Mahamadkhodjaev

O‘tgan yili mart oyida soft-skillarim va networking ustida ishlashni boshlagan edim. Shu vaqt ichida nimalar o‘zgargani va asosiy xulosalarimni bo‘lishmoqchiman.

Asosiy xulosa: Soft skillar hard skillardan muhimroq.

Uzoq vaqt hard skillar yaxshi rivojlangan bo‘lsa qolgani muhim emas degan fikr bilan yurganim uchun buni fakt sifatida qabul qilish qiyin bo‘ldi. Keling nega ko‘pchilik uchun soft-skillar muhimroq ekanligini ko‘rib chiqamiz:

Soft skillarni rivojlanishi ko‘pincha inson fe’liga bo‘g‘liq, va rivojlantirish oson emas. Kritiklarga har doim agressiya bilan reaksiya bildiradigan, fikrini to‘g‘ri yetkazib bera olmaydigan, ishdagi stress holatlarda o‘zidan boshqa hammani aybdor sifatida ko‘radigan jamoa a’zosi bilan ishlash hamma uchun qiyin. Bizni sohada esa samaradorlik to‘g‘ridan-to‘g‘ri jamoadagi muhit va kayfiyatga bog‘liq. Hard skillarni esa ish davomida rivojlantirib olish mumkin.

1) Tanish-bilish.

Xohlasak xohlamasak tanishlari ko‘proq dizaynerlarni ishi boshqalarnikiga qaraganda tezroq tugaydi, tanishlari ko‘proq dizaynerlar yaxshiroq joyda ishlashadi va ko‘proq pul topishadi. Sohaviy rivojlanishda tanishlarni o‘rni ham juda muhim. Ularni ko‘paytirib borishga ham alohida fokus qaratish kerak. Oxirgi ishlagan loyihalarim & ish joylarimga qarasak deyarli hammasidan tanishlarim tavsiya qilgani uchun ish taklifini olgan ekanman.

2) Jonli kommunikatsiya effektivroq.

Ishimizni mijoz bilan bog‘liq barcha bosqichlarida (vazifalarni tushunib olish, ishni himoya qilish, fikr almashish) jonli muloqot qilish online meeting/yozma ko‘rinishdan effektivroq. Jonli muloqotda emotsional aloqani yaxshiroq o‘rnatib olish mumkin, bu esa mijoz bilan bir xil muhitga tushib olish uchun muhim.

3) Psixologiya va inson psixotiplarini o'rganishni foydasi

Jamoadagi insonlar & mijozlar bilan har doim ham bir xil muloqot qilib bo'lmaydi. Ba'zida yaxshiroq kommunikatsiya uchun insonlarga moslashish kerak. Psixotiplarni o'rganish va ularga individual moslasha olishni esa ish davomida yaxshigina foydasi tegishi mumkin.

@mahamadkhodjaevs

Professional va ko'proq tajribaga ega mutaxassislarga kechagina kursni bitirib chiqishgan studentlardan kamroq to'lashadi.

2022 - yili tadqiqotchilar Rossiya mehnat bozorini o'rganishganda shunday fikrga kelishgan ekan.

Manimcha hamma adekvat insonlar daromad tajribaga qarab butun karyera davomida o'sib borishi kerak, deb hisoblashsa kerak: mutaxassis tajribaliroq bo'ladi, uning amaliy bilimlari o'sib boradi. Chet el tadqiqotlari bu sxemani tasdiqlashgan, lekin Rossiya bozorida holat boshqacharoq ekan.

Rossiyada boshlang'ich mutaxassisni daromadi o'rtacha 20 yoshga kelib pik darajaga chiqar ekan. Undan keyin esa birdan tushishni boshlaydi, bu pensiyaga chiqish vaqtigacha davom etadi. Bu degani pensiya vaqtiga borib qolgan mutaxassis kursni yaqinda tugatgan studentlar bilan bir xil darajaga tushib qoladi.

Oliy malumoti yo'q odamlarda holat bundan ham yomonroq, ularni oylik daromadi karyerani oxiriga borib startdagi topgan daromadidan ham pastroq ekan.

