከማዋረድ ውጪ ጥቅም የለውም ።
   የሀገረችን ሙስሊም በሱፍይ መሪዎች አማካይነት ታቦት ሲሸኝና ጥምቀት አብሮ እየጨፈረ ሲያከብር ይኖር ነበር ። ተራው የኢኽዋን ሆነና በተራቸው ጭራሽ እየሱስ ፍቅር ያስተማረ ጌታ ነው ‼ ብለው አረፉት ። ይህም ለሙስሊሙ ወላእና በራእ የሚለው የዐቂዳ ውድቀት ሰበብ ሆነ ። የአላህ መልእክተኛ ለኡመቴ የምፈራው አጥማሚ መሪዎችን ነው ያሉት ይህ ነው ።
       ወደ ርእሴ ስመለስ እንቁ – ጣጣሽ እውነትም ብዙ ነው ጣጣሽ እላለሁ ። በመርህ ላይ ያልተመሰረተ ዐቂዳ ሁሌም ኮተት አያጣውም ። ዘመን መለወጫ ሲመጣ ሰዎች ካለፈው አመት ድክመታቸውና ስህተታቸው ታርመው የበለጠ ለመስራት ከመዘጋጀት ይልቅ የህይወታቸውን አቅጣጫ ለመቀየር ወደ መተትና ኮተት ያማትራሉ ። በመሆኑም ከምን ጊዜውም በላይ በዚህ የእንቁ–ጣጣሽ ባአል ላይ መተትና ድግምት ይሰራል ጠንቋዮች በጣም ቢዚ ይሆናሉ ። ይህ መተትና ድግምት የእነርሱ ህይወት ሊለውጥ የሌላው ህይወት ማጥፋት አለበት ብለው ነው የሚያስቡት ። በመሆኑም በአብዛኛው የሚሰሩ ድግምትና መተቶች በሰዎች ላይ ይሆናል ።
   አላህ ከፈቀደው ጉዳት ሊያደርስ ይችላል ። መጠንቀቁና ሰበብ ማስገኘቱ መልካም ነው ። በዘመን መለወጫው ማለዳ ( ጠዋት)  ላይ የተለያዩ ዶሮዎች በተለያየ መንገድ ተገለው በሰዎች መውጫና መግቢያ ላይ ወይም መንገድ ላይ ሊጣሉ ይችላሉ ። በሌላ መልኩ መሬት ተቆፍሮ ሊቀበሩም ይችላሉ  ። ሙስሊሞች በተለይ በዚህ ቀን ጠዋትም ሆነ ቀኑ ላይ ከቤታቸው ሲወጡ " ቢስሚላህ ተወከልቱ ዓለላሂ ላ ሐውለ ወላ ቁወተ ኢላ ቢላህ " ብለው መውጣት ይኖርባቸዋል ። ለልጆቻቸው ይህን ዚክር ማስተማርና መንገድ ላይ የሚያገኙትን ነገር እንዳይረግጡ ፣ እንዳያነሱና እንዳይጫወቱበት መንገር ይኖርባቸዋል ።
ይህን ዚክር አድርገው ሰበብ ካስገኙ በአላህ ይጠበቃሉ ። በእንቁጣጣሽ ጣጣ እንዳይገቡ ይረዳቸዋል ።
    በመጨረሻም ይህን ኮተት ተሸክሞ የሚመጣውን ዘመን መለወጫ የሁሉም ነው ከማለት መቆጠብና ይዞት ከሚመጣው ጣጣና ኮተት በአላህ መጠበቅ ያስፈልጋል ።
አላህ ሙስሊሞችን ከሸረኛች ተንኮል ይጠብቅልን ።

https://t.me/bahruteka

የባጢል ሰዎች ንግግራቸው ስላማረ አንደበታቸው ስለጣፈጠ እውነተኛ ሊሆኑ አይችሉም!!
—————
አንዳንድ ሰዎች ንግግራቸውንና አንደበታቸውን በማሰማመርና በማጋጌጥ ይዘውት የተነሱትን ባጢል እውነት ለማስመሰል ይሞክራሉ። ልክ እንደዚያው ንግግሩ አላማረለትም ብለው የሚያስቡት ሀቅ ተናጋሪ ውሸታም ሊሆን አይችልም!!

