ယူကရိန်း-ရုရှားစစ်ပွဲကြောင့် ဇင်ဘာဘွေမှာ ပေါင်မုန့်ဈေး နှစ်ဆထိမြင့်တက်ပြီး အခက်တွေ့နေNOM ဧပြီ ၂၇၊ ၂၀၂၂။
ယူကရိန်း-ရုရှား ပဋိပက္ခတွေစတင်ချိန်ကစပြီး ဇင်ဘာဘွေမှာ ပေါင်မုန့်တလုံးတန်ဖိုးဟာ မူလထက် ၁၀၀% အထိမြင့်တက်နေတယ်လို့ သိရပါတယ်။ ပေါင်မုန့်တလုံးအတွက် ၂ ဒေါ်လာအထိ ပေးချေနေရတယ်လို့သိရကာ ထမင်းတောင်မှ မစားကြဘဲ ယာဂုကျိုသောက်ကာ အခြေအနေကို ထိန်းသိမ်းနေရတယ်လို့ VOA သတင်းတရပ်မှာ ဖော်ပြခဲ့ပါတယ်။
ဒီရိုက်ခတ်မှုဟာ ကလေးတွေအပေါ် ပိုပြီး အကျိုးသက်ရောက်မှုကြီးမားနေကာ ပေါင်မုန့်စားရဖ်ု့အတွက် ငိုကြွေးတောင်းဆိုနေတယ်လို့ ဇင်ဘာဘွေအိမ်ရှင်မတဦးက VOA ကို ပြောဆိုခဲ့ပါတယ်။
ကမ္ဘာ့အဓိကဂျုံတင်ပို့တဲ့ ယူကရိန်းကို ရုရှားက ဝင်ရောက်တိုက်ခိုက်ပြီးနောက် ဇင်ဘာဘွေမှာ ပေါက်မုန့်ဈေးက ကြောက်ခမန်းလိလိမြင့်တက်ခဲ့တာပါ။ ဂျုံတင်သွင်းမှုနည်းပါးသွားချိန်မှာ စားနပ်ရိက္ခာပြသနာနဲ့ ရင်ဆိုင်လိုက်ရတာပါ။
ဇင်ဘာဘွေ ဆန်စက်လုပ်ငန်းရှင်များအသင်းရဲ့ ဥက္ကဌနဲ့ စပါးတင်သွင်းသူ Tafazwa Musarara က ရုရှား-ယူကရိန်း ပဋိပက္ခဟာ ကုန်ဈေးနှုန်းတက်ခြင်းရဲ့ အဓိကအကြောင်းအရင်းဖြစ်တယ်လို့ပြောကြားခဲ့ပါတယ်။
“ပြီးခဲ့တဲ့နှစ် နိုဝင်ဘာလလောက်မှာ နိုင်ငံရေးတင်းမာမှုတွေ မြင့်လာတဲ့အတွက် အာမခံသူတွေက အဲဒီဒေသက ဂျုံတွေကို သယ်ယူလို့မရနိုင်တော့လို့ပြောပါတယ်၊ ယူကရိန်းက ကျနော်တို့လိုအပ်တဲ့ ဂျုံရဲ့ ၆၅ ရာခိုင်နှုန်းကို ဂျုံကောင်းကောင်းနဲ့ ထောက်ပံ့ပေးနေတဲ့ ပေးသွင်းသူတစ်ဦးပါ" လို့ သူက ဆိုပါတယ်။
တိုက်ပွဲဖြစ်ပွားနေတဲ့ ယူကရိန်းနိုင်ငံ Mariupol မြို့မှာ ဇင်ဘာဘွေကို တင်ပို့မယ့် ဂျုံတွေပိတ်မိနေတာ ရက်သတ္တပတ်များစွာကြာနေပြီလို့ သူက ထပ်ပြောခဲ့ပါတယ်။ ယူကရိန်းစစ်ပွဲက ဇင်ဘာဘွေပြည်သူတွေကို တိုင်းပြည်ရဲ့လိုအပ်ချက်ကို ဖြည့်ဆည်းပေးနိုင်မယ့် နည်းလမ်းတွေကို ရှာဖွေဖို့ တွန်းအားပေးနေကြောင်းလည်း သူက ဆိုပါတယ်။
အခု တခြားနိုင်ငံတွေကနေ ဘယ်လိုရနိုင်မလဲဆိုတာကို ကျနော်တို့ ကြိုးပမ်းနေပါတယ်။ [သြစတေးလျတွင်] ရေလွှမ်းမိုးမှု ပြဿနာရှိနေလို့ သူတို့စိုက်ပျိုးရေးကို ထိခိုက်နေပြီး ကနေဒါနဲ့ တခြားနိုင်ငံတွေကနေ ဂျုံတွေရရှိဖို့ ကျနော်တို့လုပ်နေပါတယ်" လို့ သူက ရှင်းပြခဲ့ပါတယ်။
ဇင်ဘာဘွေစိုက်ပျိုးရေးအသင်းရဲ့ CEO နဲ့ နိုင်ငံတွင်း စိုက်ပျိုးရေးဖွံ့ဖြိုးတိုးတက်မှုကို မြှင့်တင်ဖို့ တာဝန်ရှိသောအဖွဲ့က Andrew Matibiri ကတော့ လက်ရှိကြုံတွေ့နေရတဲ့ ဂျုံရှားပါးမှုက အခွင့်အလမ်းတခုအဖြစ်နဲ့ ဆောင်ရွက်နိုင်တယ်လို့ ဆိုပါတယ်။
“ဒီအချိန်က စပါးစိုက်ပျိုးထုတ်လုပ်လိုတဲ့ တောင်သူလယ်သမားတွေကို ပံ့ပိုးပေးဖို့အတွက် အစိုးရနဲ့ ပုဂ္ဂလိကကဏ္ဍ ပူးပေါင်းလက်တွဲပြီး လယ်သမားတွေ များများထွက်ရှိဖို့ အခွင့်အခါကောင်းပါပဲ” လို့ ဆိုပါတယ်။ “ပြီးတော့ ဘုရားသခင်ကို ကျေးဇူးတင်တယ်။ မြေယာပြင်ဆင်မှုတွေမှာ ကူညီပေးနေတဲ့ မိုးနှောင်းပိုင်း မိုးရွာသွန်းမှုတွေ ရှိခဲ့ပါတယ်။ အဲဒီတော့ ခြုံပြောရရင် ဒီနိုင်ငံရဲ့ စပါးထုတ်လုပ်မှုက အနာဂတ်ကောင်းတယ်။”
ကျနော်တို့ရဲ့ လိုအပ်ချက်အတွက် အလုံအလောက်ထုတ်လုပ်နိုင်ပြီး တစ်ဖက်နိုင်ငံနဲ့ ဂျုံလိုအပ်နေတဲ့ တခြားနိုင်ငံတွေကို တင်ပို့နိုင်ဖို့နဲ့ ဒီထက်ပိုပြီး ထုတ်လုပ်နိုင်တယ်ဆိုတာကို ပြသထားပါတယ်" လို့ သူက ပြောဆိုခဲ့ပါတယ်။
NOM
Telegram -
https://t.me/nomworldnews
