ပုတိဖွား🇲🇲(MMH)

နောက် သူ့ကို ခေါ်ပြီး မှတ်တမ်းပြတယ် ။ သူကလည်းဝန်ခံတယ် လုပ်ချင်ရာ လုပ်ပါတဲ့ ။ ဦးနေဝင်းက ထောက်လှမ်းရေး အရာရှိရယ် ဦးအောင်ကြီးရယ် ဗိုလ်မှူးချုပ်မောင်မောင်ရယ်ကို....

'' ကဲ ဒီကိစ္စ ဒီမှာဖြတ်တော့ ဒါတွေ မီးရှို့လိုက်ပါ''

        ဆိုပြီး ဖျောက်ဖျက်ပစ်လိုက်ပါတယ် ။

                ဦးနုကိုတောင် သူဖြုတ်ထားတဲ့ အရာရှိတွေကို နိုင်ငံရေးနယ်ပယ်မှာ နေရာပေး ရာထူးခနိ့ပေးဖို့ တောင်းဆိုပေးခဲ့ပါတယ် ။ ဗိုလ်မှူးချုပ်မောင်မောင် ဆိုရင် အစ္စရေး သံအမတ်ကြီး အဖြစ် ခန့်အပ်ပေးခဲ့ကြပါတယ် ။

            ဒါတွေက တကယ့်သမိုင်း မှနိတွေပါ ။ ဘယ်သူ့မှတ်တမ်းလဲ... ? ဘယ်မှာ တွေ့နိုင်မလဲ ဆိုရင် ဆရာကြည်ဝင်းစိန် ရဲ့ စာအုပ်ထဲမှာ ပါတယ်လို့ သိရပါတယ် ။

                ဒီစာကို ကိုဝင်းမော် ( ရွှေသံစဥ်) ရဲ့ အစီအစဥ်မှ ထုတ်လွှင့်ချက်အား သူ၏ ခွင့်ပြုချက်ဖြင့် ထပ်မံ ဖြန့်ချီပေးလိုက်ရခြင်း ဖြစ်ပါတယ် ။

         ကိုရွှေမျိုးဝင်း

ဆရာ တပည့် စိတ်ထား
====================

                 ဦးနေဝင်းကာကွယ်ရေးဦးစီးချုပ်ဘဝတုန်းက ဗိုလ်မှူးချုပ် မောင်မောင် ဆိုတာ ရှိပါတယ် ။ စိတ်တိုတတ်ပြီး ဂမူးရူးထိုး နိုင်တယ်လို့ ဆိုပါတယ် ။ ၁၉၅၉ အိမ်စောင့်အစိုးရ လက်ထက်မှာ ရုရှားက KGB တယောက် အမေရိကန်ကို မြန်မာမှတဆင့် နိုင်ငံရေးခိုလှုံခွင့် တောင်းခဲ့တယ် ။

             တပ်မတော်လေ့ကျင့်ရေး သင်တန်းမှူး ဗိုလ်မှူးချုပ်မောင်မောင်က CIA နဲ့ တွေ့ပေးခဲ့တယ် ။ တခါ အဲဒီ KGB ကို    ရုရှားသံအမတ်က တွေ့ခွင့်တောင်းတယ် ။ အဲဒီတော့ တွေ့ခွင့်မပေးခဲ့ပြန်ဘူး ။

                  နိုင်ငံတကာ law အရ တရားမျှတမှု မရှိဘူး ဆိုပြီး ဦးနေဝင်းက စိတ်ဆိုးခဲ့တယ် ။ ဒါပေမယ့် သူ့တပည့် တဇောက်ကန်းကို ကာကွယ်ပေးချင်လို့ ဒုချုပ် ဗိုလ်ချုပ်အောင်ကြီးရဲ့ မတော်တဆ မှားယွင်းမှုပါဆိုပြီး တာဝန်ခံစေခဲ့ပါတယ် ။

