Ultimatum education

​​Abituriyentlar uchun muhim va tegishli bo'lgan “Faol investitsiyalar va ijtimoiy rivojlanish yili” Davlat dasturi loyihasi bandlari

Loyihaga ko'ra quyidagi ishlar amalga oshiriladi:

- barcha hududlarda Prezident maktablarini tashkil etish;

- Oʻzbekistonda Moskva energetika instituti, Moskva davlat xalqaro munosabatlar instituti, shuningdek Toshkent kimyo-texnologiya institutida D.Mendeleyev nomidagi Rossiya davlat kimyo-texnologiya universiteti, Toshkent davlat agrar universitetida Astraxan davlat texnika universiteti bilan qoʻshma taʼlim dasturlari (qoʻshma fakultetlar) tashkil qilish

- 2019/2020 oʻquv yilidan boshlab bosqichma-bosqich davlat buyurtmasi va tabaqalashtirilgan toʻlov-kontrakt tizimini joriy etish orqali OTMlarni oʻzini oʻzi moliyalashtirish tizimiga oʻtkazish;

- abituriyentlarga bir vaqtning oʻzida bir nechta oliy oʻquv yurtiga hujjat topshirish imkoniyatini berish;

- iqtidorli yoshlar uchun bakalavr bosqichini jahonning nufuzli oliy taʼlim muassasalarida davom ettirishi mkoniyatini yaratish;

- 2019/2020 oʻquv yili qabulidan boshlab bosqichma-bosqich davlat xizmatlari markazlari orqali oliy taʼlim muassasalariga hujjat qabul qilish tizimini yoʻlga qoʻyish;

- xorijiy diplomlarning ekvivalentligini tasdiqlashga doir sunʼiy toʻsiqlardan voz kechish, tan olish jarayonini yanada soddalashtirish;

- harbiy xizmatni oʻtagan abituriyentlarga tegishli oʻquv yili uchun tasdiqlanadigan oliy taʼlim muassasalariga qabul kvotalari doirasida alohida kvotalar ajratish va test sinovlarini oʻtkazish;

- harbiy qism komandirining tavsiyanomasi faqat harbiy oliygohlar uchun imtiyozga ega boʻlishi;

3. Қаттиқ ишланг!..

Ҳеч нарсага осонликча эришилмайди.
Астойдил меҳнат, давомийлик, ўзини бажараётган ишга баҳш этиш – муваффақиятингизнинг асосий қисмларидандир.
Астойдил меҳнат ва ютуқларга эришиш учун кетказилган вақт унумдорлик билан фойдаланилган ҳисобланади ва келажакда бунга яраша ютуқ билан тақдирланасиз.
Шунинг учун кутаётган натижангизни қилаётган меҳнатингиз билан таққослай билишингиз лозим.

2. Кучингизни реал баҳоланг!

Айтишларича, инсон кучи ва имкониятини бошқаларга қараганда яхши билади.
Шундай экан, сиздан бошқа ким ҳам истакларингиздан хабардор бўлмоғи керак?
Энг яхши бажара оладиган ишингизни аниқланг ва уни бажаринг, муваффақият сизнинг ортингиздан ўзи қувади.

ОМАДНИНГ САККИЗ САБАБИ.

Ҳар биримиз ўз мақсадларимизга эришишга қодирмиз.
Шундай экан нима учун ҳаммамиз муваффақиятга эриша олмаймиз?
Бунинг сири – ўзимизда баъзи одатларни шакллантиришдан иборатдир, шундай қилсангиз омад ва муваффақият калитига эришасиз!

Саккиз қадамли йўл

Ҳаётнинг ҳар жабҳаси: у ҳоҳ ҳаёт, ҳоҳ иш ва ёки мансаб бўлсин одатларимиз келажагимизни яратишда асосий вазифани бажаради. Қуйида келтирилаётган саккиз хил одат сизни муваффақият сари етаклайди…

1. Сабрли бўлинг

Нимагадир эришмоқчи экансиз, иштиёққа эга бўлишингиз даркор.
Иштиёқлилик мақсадларингизга етишишингизда сизга куч баҳш этади ва унга эришишингизга ёрдам беради.
Бажараётган ишингизни яхши кўришингиз – муваффақиятга эришиш калитидир.

Tilni qanday qilib oson, tez o‘rgansa bo‘ladi?

