#صاحبه_ديوان_قصه_الحوراء_في_كربلاء_.
ختاميه للعزاء للزهراء عليها السلام( لمجلس فاطمه )
لمجلس فاطمه لطامه طبينه
شده أمعدله وأنعازي مهدينه
🩸🩸🩸🩸🩸🩸🩸🩸
لمجلس فاطمه طبينه نتلاطم
بنت أشيوخ زينه بت بني هاشم
بسيرتها الزجيه تحجي الوادم
((( ومولاتي تستاهل هوسه )))
🩸🩸🩸🩸🩸🩸🩸🩸
خاتونه الزجيه وسيدت النسوان
بنت أمصلصل وهاذه أكبر العنوان
والدهه الرسول وموش ياهو جان
((( وسلطانه يم صيت العالي )))
🩸🩸🩸🩸🩸🩸🩸🩸
أجيت أبهالفجيعه المهدي عازيته
وخسفيته الصدر من لطمي خسفيته
ومجلس فاطمه أمعزايه طبيته
((( وياويلي وأصرخ عالزهره )))
🩸🩸🩸🩸🩸🩸🩸🩸
شـــده أمعدله ومـــجلسهه أشدنه
ولـــزهره مـــحمد ريـــحه الــجنه
تعـــالن يـــمي شـــو لطم التعدلنه
((( وعدليهه لطمتهه أوكومي )))
🩸🩸🩸🩸🩸🩸🩸🩸
يالحيل الطمتي باجر أتحضرج
وتشفعلج تجي وتوسعه لكبرج
قدمتي الخدامه أتكلج أبعمرج
((( وحضريته كلمن يخدمني )))
🩸🩸🩸🩸🩸🩸🩸🩸
تكول أسمائكم عندي أسجلهه
وأقبلهه المجالس كلهن أقبلهه
شفاعه أتنال كل خدامي أوصلهه
((( وموجوده وياكم دومي )))
🩸🩸🩸🩸🩸🩸🩸🩸
من يوم الحساب أنه لنجيكم
وللجنه أبئديه أهناكه أوديكم
أبني حسين وتشوفونه أخليكم
((( وهنياله كلمن من شافه )))
🩸🩸🩸🩸🩸🩸🩸🩸
*تـــمت والـــــفضـــ🤲ـــل لله تعالى*
*بقلم✍الشاعره العلويه أيه البياتيه*
*صاحبه ديوان📚قصه الحوراء في كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
https://telegram.me/haneen_Ali_Faris
