تاج دار خیرالبشر

د منصور غزنوي پيغام .
قدرمنو او درنو وروڼو !
کوم دروغ چې په ما پورې تپل شوې دي ، زه الحمد لله له دې څخه بري يم ، تير سهار مي يوه ليکنه وليده چې زما په اړه پکې ليکل شوي وه ، چې منصور غزنوي په اربکيانو پسې شعر ويلی دی کاملاً دروغ دي ، او بيا يو نعت خوان دا خبره په خپل چينل کې هم نشر کړې وه ، د دې لپاره چې خپل ځان دروند او بل مسلمان سپک ثابت کړي ، خو داسې به هيڅکله ونه شې ، ځکه عزت او ذلت د خالق ذات کار دی ، چې فرمايي تعز ُّمن تشاء و تذل من تشاء . الايه .
افسوس د هغه چا په حال چې د دوی له لاسه په ټوله ټوله جامعه پسې خبرې کېږي .
لله الحمد د يو مجاهد په حيث به دومره ووايم چې خدای مکړه که قصداً داسې عمل به رانه صادرېږي ، تر هغه له مخې دي اللَّه ج مرګ راکړي ،
راځم د دې خبرې مکمل وضاحت تاسو سره شريکوم ،
کومو شهيدانو ته چې دا خلک اربکيان وايي ، د هغو له خپلو اقرباوو نه يې تاسو خپله واورئ ، چې لاندې صوتي يې درسره شريکوم ، او د رابطې شماره يې هم درسره شريکوم چې خپله عملاً مجاهد دی ،( 0093728736156 ) .

او کوم چا چې اول ځل دا خبره کړې ده ، چې د مهاجر سبحاني په نامه ده ، د هغوی خبرې هم واورئ ،چې لاندې يې دوه صوتياني درسره شريکوم ، چې اوله صوتي کې وايي چې دا خلک اربکيان دي ، او بله صوتي کې وايي ، چې ما ته معلومات نه وو .

او کوم د واټساپونو مديران چې دا خبرې يې نشر کړې دي ، هغوی ته لنډ پيغام د رسول الله ص حديث پېش کوم چې فرمايي ،
کفیٰ بالمرء کذبا أن يحدث بکل ما سمع ، ژباړه ، انسان لره همدا دروغ کافي دي چې هر څه اوري او بې پوښتنې يې نشروي ،

بله خبره دا چې که چېرې زمونږ معلومات ناقص وي ، نو د مولوي سيد سبحاني آغا او مولوي عبدالصمد صميم صاحب معلومات هم ناقص دي ؟ چې هغوی هم په همدې شهيدانو پسې شعرونه ويلې دي ، چې لاندې يې اورېدلی شئ ، بالآخره نور دا موضوع رب العالمين ته سپارم ، دغو خلکو چې د دې شهيدانو سپکاوی کړی ده ،اول دي له اللّٰه ج نه او بيا د شهيدانو له کورنۍ څخه عفو وغواړي . والسلام ورور مو منصور غزنوي

محمده (صلی الله علیه واله وسلم)

رحـمت د کل عالم یې معتـبره محمده ص
نازل پر تا قران دی د زړه سره محمده ص

د نور په پلوشو دې دا دنیا رڼا رڼا شوه
د جهل تورو شپو لره سپین لمره محمده

راتګ دې دې نړۍ ته دښکلاؤو وږمې راوړې
خپره شوه خوشبــویې ستا له نظره محمده

دعشق له رنګینیو نه دي هر زړګی آباد شو
په عشق دې شول ډېرزړونه بختـوره محمده

یې لیک دهر مومن دزړه په سر باندي جانانه
یې ګران و هر مومن لره دلبره محمده

الفت دي دخواږه وصال ارمان ګرځوم زړه کې
تر مرګه تر محشره تر کوثره محمده

الفت جان

سوې هډونه

دچا د تورو ستـــــرګو دیدنونــــــه پاته کیږي
د ځینــو ګلابونــــــو یادګارونـــــــه پاته کیږي

دوی لاړشي رنګ په وینو د سبحان ترجنتونو
خو موږ ته یې د ژوند څو انځورنه پاته کیږي

چې څوک د رب پر دین باندي ځانونه نذرانه کړي
د ننګ په تاریخو کې یې نومونه پاته کیږي

دا څوک دي چې په مینه په مسکا دورمې لمبوته
لمبو کې یې د تن سوې هډونــه پاته کیږي

نن بیا دي څوک رخصت کړو د ابد په لوري یاره
چې زړه کې دي نن بیا درانه غمونه پاته کیږي

څه پیښه ده څه شوې الفت جانه حال څرګند کړه
چې بیا دي په غزل کې ټول دردونه پاته کیږي

ــــــــــــــــــ
الفت جان

غازي کندهار

نن دې بیا د فتحو اوازونه هره خوا راځې
بیا دې کنــدهاره له غازي غیږي بریا راځې

بیا دي اتلانو پر دښمن مور بوره کړې ده
بیا دې د دښمن له کوره چیغې او ژړا راځې

ځار ستا شملورو د غزا نیزې را خستي دي
ځار ستا میــړنو ته نصرتونه د مولا راځې

رب دي دا ګل رنګ په ونه دنګ ځوانان ژوندي لره
هر دننګ تاریخ کې یې نومونه ښه اعلا راځې

پام چې دغرور او د لویي دام کې را ګیر نشئ
غوره عاجزي کړئ درته نوري فتحي بیا راځې

داچې دم په دم مو دبري زیري راځي راته
خود به الفت جان په مینه مینه په مسکا راځې
ــــــــــــــ
الفت جان
https://t.me/Qanitagha
https://t.me/alasar_basri_sanga