Ba'zi narsalar qunt, vaqt va sabr talab qiladi. Menimcha, til o‘rganish ham. 6 oyda yoki 3 oyda darrov ingliz tilini o‘rganib olishning iloji yo‘q. Men shunaqa deb o‘ylayman. O‘zim ingliz tilida bemalol muloqot qila olaman va bu darajaga 2-2,5 yil kurslarga borish va muntazam ravishda (mana kurslarni bitirganimga 8 yil bo‘ldi) tilni ishlatib, "praktika" qilib erishdim.

Kollejga borganimda ham, universitetda ham, keyinchalik har xil joylarda ishlaganimda ham tilni qanday o‘rganganimni so‘rashadi. Maslahat so‘rashadi. Kanalimni o‘qib boradiganlardan ham shunaqa mazmunda savollar tushgan.

Maslahatim juda oddiy: kurslarga boring, qancha qimmat bo‘lmasin va qancha ko‘p vaqt olmasin. To‘yga tiktiradigan ko‘ylagingizdan chegirasizmi, choyxonalardan chegirasizmi yoki bunaqa ortiqcha pulingiz bo‘lmasa, qandaydir ishlab topasizmi... Ingliz tili kurslariga borish pul va vaqt talab qiladi rostan. IMHO

Hozir 2-3 yil o‘qish shart emas lekin. 1-1,5 yilda "Upper-intermediate" darajasida o‘rganib olsangiz, qolganini avtodidaktik (mustaqil o‘rganish — "self-study" deyishadi) usulida o‘zlashtirib olaverasiz. OK? 3 yilda amerikaliklardek bemalol ingliz tilida so‘zlashib ketish mumkin. Bu realistik.

Bir jiyanimning mazasi yo‘q ekan. Allergiyadan qiynalyapti. Bir do‘xtir bir talay dorilar yozib berib, shularni ichib yursa va 5 yil qat'iy dieta qilsa, kasali o‘tib ketishi mumkin emish. Xullas, bu do‘xtir unga yoqmapti. Toshkentda qandaydir superdorilar sotadigan (yana) firma chiqibdi, ular bir dori taklif qilayotgan ekan — 6 oy ichsa, otdek bo‘lib ketarkan. Jovvobmush! Albatta, bu taklif yoqibdi.

Ma'lumot uchun, kulgilisi buni jiyanimning o‘zi aytib beryapti, o‘sha firmada savdo agenti bo‘lib ishlasa, har bir sotilgan doridan falon dollardan pul chiqarib berilar ekan. Xullas, u dorilarni ichib, "kuf" deganlarning ko‘zi ochilib ketayotganmish, "suf" deganlarida suv teskari oqayotganmish", bir ichganida "bellarigacha", ikkinchi ichganlarida "yelkalarigacha" ta'sir qilayotganmish.

Men esa o‘ylab qoldim. Balki ular odamlarga ular nimani eshitishni xohlayotgan bo‘lsalar o‘shani aytayotgandir. "Baraka topgurlar, til o‘rganish muhim jarayon. 2 yilcha vaqtingiz ketadi baribir" deb mijoz to‘plolmayotgan halol, rostgo‘y o‘quv markazlari fonida "6 oyda ingliz tilini o‘rganasiz, bo‘lmasam, pulingizni qaytarib beramiz" deydigan shovvozlar chiqdi o‘tgan yillarda. Albatta, hamma qiyin (ammo to‘g‘ri) yo‘ldan emas, oson yo‘ldan bordi.

Boshqa misol: universitetga kirgan, karyera qilmoqchi bo‘lgan yosh yigitlar ikkita narsani qilishi shartligini tushunadi. Birinchisi, til o‘rganish, ikkinchisi armiyaga borish. Armiyaga borib keladiganlar ko‘pmi yoki universitetga kirgach, til o‘rgana boshlab, uni zo‘r o‘rganib chiqadiganlarmi? Albatta, armiyaga boradiganlar. (Ikkovini qilsa-ku, molodets-ku!) Armiya bir oy vaqt va falon million so‘m degani.

Dangasalik, nimagadir oson erishish, o‘zini ovutish, o‘zi eshitishni xohlagan gapni aytganlarida aldanish — insonga xos. Lekin til o‘rganmoqchi bo‘lganlarga gapim o‘sha — to‘yga to‘yona beryapman deb tasavvur qiling-da, pulingizni o‘qishga tiking.