Buning sababini odam yoshi o'sib borgani bilan oldingidan ko'ra kamroq produktiv bo'lishini va sog'liq bilan muammolarda ko'rishar ekan. Undan tashqari yoshi kattaroq mutaxassislarda tendensiylarga ergashish, texnologik o'zgarishlar bilan birga yurish bilan muammolar borligini ham ko’rsatishadi.

Keys: Maktabda media va marketing fanimiz bor, ustozimiz bir tomondan qaraganda tajribali mutaxassis. Shu mutaxasisslik bo'yicha oliy ma’lumotga ham ega. Lekin vaziyatga boshqa tomondan qarab ko'rsak ustozimidagi bor bilim bazasi juda ham eskirgan, darslarda gazetalar, e’lon doskalari va shunga o'xshash eskirgan marketing turlari haqida gapirib beradilar. Yana umuman boshqa joyda kursni yaqinda bitirgan, sohaga kirib kelganiga 8 oydan ham oshmagan boshqa mutaxassis oliy ma’lumotga ega maktab o'qituvchisidan ko'proq daromad topadi.

Bu kabi tadqiqotlarni hozircha bizning bozorda o'tkazishganini ko'rmaganman, lekin o'ylashimcha, bizning bozorimiz ham Rossiya bozoridan katta farq qilmaydi. Tadiqotni batafsil o'rganib chiqib o'zingiz uchun kerakli xulosalarni qilib olishingiz mumkin — Link.

@mahamadkhodjaev / #research

Kanal yuritishni boshlaganimga ham 1 yildan oshibti, pin uchun tanishuv post yozib qo'yish vaqti keldi, deb o'ylayman.

Ismim Yo'ldosh, 17

Sohaviy yo'nalishim sifatida aniq bir yo'nalishni ayta olmayman, shu vaqtgacha ko'p yo’nalishlarda o'zimni sinab ko'rganman. Ba’zi joylarda kommunikatsion dizayner, yana boshqa loyihalarda UX/UI dizayner pozitsiyasida tajriba orttirganman. Umumiy qilib aytganda, o'zimni ish beruvchilarga ozgina marketing va produkt menejmentdan xabari bor dizayner sifatida tanishtiraman.

Ish tajribam, loyihalarim haqida qo'shimcha ma'lumotlar:

2021-yil frilans: Lets animate, Samarqand viloyati prokuraturasi, Kingsford, Master IELTS, Farobiy akademiyasi, Mamaev School +10 (Grafik dizayner sifatida)

2021-yil Dizayn studiyada dizayner: PDP, Unicorn, YSK, Cardinar (Grafik dizayner sifatida)

2022-yil Sberbank & Payme dasturchilari bilan birga MedTech startap (UX/UI dizayner sifatida)

2023-yil Marketing va kommunikatsion agentlikda dizayner (Texnomart, Akfa Build, NRG, Tecno Uzbekistan) — Grafik & UX/UI dizayner sifatida

2023-yil Prezident huzuridagi strategik reformalar agentligi uchun veb-sayt

2024-yil frilans va Pet-loyihalarim.

Kanalda sohaviy bilimlarga faqat nazariy emas, balki ijtimoiy va psixologik prizmadan qarashni yoqtiraman.

Ko'p repost qilingan postlarim:
• Rebrendingga nisbatan xeyt: 1-qism, 2-qism
• Yomon perfeksionizm
• Brend manerasi
• Hayotimizni bo'laklarga bo'lib sotamiz

@mahamadkhodjaevs / #about

Haddan tashqari o'ziga bo'lgan ishonch faqat sohaga endi kirib kelganlarda bo'ladi. Aynan o'sha ishonch bilan agentlik ochishga harakat qilishadi, aynan o'sha vatda katta-katta sohaviy rejalar qo'yiladi. Tajribali dizaynerlarga chetdan qaraganda bu kulguli tuyuladi. Lekin boshidan shu ishonch bo'lmasa shunchaki sohani tashlab ketishadi, g'oyalar yarim yo'lda qolib ketadi. Shu boshlang'ich ishonchni sohaviy tajriba yig'ib olish uchun eng qulay vaqt deb hisoblayman. Chunki shu vaqtda ko'proq harakat va kamroq bosh qotirish bo'ladi. Har qanday harakat esa - tajriba.

