غــــزل
ـــــــــــــــــ
یاره په ریښتیا زندګي نه کیږي
نه کیږي بې تا زندګي نه کیږي
ته مې دوجود یې یوه حصه یاره
ځکه خو جلا زندګي نه کیږي
ماته ځان دتا او ته دځان ښکارې
بل رقم زما زندګي نه کیږي
تاپوري تړې زندګي ده زما
بلچاسره زما زندګي نه کیږي
ته څنګه یې لږ حال راته ووایه؟
مانه خو تنها زندګي نه کیږي
نې کړم ترغاښ لاندي نه خلاف وایم
وایمه صفا زندګي نه کیږي
راشه نن وه ژوند ته یوه معنا ورکړو
داسي بې معنا زندګي نه کیږي
ته چې نه یې بس دایوه لار لرم
چې مرګه مرحبا زندګي نه کیږي
کلي ته درځمه نور نو ستړی شوم
نور مې پر سحرا زندګي نه کیږي
دلته ګام پرګام دعشق سپایان ولاړ
ځکه خو په غلا زندګي نه کیږي
دلته ورور ولي ده که راځې اشنا
دلته د خودخوا زندګي نه کیږي
دلته کړه *معـصومه* دوفا کیسې
دلته په جفا زندګي نه کیږي
#معصوم_غزنوي
@masoomghaznavi12