Yana bir tomoni ketayotgan pulingizga achinib ham o‘qiysiz. Bunga ko‘p vaqt ketishini tan olsangiz esa 5-6 oyda "hech narsa o‘zgarmadi-ku" deb tashlab ham ketmaysiz.

Juda ko‘p tanishlarim oson va arzon yo‘l bilan ingliz tilini o‘rganaman deb qiyin va qimmat jarayonlarni boshdan o‘tkazdi. Alaloqibat o‘rgana olishmadi ham. Men Jahon tillarida o‘qiganman. Sizga bir faktni aytsam, bu yerni bitirganlarning ko‘pchiligi ingliz tilini "intermediate" darajasida ham bilmaydi. To‘rt yil! To‘rt yil-a, Karl!


Saidaziz A'zamov

Ҳарбий тавсияномалар учун имтиёзларни бекор қилиш режалаштирилмоқда

«Фаол инвестициялар ва ижтимоий ривожланиш йили» Давлат дастури лойиҳаси жамоатчилик муҳокамаси учун эълон қилинди:
http://2019.strategy.uz

Унда кўп қизиқарли таклифлар ва режалар битилган.

Масалан, ана шундай таклифлардан бири ҳарбий тавсияномага эга абитуриентлар учун бериладиган имтиёзлар билан боғлиқ.

Давлат дастури лойиҳасининг 204-бандига биноан, жорий йилги тест синовларида:
- ҳарбий хизматни ўтаган абитуриентларга тегишли ўқув йили учун тасдиқланадиган олий таълим муассасаларига қабул квоталари доирасида алоҳида квоталар ажратиш ва тест синовларини ўтказиш;
- ҳарбий қисм командирининг тавсияномаси фақат ҳарбий олийгоҳлар учун имтиёзга эга бўлиши назарда тутиш режалаштирилмоқда.

Бу нима дегани?

Матндан тушунишимча, қуйидаги ўзгаришлар кутиляпти:

1) ҳарбийлар учун бериладиган тавсиянома фақат ҳарбий олийгоҳлар учун имтиёз беради. Қандай имтиёз берилиши (балл қўшиб берадими ёки имтиҳонсиз оладими) ҳозирча аниқ эмас;

2) ҳарбий бўлмаган ОТМлар учун энди имтиёзли тавсиянома берилмайди;

3) тавсиянома бор ёки йўқлигидан қатъий назар, ҳарбий хизматга борган барча (!) абитуриентлар алоҳида мақомга эга бўлади ва улар алоҳида квота доирасида тест топширади.
Масалан, қайсидир ОТМнинг бир йўналишига 10 нафар ҳарбий хизматни ўтаган талаба қабул қилиш белгиланади ва шу ўрин учун ҳарбий абитуриентлар курашади. Бунда курашга қўшилиш учун махсус тавсиянома шарт бўлмайди, хизматни ўтаган бўлса бўлди. Натижада улар ҳарбий хизматни ўтамаган бошқа абитуриентларга халақит бермайди;

4) Барча ОТМларга ҳам бундай алоҳида квоталар берилмайди. Айнан қайси ОТМнинг қайси йўналишига ҳарбий абитуриентлар учун қўшимча квота берилиши олдиндан тасдиқланади. Фақат шу йўналишга топширганларгина алоҳида тест синовидан ўтишади.
Масалан, ЎзМУнинг тарих йўналишига ҳарбий хизматни ўтаган абитуриентлар учун алоҳида квота берилди, лекин ЎзМУнинг математика йўналишига берилмади, деб тасаввур қилайлик. Агар ҳарбий хизматни ўтаган абитуриент “тарих”га топширса, алоҳида квота бўйича курашади. Агар “математика”га топширса, унда ҳеч қандай имтиёз ва мақомга эга бўлмайди, эл қатори тестга киради.

Эслатиб ўтаман, юқоридаги талқин фақат менинг тушунганларим холос, аслида бошқача бўлиши ҳам мумкин.

Ҳарбий тавсиянома асосида имтиёз бериш адолатсиз тизим эканлиги ҳақида кўп бора ёзганман. Масалан, мана бу - https://t.me/xushnudbek/727
Ниҳоят ўзгариш бўлаётганидан хурсандман. Шунақа имтиёзлар бекор бўлиб, адолат тарозисининг паллалари тенглашаверсин.

