تپــانـد زُهـــاد

ښکلي نعت شریف

قربان دي له نامه شمه جانانه محمده ﷺ
پر زړه مي راوریږي قدردانه محمدهﷺ

صلي الله علیه وبارک وسلم
قبول مي درودونه کړه سلطانه محمدهﷺ

رحمت العلمینه د اللهﷻ خوږ پیغمبرهﷺ
الله کړلي میلمه تر لامکانه محمدهﷺ

اللهﷻ پر تا درود وایې قران پر تا درود
اللهﷻ پر تا نازل کړلو قرانه محمدهﷺ

امام د انبیاؤ یې سردار د مرسلانو
خالق تاته در کړي دي لوړ شانه محمدهﷺ

دنیا که مافیها ده ستا له رویه پیدا شوي
غمخور پر خپل اُمت یې مهربانه محمدهﷺ

کرم دي غواړم تاته امیدوار یمه حبیبهﷺ
تپاندزُهاد) له نوم دي شم قربانه محمدهﷺ

اَلّلُهمَّ صَلِِّ عَلی سَِیّدِنَا مُحَمَّدِالنِِّبیّ الاُمّیِ وَاَلِهِ وَبَارِک وَسَّلِم


@Zuhadashna

د روژې په میاشت کي هره شپه یو اواز کوونکی دغه اواز کوي!


حضرت عبدالله بن مسعود رضی الله عنه د رسول الله صلی الله علیه وسلم څخه روایت کوي چي رسول الله صلی الله علیه وسلم وفرمایل : کله چي د روژې د میاشتي لومړۍ شپه سي نو دجنت دروازې خلاصیږي (او ټوله میاشت دغه دروازې خلاصي وي ) په هغو کي دجنت یوه دروازه هم نه بندیږي ، او د دوږخ دروازې بندیږي ( او ټوله میاشت بندي وي ) په دغه میاشت کي د دوږخ یوه دروازه هم نه خلاصیږي او سرکښه شیطانان بندیان کیږي .
او د روژې په مبارکه میاشت کي هره شپه یو اواز کوونکی ټوله شپه تر صبح صادق پوري دغه آواز کوي :
اې د نیکۍ او ښیګڼو غوښتونکې !
د نیکۍ اراده وکړه او خوشحاله سه ، او اې دبدۍ غوښتونکې !
د بدۍ څخه منعه سه او پر خپل حال فکر وکړه، او دا اواز هم کوي :
— ایا د ګناهونو بخښه کوونکی سته چي د هغه ګناه معاف سي ؟
— ایا توبه کوونکی سته چي دهغه توبه قبوله سي ؟
— ایا د دعا غوښتونکی سته چي دهغه دعا قبوله سي ؟
— ایا د یو شي غوښتونکی سته چي دهغه غوښتنه پوره سي ؟
(الترغیب والترهیب)
قدر مندو لوستونکو موږ او تاسو چي په ګناهونو بار یو ، او که خدای نا خواسته له دغو ګناهو سره د خپل رب په وړاندي ودرول شو هلته نو بیا زموږ لپاره افسوس او پښیماني هیڅ معنی نه لري راځﺉ چي دې ږغ کوونکي ته مثبت جواب ورکړو
او نیکي وکړو ،له بدیو منعه سو او هم د الله جل جلاله څخه د خپلو ګناهونو بخښنه وغواړو ، ځکه چي دګناهونو بخښنه د انسان   لپاره داخروي  ژوند ترټولو ستره  بریا ده ، او هم د خپلو هر ډول روا غوښتنو د پوره کیدو لپاره د خپل رب څخه دعا وغواړو ځکه چي په دغه میاشت کي مو دعا قبلیږي او د دعا قبلیدل   د دنیوي او اخروي ژوند دواړو لپاره خورا  مهمه ده.
سیدسعید(اغاجان

اختریزه ډالۍ

زموږ د هیلو ارمانونو ترجمان اختره
خوشحالي راوړه ورک غمونه کړه جانان اختره

امن ته تږې یو د امن پیلامه شه ګرانه
اشغال کړه ختم ژر را درومه قدردان اختره

د یتیمانو او د بوری مور د زړه ټکور شه
پر وچو شونډو یې موسکا خوره کړه ګران اختره

د اسیرانو د خلاصون زیري شه ځار دي شمه
تا ته په طمعه د خلاصون دي مهربان اختره

د مسلمه امت زخمونو ته شفاء شفاء شه
مظلوم امت شه دسوې زړه درمان اختره

پر سنګرونو مرچلونو سره ګلونه شینده
د لومړۍ کرښي د غازي زړه کړه ودان اختره

ستا و راتګ ته مي د زړه دنیا ودانه ښکاري
تپاندزُهاد) یم را پوره مي کړه ارمان اختره


@Zuhadashna

نعت شریف

وي پر تا دي بارانونه درودونه
څاڅکي څاڅکي دریابونه درودونه

چي الله دې پیدا کړې په خبر دي
ټول زرې زرې ریګونه درودونه

که انجیل دي که تورات او که زبور دي
د قران ټوله حرفونه درودونه

چي الله وي پر دا مځکه راشنه کړي
وني بوټي ټول ګلونه درودونه

له ادمه تر دي دمه چې پیدا دي
فرشتې واړه روحونه درودونه

وې ډالۍ دي محمده ستا و روح ته
سمندر واړه څکونه درودونه

صدقه دې شم (تپاندزُهاد) حبیبه
د الله ټول کتابونه درودونه

صلي الله علیه واله وصحبه وسلم

@Zuhadashna

د سروري کائنات حضرت محمد مصطفې صلي الله علیه واله وسلم د رحلت او فراق دردونکي قصه د حضرت بلال حبشي رضي الله عنه ژړا او فریاد
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

بلال په چغو درومي د شام پر لورې ژاړي
د مدیني څه روان و شاته ګوري ژاړي

په زړه سوري سورې دې هجر ځپلي دي ډیر
په نازک زړه یې لمبي د هجر پورې ژاړي

بي له جانانه سخته شوه زندګې د بلال
د خوږ حبیب مینه یې په زړګي اورې ژاړې

په جدایې د محبوب د مدینې څه وځي
په بدرګه ورسر سپوږمي هم ستورې ژاړي

یو شپه په خوب کې ورته جانان واي بیوفا یې
روضه دي زما پریښودل سترګي غمخوري ژاړي

چي کله ویښ شو بلال شو را روان هغه دم
راغي روضي ته غمجن ورسره سیوري ژاړي

بلال ممبر ته وخوت د غم اذان یې وکړ
ټوله اصحاب ژړیدل زړونه یې ښوري ژاړي

د درد کیسه مې لیکل ( تپاندزُهاد) کپیدم
زړه مي سلګیو واخست قلم او تورې ژارې

@Zuhadashna