{عبدالرقیب فاتح}

د عادلانه حکومت په هیله
ــــــــــــــــــــــــــــ

طالبان له سپین بیرغ سره کابل ته به راځي
زمونږه مړاوې هیلې غوټۍ ګل ته به راځي
ان شاءالله

لاره اوږده نۀ ده لاره اوس ده لنډه شوي
عمر غوندې عادل به ستونځو حل ته به راځي

وړانګې به د سپینو پګړو خیجي په ښارو کې
سپین مخي طالبان به مو منزل ته به راځي

ورک یو له بله څخه لري له ډیر وخته یو!
یو بل به ښۀ په مینه بل لیدل ته به راځي

په أمن به وي لارې او ژوندون به وي ګلرنګه
خلق به ډیر له لرې هر محفل ته به راځي

عبدالرقیب فاتحه! څۀ د فتحو زیري اورم
هیواد مو د طالب ځلمو منګول ته به راځي

ــــــــــــــــــ
عبدالرقیب فاتح

ستړی ژوند!!!
ـــــــــــــــــــ
څۀ له خړو غرو پنا یم څۀ په تورو شپو کې ورک یم
څۀ غُربت یمه ځبېښلئ څۀ د چا غمو کې ورک یم

توره شپه ده تر سهاره د ډیوو پر لاره پل ګدم
زنده ګي ده ملنګي ده مدام تورو غرو کې ورک یم

د ژوندون ستړي وختونه تیروم د زړۀ پر ځمکه
خوښۍ ټوله رانه تللې د فکرو درو کې ورک یم

چې یو ګل سره به خوښ وم هغه ګل دی رژېدلی
نن ي خړ قبرته ناست یم د اوښکو ویالو کې ورک یم

زما د زړه ناسور زخـمونه ورځ په روځ باندې زیاتېږي
ټوله شپه یمه په ویښه د دردو څپو کې ورک یم

زما اوښکې اوښکې سترګې دیدارونه د چا غواړي
اوس"عبدالرقیب فاتحه " د لټون خیالو کې ورک یم

ـــــــــــــــــــــــــــــ
عبدالرقیب فاتح

نیمګړی دنیاګۍ ـ پندیه توري
ـــــــــــــــــــــــــــــــ

په غږ د اسرافیل ـ دنیا به شي مایل
راتلونکي ده عقبا ـ انسانه شه عاقل

راتلونکی دی مرګی ـ ترې نشته ده خلاصی
انسان یوه ورځ ـ د مرګ یې لاروی
په زړۀ کې دې مدام ـ ایمان ساته کامل

دنیا به شي تمام ـ عقبا لري دوام
په دنیا نسې خطأ ـ انسان کوه پام
عمل کوه تل نیک ـ چې هیڅ نشي غافل

مسلمه شه خبر ـ له ورځي د محشر
چې نه شي شرمنده ـ په مخکې د اکبر
ذاکر اوسه شاکر ـ د رب به شي قابل

عقبا کې ده ښۀ ژوند ـ دنیا کې نشته خوند
عبدالرقیب فاتح ـ لیکلی دغه پند
په ښکلو عملو ـ اعزاز کانده حاصل

ـــــــــــــــــ
عبدالرقیب فاتح

لوستل یې ډير اړېن دی!!!
د عـبرت اخـیستلو لپاره یی خامخا ولولۍ !!!!

وایې یو پاچا وو، چې په اونۍ کې به یې یوه ورځ خپل جامي به يې بدلي کړي او د ښار په سړکونو او کوڅو به یې د خپل ولس حال پوښتلو:
یوه ورځ چې وزیر هم ورسره وو، د ښار په کومه څنډه کې ګرځیدل چې یو سړی یې په خاورو کې پروت ولید.
بادشاه او وزیر ورنږدې شول او سړی یې وخوځاوه،
څه ګوري چې سړي خپله اروا خالق ته سپارلې او مړ دی.
خوا او شا خلک ګرځيدل او په خپل روزګار بوخت ول، هیچا هم ددې مړي غم نه کاوه،بادشاه خلکو ته غږ کړ ویل یې تاسو کې دومره انساني همدردي هم نشته دا سړی دلته مړ پروت دی او تاسو یې پورته کوي نه.
خلکو ورته ویل ته دا نه پېژنې دا د زمانې بدعمله بد فعله انسان وو، شرابي او زنایي وو، بادشاه ویل که هر څه و، خو انسان او مسلمان خو دی کنه!
خو هیچا مرستې ته غاړه کینښوده
پاچا او وزیر اړ شول چې مړی پورته کړي.
په پوښتنه ،پوښتنه یې تر کوره ورسوه، کله یې چې مړی د هغه ميرمنې ته کیښود نو میرمن په ژړا سر شوه او ویل یې دا په نړۍ کې تر ټولو نېک صالح انسان وو.
بادشاه د ښځې په دې خبره حیران شو او ویل یې چې ټولو خلکو ویل چې دا ډېر بدعمله انسان و او ته وایې چې نېک دی!
میرمنې ویل هو د خلکو خبره هم پر ځای ده ځکه چې خلکو د هغه ظاهر کتلی و، خو زه یې له باطنه خبره یم.
دې سړي به هره ورځ څو بوتله شراب راوړل او خاورینه کټوۍ کې به یې خالي کول.
ویل به یې یو څو کسه مې له ګناه وژغورل او شراب مې ترې توی کړل.
همدا ډول به یې بد اخلاقه ښځه راوسته او په کوټه کې به یې بند کړه او سهار به یې خوشې کړه او خپل اُجره به یې ورکړه.
ویل به یې نن مو شکر دی څو کسان له زنا وژغورل.
نو دې ځايونو ته تللو او راتللو دا سړی داسی بدنام کړ چې خلکو به ترې مخ اړولو.
ښځه يې وايې یوه ورځ مې ورته ویل چې سړیه که مړ شې نو څوک به دې جنازه ونکړي؛ څوک به غسل در نکړي!
ویل یې ښځې ته بې غمه اوسه زما پر خپل خدای باور دی زما جنازه به د هېواد بادشاه کوي.
دې خبرې سره د بادشاه له سترګو اوښکې راغلې او ویل یې خورې زه بادشاه یم او ددې سړي خبره رښتیا وه.
ددې جنازه به زه کوم.
ــــــــــــــــــــــــــــــــــــــــــــــــــ
نوټ: د چا په ظاهر باید خطا نشي او لږ یې باطن ته هم سر ورښکاره کړي.

وطن بشي خپلواک
ـــــــــــــــــــــ

د ارګ په ســر به رپوؤ سپین بیرغونه ان شاءالله
فتحي به راځینه راځینه
که خدای کول مو پوره کیږي آرمانونه ان شاءالله
فتحي به راځینه راځینه

شیخ محترم هِیبَةٌالله
د آریانا به شي پاچا
بیا به په أمن شي مو کلي هم ښارونه ان شاءالله
فتحي به راځینه راځینه

ځلمو غورځنګ دی شروع کړی
په دښمن جنګ دی شروع کړی
نور د ملعون دولت رژیم نسکور وینه ان شاءالله
فتحي به راځینه راځینه

شي به خپلواک جانان وطنه
شي به ودان ویران وطنه
د زړۀ آرمان به مو هدف ته رسونه ان شاءالله
فتحي به راځینه راځینه

عبدالرقیب فاتحه یاره
خوښۍ راځي به دې ښاره
طالب ځلمی مو دا آرمان پوره کوینه ان شاءالله
فتحي به راځینه راځینه

ــــــــــــــــــ
عبدالرقیب فاتح