                   နောက်တခု ဦးနုထံ အာဏာပြန်လွဲပေးပြီး ၁၉၆၁ မှာပဲ အဲဒီ ဗိုလ်မှူးချုပ်မောင်မောင်က ဦးနုဆီက အာဏာသိမ်းဖို့ ကြံတယ် ။ မကျေနပ်ချက်က ဦးနုသည် ဗုဒ္ဒဘာသာကို နိုင်ငံတော်ဘာသာအဖြစ် ပြဌာန်းလို့တဲ့ ။ သူက ဗုဒ္ဓဘာသာကနေ ခရစ်ယံဘာသာ ပြောင်းထားတဲ့ အချိန်ပေါ့ ။

                သူက အားလုံးစီစဥ်ပြီးမှ ဗိုလ်မှူးကြီး ခင်ညို နဲ့ ဗိုလ်ချုပ်အောင်ကြီးကို သွားပြီး တိုင်ပင်ပါတယ် ။ ဒီတော့ ဟို ၂ ယောက်က ဟာ ခင်ဗျားရူးနေတာလား ဒါမျိုး မလုပ်ရဘူး လေ လို့ ပြောပြီး ဦးနေဝင်းဆီ သတင်းပို့ကြပါရော ။

               ဦးနေဝင်းက သတင်းကြားတာလည်း ပြာယာခတ်မသွားပဲ အေးအေးဆေးဆေး စဥ်းစားပြီး အကွက်ချပါတယ် ။ နောက်တနေ့ ၁၉၆၁ ဖေဖော်ဝါရီ ၁၃ ရက်မှာ အာဏာသိမ်းမယ့် အရာရှိတွေကို စစ်ရုံးခေါ်တယ် ။

- ကြည်း ၃၅၀၅  ဗိုလ်မှူးချုပ် အောင်ရွှေ
' တောင်ပိုင်းတိုင်း တိုင်းမှူး နောင် NLD)
-  ကြည်း ၃၀၅၇ ဗိုလ်မှူးချုပ် မောင်မောင်
( နောင် အစ္စရေးသံအမတ်ကြီး)
- ကြည်း ၃၅၁၂ ဗိုလ်မှူးကြီး အေးမောင်
( အမှတ် ၂ တပ်မဟာမှူး)
- ကြည်း ၃၅၁၇ ဗိုလ်မှူးကြီးတင်မောင်
( အမှတ် ၁၂ တပ်မဟာမှူး)
- ကြည်း ၃၅၇၀ ဗိုလ်မှူးကြီး လှမော်
( အမှတ် ၅ တပ်မဟာမှူး)
- ကြည်း ၃၅၇၂ ဗိုလ်မှူးကြီး ကြည်ဝင်း
( အမှတ် ၇ တပ်မဟာမှူး)
- ကြည်း ၃၆၄၁ ဗိုလ်မှူးကြီးသိန်းတုတ်
( အမှတ် ၄ တပ်မဟာမှူး)
-ကြည်း ၅၁၈၁ ဒု ဗိုလ်မှူးကြီး
( အမှတ် ၁၀ တပ်မဟာမှူး)
- ကြည်း ၃၆၄၉ ဒု ဗိုလ်မှူးကြီး ချစ်ခိုင်
( တပ်မတော်တိုက်ခိုက်ကျောင်းအုပ်ကြီး)

              လေ့ကျင့်ရေးလုပ်ဖို့ ဗန်းပြပြီး ဦးနေဝင်း မသိအောင် အာဏာသိမ်းမယ့် အရာရှိ ၉ ယောက်ဟာ စစ်ရုံးကို မနက် ၈ နာရီမှာ အရောက်ခေါ်ထားလို့ ရောက်လာကြပါတယ် ။ ပါလာတဲ့ လက်နက်တွေကို ဦးဆုံး သိမ်းယူထားပြီး ဦးနေဝင်းဆီ ဝင်တွေ့ကြပါတယ် ။

             အပြန်အလှန် အလေးပြုပြီးတာနဲ့ ဦးနေဝင်းက...