O‘quv markazda chin ko‘ngildan, bor e'tiborini berib, xalqqa foydam tegadigan inson bo‘lay deb tayyorlanayotgan barcha abuturiyentlarga 2019-yil talabalik baxtini olib kelsin!

Universitetga qatnash emas, unda o‘qish muhim

Universitetimizda unday, universitetimizda bunday, deb ko‘p yozishadi shaxsiyimga. Talabalar o‘zi o‘qiyotgan ta'lim muassasasini, umuman ta'lim tizimini yaxshilanishini istaydi. Buni tushunaman.

Lekin, masalan, ba'zi murojaatlar universitetdagi baholash tizimi, testlar, reyting haqida. Men talaba bo‘lganimda ham universitetda ikki toifa norozilar bo‘lardi. Biri bilimsizlik, jaholatdan nolib, ilm talabida bo‘lsa, ikkinchisi ertaga stipendiyasiga ta'sir qiladigan baholarni olishini o‘ylab, joriy tizimga ko‘nmasdi.

Bir kun kelib vijdoningiz qiynalmasligi uchun nimani mantiqsiz, noto‘g‘ri deb hisoblasangiz, rektoratga shularni yozib murojaat qilib qo‘ying. Bu sizning burchingiz. Bu ishda eng muhimi ko‘p harakat qilib yubormaslik.

Talabaning maqsadi o‘qish, bilim olish. Darslarda qatnashish yoki seminarlarda javob berish emas. Va aniqki, ta'lim tizimini isloh qilish ham emas. Talaba ertaga ishga kirishi kerak. Ish beruvchilar talab qilayotgan bilim va ko‘nikmalarni egallash kerak, tamom. Albatta, universitet bunda yordam bo‘lishi kerak (shuncha kontrakt pullari nega to‘lanyapti), lekin agar universitet, domlalarning qo‘lidan kelmasa, joningizga qasd qilib yuborishdan tashqari oldingizda ikkita yo‘l bor.

Birinchisi, hammasini tashlab, "Korzinka"ga ishga kirish. Chunki kallangiz bo‘lsa, bu kompaniyada yuk tashuvchilikdan menejerlikkacha taxminan 3-4 yilda ko‘tarilish mumkin. Tanish-bilishchilik yo‘q, ish bor, doim vakansiya bor. Oyliklar vaqtida beriladi. "Korzinka" menejerlarining oyligi uncha-buncha diplomlilarnikidan katta. Hatto unga uylanib, mashinaga pul yig‘sa ham bo‘ladi.

Bir tanishimiz "Bugungi ishni ertaga qo‘y, balki ertaga o‘ylab ko‘rarsan", derdilar. Ya'ni universitetda masalan iqtisodiyotni o‘rganaman deb 4 yil yoki 6 yil yurishadi ba'zilar, oxiri biror korxonaga buxgalter yoki klerk bo‘lib borishadi. O‘ylab ko‘ring, biror tashkilotda oddiy ishchi bo‘lish uchun shuncha vaqt kerakmasdir.

Ikkinchisi, (eng zo‘ri bo‘lib, yaxshi yashamoqchi bo‘lganlarga) ma'naviyat soatlari, tadbirlar, foydasi yo‘q deb ishonganingiz ba'zi darslarga kirmaslik. Ularga sizni o‘sishdan. hayotda o‘z yo‘lingizni topib ketishingizdan to‘xtatib qolishga imkon bermaslik. Mustaqil o‘qish! Onlayn kurslar, yaxshi mutaxassisga shogird tushish (pul, katta pul berib bo‘lsa ham), til o‘rganish, kompyuterni o‘rganish, o‘quv markazlariga borish, sayohat qilish, boshqa mamlakatlarga borish (grant topsa bo‘ladi yoki universitet parkovkasidagi Lacetti sotiladi-da, 1-2 yil amallab metroda yuriladi. Fransuzchasiga aytganda, Cest la vie!) va sizni professionalizmga yaqinlashtiruvchi har qanday ishni qilish kerak. Aminmanki, bunday ishlar sirasiga oraliq nazoratni vaqtida yozib topshirish kirmaydi. Wikipediadan ko‘chirib olib, mustaqil ish qilib topshirish ham to‘chna kirmaydi.