Bu post Danning Kryuger sindromi haqida emas, ko'proq tajriba yig'ilib borishi bilan sohaviy motivatsiya yo'qolishi haqida. Daninning kryuger versiyasida bu holat "stabillik". Sohaviy tomonlama stabil holatga tushish, ortiqcha emotsiyalarga berilmaslik. Lekin menda bu ko'proq stabillik bilan emas, demotivatsiya bilan bo'glanib qolgan. Tajriba bilan birga perfeksionizm, eng yaxshi ish qilish hohishi, haddan tashqari fikrlarni, ishlarni, g'oyalarni filtr qilib tashlash skili ham keladi. Bir tomondan qarasak bu yaxshi. Lekin bu cheksiz davom etadi. Atrofga qarasak ko'pchilik yoshi katta/tajribali hamkasblarimizda sohaviy motivatsiya juda past, yoki butkunlay yo'qolgan. Menimcha buni "stabillik" deyish qiyin.

Yechimga kelsak — bilmayman. Agar shu ishonch ortib ketish etapida bo'lsangiz, maksimal foydalanib qolish kerak, agentlik ochmoqchimisiz? Tajribangizdan kelib chiqib mijozlar qatlamini tanlab harakat qilib ko'ring, 3 oydan keyin yopilib ketishini bilsangiz ham. Sohaviy kontent qilishni istasangiz — bu ham yaxshi fikr, tajribangizni yetarli deb hisoblamasngiz ham. Har qanday holatda ham bu umuman hechnima qilmagandan ko'ra ancha yaxshiroq.

Komment kritika va diskussiya uchun ochiq, fikringizni qoldirishingiz mumkin.

@mahamadkhodjaevs

Qilayotgan ishingizni qimmat sotishga loyiqman deb hisoblaysizmi?
Agar "ha" bo'lsa qanday argument bilan himoya qilasiz? "Yo'q" bo'lsachi? Nega unday hisoblaysiz?

Anchadan beri postlar chiqmadi, muhokama qilishga yaxshi mavzu)

Yomon dizayn bozorni rivojlantiradi

Atrofda ko'p yosh studiyalar/agentliklarning ishlari yoki o'zlarini heytga uchrashini judayam ko’p ko’ramiz. Va aksari holatda heyt dizaynerlar tomonidan bo'ladi, chunki uzoq vaqtdan beri shakllanib kelgan yomon stereotiplar bor.

Birinchi bo'lib aniqlashtirib olishimiz kerak: biz uchun qanday tipdagi dizaynlar yaxshi va aksincha qandaylari yomon? Va keyingi savol nima uchun bozor bizning dizayn haqidagi standartlarimiz bilan hisoblashishi kerak?

Nega agentliklar yoki dizaynerlar o'zlarining mijozlari yoki auditoriyasining talablari qolib, bizning normalarga moslashishi kerak?

O'zi umuman olganda shuncha heyt qayerdan kelishini tushunishga harakat qilib ko'rdim: o'quv kurslar davomida har xil qoliplar shakllanib qolishi, masalan, ustozning shaxsiy fikrlarini orqasidan o'quvchida ma'lum narsalarga nisbatan obyektiv fikr paydo bo'lib qoladi va uning tassavurida shu fikrga to'g'ri kelmagan barcha boshqa holatlar — noto'g'ri hisoblanadi.
Yana bir ko’p kuzatiladigan holat — xorij dizaynerlarining ishlariga qarab bozorni baholashimiz. Nimagadir qilayotgan dizaynlarimiz chet el normalariga to'g'ri kelmasa, o'z-o'zidan yomon degan tassavur paydo bo'ladi. Barcha davlat bozorlarining o'z standartlari bor, u yerdagi standarlarning bizning bozorga birdan olib kirilshi u dizaynning ishlashiga kafolat bermaydi. Biznes egasi/investorga esa bu mavzuda risk qilishni qizig'i ham, keragi ham yo'q.

Shaxsiy xulosam: agar bozor rivojlanishiga ozgina bo'lsa ham hissamizni qo'sha olmasak — harakat qilayotgan odamlar yoki jamoalarni heyt qilish ortiqcha. Bozor uchun sifatli dizayn tushunchasi tasavvuringizdagi “yaxshi/chiroyli” dizayn standartlari bilan bir xil bo'lmasligi mumkin. Va bu normal holat.
Komment kritika va diskussiya uchun ochiq, fikringizni qoldirishingiz mumkin.