'' ကဲ မောင်ရင်တို့ တည်ဆဲအစိုးရကို အာဏာသိမ်းဖို့ လုပ်နေတာ တရားမဝင်ဘူး ငါ ကာကွယ်ရေး ဦးစီးချုပ်အနေနဲ့ ခွင့်မပြုနိုင်ဘူး ။ ငါ့ အမိန့်ကို လွန်ဆန်ပြီး လုပ်မယ်ဆိုရင် မင်းတို့ ငါ့ကို သတ်သွား ၊ ငါ့အလောင်းကို ကျော်ပြီးမှ ဆက်လုပ်ကြ ၊ အခု ငါတားနေတာ မင်းတို့ ဆက်လုပ်မယ်ဆိုရင် ဟေ့ကောင် မောင်မောင် မင်း ငါ့ကို ပစ်သတ်သွား ''

              ဦးနေဝင်းဟာ ပြောပြောဆိုဆို သူ့အိပ်ထဲက သေနတ်ယူပြီး စားပွဲပေါ် ဒုန်းကနဲ ပစ်ချပေးလိုက်တော့ အားလုံးလည်း ကြောင်တောင်တောင် ဖြစ်ကုန်ကြသတဲ့ ။ သူ့ကို သတ်ဖို့ ရည်ရွယ်ချက်မရှိဘူးလေ ။ စိတ်တိုတတ်တဲ့ ဗိုလ်ချုပ်မောင်မောင်က ...

'' ခင်ဗျား နွားကြီးပဲ ကျုပ်တို့က ခင်ဗျားကို သတ်ဖို့ ပြီးတော့ အာဏာမက်လို့ မဟုတ်ဖူး တိုင်းပြည်ကောင်းဖို့ လုပ်တာ ''

         လို့ စိတ်ဆိုးဆိုး  နဲ့ တုန့်ပြန်ပေမယ့် သေနတ်ဆီကို လုံးဝ လက်မကမ်းပါဘူး ။ ဦးနေဝင်းက  အားလုံးကို အကျယ်ချုပ် ချက်ခြင်း အစားထိုးခန့်ပြီး ထိမ်းထားပါတယ် ။ ဗိုလ်ချုပ်အောင်ကြီးတို့ကို ပြောပြတာက...

'' လူမိုက်ကို လူလိမ္မာက အုပ်ချုပ်လို့မရဘူး လူမိုက်ကို သူ့ထက်မိုက်တဲ့သူက အုပ်ချုပ်မှ ရမယ် ''      တဲ့ဗျာ ။

  
           ပြီးတော့ အဲဒီနေ့မှာပဲ တိုင်းပြည်ကို ကြေညာခဲ့တယ် ။
'' ၁၉၆၀ ရွေးကောက်ပွဲမှာ မသမာသော နည်းများဖြင့် အနိုင်ယူရန် ကြိုးပမ်းမှုကြောင့် တပ်မတော်မှ ထုတ်ပယ်လိုက်သည် ''     
( ဒီနေ့ထိ ကျနော်တို့သိထားတဲ့ သမိုင်းပဲ)

                          ဦးနေဝင်းက သူ့ရဲဘော်တွေကို အာဏာသိမ်းမှုနဲ့ တရားစွဲရင် သေဒဏ်ပေးခံရမှာ သိလို့ အမှုပြောင်းလိုက်တာဗျ ။ ကိုယ့်ရဲဘော်ကို စောင့်ရှောက်ခြင်းပါပဲ ။

            ထူးခြားကျန်သေးတယ် ။ ဗိုလ်မှူးချုပ်မောင်မောင်ကို နောက်ကြောင်းပြန်လိုက်တော့ သူက KNDO ရဲ့ ဖမ်းဆီးခြင်း ခံရဖူးတယ် ။ အဲဒီမှာ ခရစ်ယံဘာသာ ပြောင်းခဲ့တာ ။ အဲဒီမှာပဲ CIA နဲ့ ချိတ်မိထားပြီ ။ တရုတ်ပြည်ခရီးမှာလည်း CIA နဲ့ ချိတ်တာ တရုတ်က သိသွားလို့ သတင်းပေးပြီ ။

                ဦးနေဝင်းက ဖြစ်စဥ်ကို ဦးအောင်ကြီးပါ ခေါ်ပြပြီး တိုင်ပင်တယ် ။ နှစ်ယောက်သား ဗိုလ်မှူးချုပ်မောင်မောင်ဟာ တချိန်က တပ်မတော်အတွက် အကောင်းဆုံး လုပ်ပေးခဲ့တာတွေ အများကြီးပဲ ။ ဒါကြောင့် ဒါတွေကို ပြန်ထောက်ထားရမယ် ဆိုပြီး ဆုံးဖြတ်တယ် ။