የሀቅ ሰዎች ዘንድ ደግሞ አልፎ አልፎም ቢሆን የሚናገሯቸው ጠንከር ያሉ ቃላቶች ካሉ እነሱን ለቅመው አውጥተው በማራገብ የሚናገሩትን ሁሉ እውነታ ለማበላሸት "ይሀው ተሳዳቢ ናቸው፣ ተራጋሚ ናቸው…" እያሉ ይዳክራሉ። ዳሩ ግን ሀቅ ሀቅ ናት! የገላጯ አንደበት አማረም አላማረም፣ ተጋጌጠም አልተጋጌጠም ሀቋን በማስረጃ ፈትሾ መቀበል ነው። ሀቅ የሚመዘነው በማስረጃና እውነትን በመከተል ብቻ ነው።

የሀቅ ሰዎች አንደበታቸው ባይጣፍጥም፣ ንግግራቸው ባይጋጌጥም የሚናገሩት ሀቅ እስከሆነ ድረስ ሀቅ ፈላጊ በሆነ ሰው ላይ የመቀበል ግዴታ አለበት!!

ኢማሙል አውዛዒ (ረሂመሁላህ) የሚባሉ ታላቅ ሊቅ 157ኛ ዓ.ሂ ላይ ነው ወደ አኼራ የሄዱት፣ ከአትባዑ ታቢዒን ናቸው፣ እንዲህ ሲሉ ይመክራሉ:-
“ሰዎች ቢጋጩህ አለያም ቢርቁህ እንኳ የደጋግ ቀደምቶችን ትውፊት በመከተል ላይ አደራ! (ንቃት ይኑርህ!)። ወዮልህ የሰዎችን (የተዛባ) አስተሳሰብ ተጠንቀቅ! በንግግር ቢያጋጌጡልህ እንኳን።” [ጃሚዕ በያኑል ዒልሚ ወፈድሊሂ 2/114]

ሸይኽ ሷሊህ አሉ ሸይኽ (ሀፊዘሁላህ) ይህን ሲያብራሩ እንዲህ ይላሉ:- “አስተሳሰባቸውን ቢያጋጌጡልህም፣ አንደበታቸውን ቢያሳምሩም ወዮለት ወዮልህ ንግግራቸውን ስላሳመሩና ቃላቶችን ስላሳመሯቸው ከሱንና ዘወር አትበል። ሱንናን እና የሱና ባለቤቶችን አንደበታቸውና የሚጠቀሟቸው ቃላቶች ባያምሩ እንኳን አጥብቀህ ያዝ!። ምክንያቱም ሚዛኑ ሱናን በመከተል ላይ ነው፣ ሱናን የተከተለ ድኗል፣ አዲስ ነገር የፈጠረ እርሱ ጠፊ ነው፣ አላህ ከጥፋት ይጠብቀን!።” አሉ

ሸይኽ ሷሊህ ቢን ፈውዛን አል-ፈውዛን (ሀፊዘሁላህ) ይህን የኢማሙል አውዛዒን ንግግር ሲያብራሩት እንዲህ ብለዋል:-
“ደጋግ ቀደምቶችን በመከተልህ ሰዎች ቢጋጩህም፣ ደረቅ ነህ ቢሉህም ወደነሱ ዘወር አትበል። ለሚያወግዙህ ነገር ቦታ አትስጠው ምክንያቱም አንተ ሀቅ ላይ ነህ፣ ሀቅ ላይ እስከሆንክ ደግሞ ፅና!። አንተ የሰዎችን ውዴታና ሙገሳ አይደለም የምትፈልገው፣ የምትፈልገው አላህን ማስወደድ እና ሀቅን ነው፣ ሀቅ ደግሞ ጥርጥር የለውም የደጋግ ቀደምቶችን መንገድ በመከተል ላይ ነው። በግብዝነት፣ በተቃርኖ ሀሳብ አራማጅነትና መሰል ቃላት የሚገልፅህም ስታገኝ በጭራሽ ወደሱ ዘወር አትበል!። ምክንያቱም አንተ ሀቅ ላይ ነህ እነሱ ግን ባጢል ላይ ናቸው!!።” አላህ ሀቁን አውቀን በመከተል ላይ የምንፀና ያድርገን!!
✍🏻 ኢብን ሽፋ (t.me/ibnshifa)
የተለያዩ ት/ቶችን ለማግኘት የቴሌግራም ቻናላችን ⤵️ #join በማድረግ ይቀላቀሉ
https://telegram.me/IbnShifa
https://telegram.me/IbnShifa