Men universitetda "uch"ga o‘qiganman. Darslarga atay kelmasdim. Imtihonlarni topshirmasdim vaqtida. Haydab yuborishmaydi. Haydab yuborishsa, sizga yaxshilik qilgan bo‘lishadi. Bitta universitetdan haydalib hayotingiz barbod bo‘lib ketsa, qo‘lingizdan kelgani shu ekan. O‘zingizdan xafa bo‘ling. Haydab yuborishmasa, bu sizning omadingiz! Diplomli bo‘lib olasiz.

Intizomsizligim mening shaxsiy protestim edi. Yana hamma kursdoshlarimga bilgan fanlarimdan ko‘chirtirardim, nazorat ishlarini ishlab yoki yozib berardim, ba'zilarining o'rniga ham kirib chiqqanman testga. Chunki u nazorat ishlari befoyda ekanini bilardim. Umuman O‘zbekiston ta'lim tizimidagi baholar befoyda. Ular hech nimani anglatmaydi. To‘langan kontrakt pulidan qaytariladigan stipendiyani belgilashidan tashqari.

Yuzlab do‘stlarim universitetda men kabi ota-onasi faxrlangani uchun o‘qigan. Ota-ona rizosi bo‘lmaganida ikkinchi semestrdayoq o‘qishni tashlab ketardim. Chunki u yerdagi eng ajoyib domlalarim talaba bo‘lmasam ham, kontrakt to‘lamasam ham menga ustozlik qilardi. Chunki tashlab ketmay topganlarim yo‘qotganlarimdan kamroq bo‘ldi.

Qanday o‘qish, qanday yashash o‘z qo‘limizda.

Saidaziz A'zamov

Yangi yil ta’tili 28-dekabrdan 3-yanvargacha davom etadi.
Ya’ni 27-dekabr ohirgi dars. 4-yanvardan dars boshlanadi.

Брент типидаги нефть нархи 58 доллар, лайт типидагиси эса 48 долларгача пасайгани тўғрисидаги хабарлар ортидан закий ва синчков ўқувчиларимиздан саволлар кела бошлади. Энди нима бўлади, доллар ошадими, бензин нархи тушадими, иқтисодий вазият қай томонга ўзгаради каби.

Биринчидан, нефть бозор товари, лекин унинг нархи шаклланишида сиёсий мундарижа алоҳида ўринга эга. Нархларнинг бундан кейин ҳам пасайишда давом этиши тенденцияси асосий экспортер ва импортерларнинг компромисси ёки турли векторли сиёсатларни давом эттиришларига боғлиқ. Нима бўлгандаям нефть энергия манбаи сифатида инсониятга катта таъсирда бўлган эрасини якунламоқда.

Иккинчидан, нефть нархи ва доллар курси тескари пропорционал ҳаракатланади. Айниқса, ривожланаётган ва учинчи дунё мамлакатлари валюталари қиймати нефть нархи ошишидан фақат пасаяди. Ўзбек сўми ҳам истисно эмас. Шу билан бирга, нефтни инобатга олмаганда ҳам ўрта ва узоқ перспективада ўзбек сўми қиймати барибир пасайишда давом этади. Сизга Марказий банкнинг муқобил сценарийсини ўқишни тавсия этамиз. Фикри ожизимизча, мана шу муқобил (салбий) сценарий асосий сценарийга айланиши эҳтимоли юқори.

Учинчидан, асосий ишлаб чиқарувчи ва асосий импортер монополист Ўзбекнефтегаз бўлиб қолаверар экан, нефть нархи ошсаям бензин нархи ошади, нефть нархи тушсаям бензин нархи ошади, ҳатто ўн марта презентация қилинган GTL заводи ишга тушсаям, бензин нархи ошади.

Тўртинчидан, таркибий ўзгаришлар бўлаётган даврда турмуш даражаси пасаяди. Албатта, бунда биринчи навбатда ўрта синф ва қуйи даромадларга эга тоифалар кўпроқ жабр кўради (инфляция бу кам даромадликлар учун солиқ эканини унутманг). Ўзгаришлар субъективлигига қараб юқори қатламлар бойишда, мулки ва даромадларини кўпайтиришда давом этади. Макродоирада ўртача температура ўзгармагандай кўринаверади.

Бешинчидан, нефть нархи пасайишидан бир қарашда Россия иқтисодиёти ютқазиши, унинг ортидан биз ҳам жабр кўришимиз мумкинлигини оддий ўқувчи ҳам билади. Иқтисодиётимиз Россия иқтисодиётига ростан қарам. Лекин ташқи омил борасида энди Хитой ўрни ҳам ундан кам эмас. Буёғига нефть нархи пасайиши-ю, Россияда аҳвол оғирлашишидан кўра, Хитойдаги рецессиядан кўпроқ чўчишимиз керак. Ҳозирча бу рискни биз татиб кўрмадик, демакки оқибатлариниям баҳолай олмаймиз. Тайёрмизми бунга, жуда катта савол.
davletov.uz

Senda bor narsani kimlardir har kuni Allohdan iltijo qilib so'raydilar.

Boriga shukur qil 😊

Новвой қўшнимиз бор. Ун ёки газ ошганида, нонни оширмайди. Лекин сал кичрайтириб қўяди нонини. Бир ойча ўтиб, нархини ошириб, хув эски хажмга қайтади. «Ошдию, зато каттароқ бупқопти» деб рози бўламиз.
Хуллас, Макроэкономикамизни «новвой экономикаси» деб номлаган бўлардим.

Ўқинг, фақат кулманг. Агар эплай олсангиз.


Яримтамўйлов шогирд устозидан сўради:


- Устоз, нега мен 12 йилдан бери ўқишга кира олмаяпман? Бунинг синоати недир?


Устоз чуқур ўйга толди ва вазминлик билан жавоб берди:


- Бўтам, сиз тонг қуёшининг тоғлар ортидан секин-асталик билан чиқишини, майсалар устидаги қировни қитиқлаб эритиб, тиниқ шабнам томчиларига айлантиришини кузатасизми?


- Албатта, устоз.


- Тоғдан шарқираб, оламга шовқин солиб тушаётган шаршаранинг, дарёда сокин мавжланаётган сувнинг сўзларига қулоқ соласизми?


- Шубҳасиз, устоз.


- Кумуш қадаҳга тўлдириб қуйилган майнинг юзида ўз аксингизни кўрганда чуқур ўйга толасизми? Ҳаётнинг маъноси ҳақида фикр юритасизми?


- Жуда ҳам кўп марта, устоз.


- Ойдек сулув гўзалнинг кўксига бошингизни қўйиб, унинг ҳар бир юрак уришида намоён бўлган муҳаббатни вужудингизда хис қиласизми?


- Деярли ҳар куни, устоз.


- Ҳаа, падарингга лаънат! Эшшак, вақтингни бунақа бекорчи нарсаларга сарфламасдан кетингни бир жойга қўйиб, қунт билан ўқиганингда ҳозир университетда профессор бôлиб юрган бўлардинг! Ҳее мол!


© Ҳошимжон

@ultimatumeducation

FEVRAL-MART IMTIXONLARI(3000 qatnashuvchi):

*Yozma imtixon - 13-14 fevral
*Birinchi 3 ta bo'lim(listening, reading, g&l comptences) natijalari - 19 fevral
*Speaking - 15 fevral - 6 mart
*Speaking natijalari - 16 mart (10 kun)

APREL-MAY IMTIXONLARI(6000 qatnashuvchi):

*Yozma imtixon kunlari - 16-21 aprel
*Og‘zaki imtixon - 21 aprel - 15 may
*Umumiy natijalar - 28 may (13 kun)

OKTABR- NOYABR IMTIXONLARI(5500 qatnashuvchi):

*Yozma imtixon - 22-24 oktabr
*Og‘zaki imtixon - 25 oktabr - 11 noyabr
*Umumiy natijalar - hali e‘lon qilinmadi (11 kun)

@ultimatumeducation

Hammaga Assalomu Aleykum ✋🏻

Keling, yangi boshlangan kunni biroz o'y bilan boshlaymiz 😇

"Yaxshi o'qiyapsanmi bolam?" degan savolga vijdonan javob berib ko'ringchi, aziz abuturiyentlar? 🤔

Tabiiyki, javob ikkita:

HA 😇

YO'Q 😥

Tanlash vijdoningizga havola, albatta, 🤷🏻‍♂️ lekin

har kun darsga deb uydan chiqib ketayotganingizda, siz bilan birga ota-onangizning ishonchi ham ergashib chiqayotganini unutmang☝🏻

Ular kutgan farzand bo'lishni o'z oldingizga maqsad qilib qo'yib oling va bunga erishish uchun barcha imkoniyatlardan foydalaning 😊

Kuningiz unumli va barakali o'tsin yaqinlar 😉

✍🏻 @ultimatumeducation