@mahamadkhodjaevs

G'oyani yaroqlilik muddati qancha?

#branding

Tepadagi postda rebrandinglarni xeyt bo'lishi sabablaridan biri haqida yozgan edim, endi yana bir asosiy sabab sifatida brending protsessi, qanday jarayonlar asosida bo’lishi haqida tushunchaga ega bo'lmasdan yoki noto'g'ri fikrda bo'lib xulosa chiqarishni misol qilish mumkin.

Aynan shu protsess qanday o'tishi haqida shu sohaning ekspertini fikrini yozib ketmoqchiman:

"Qisqacha qilib aytganda, odatda, brend yaratish strategiyadan boshlanadi. Pozitsiyalash, ya'ni bozorda hamda iste’molchilar orasida qaysi joyni egallashimiz. Uning uchun biz mahsulotni o'zini, bozor/kategoriya konkurentlar va iste’molchini analitika qilamiz. Kompaniyaning potensiali va qobilyati o'rganiladi. Hammasi o'rganib bo'lingandan so'ng 3 ta variant pozitsiyalash taklif qilinadi. Bittasi tanlanganidan keyin brend platformasi yoziladi va undan keyin agar kerak bo'lsa brendga yangi nom o'ylab topiladi. Shundan keyin esa logotip va aydentika yaratiladi. Buning ichiga har xil jarayonlar kiradi, uning uchun biz kompaniya bilan yaqinroq tanishib batafsil brif olishimiz kerak. Masalan, muzqaymoq ishlab chiqaruvchi brend uchun portfel strategiyasi va brend arxitekturasi yaratilishi kerak, Ya'ni siz ishlab chiqarayotgan mahsulotlar bitta, yoki 5 ta, yoki 100 ta har xil mustaqil brend bo'lishi mumkin yoki ishlab chiqaruvchi brend ostida 100 ta mahsulot chiqarilishi mumkin — buni aniqlash alohida bitta strategik ish hisoblanadi. O'rtacha olganda ishlab chiqaruvchi brendini yaratish uchun 3-4 oydan boshlab vaqt va juda qo'pol qilib aytgancha 30 000$ byudjetdan boshlanadi. Bu summaga tadqiqot qilish kirmaydi, biz faqat mavjud bo'lgan (internet orqali, yoki mijoz beradigan ma'lumotlar orqali) analitikadan foydalanamiz."

Fara Kuchkarov
"Depot" brending agentligining strategiya direktori

Brending — turli xil marketing instrumentlarini o'z ichiga oladigan protsess. Ushbu protsessni pazzlga o'xshatish mumkin, har bir qismi muhim va o'z vazifasiga ega. Faqatgina 1 qismiga qarab to'liq tasvirni baholay olmaysiz. Agentliklar va brendlar esa sizga hech qachon pazzlni to'liq qismini ko'rsatmaydi, demak, ishni adekvat baholash koeffitsiyenti 0 ga teng.

@mahamadkhodjaevs

ᅠ ᅠ
Rebrendinglarni xeyt bo'lishini asosiy sabablaridan biri — ma'lum bir narsaga boshidan o'rganish kerakligi. (begraund orqasidagi ishni ko'rmasdan xeyt qilish haqida keyinroq batafsil post yozaman)

Twitterni ham, Korzinkani ham, Agrobankni ham xeyt bo'lishiga shuni sababchi qilish mumkin. Miyamizda twitter — ko'k qushcha bilan assotsiatsiya bo'lib kelgan. Hozir esa qushchani olib tashlab, o'rniga X paydo bo'lgani uzoq yillar davomida ishlab kelgan assotsiatsiyani buzilishiga sababchi bo'lyapti, boshidan energiya ketqazib yangi assotsiatsiya hosil qilishimiz kerak. Shuning uchun ham rebrandinglarni to'g'ri qabul qilish qiyin. Natija eskisidan yaxshiroq bo'lsa ham "eskisi yaxshiroq edi" edi deydigan bir guruh odamlar topiladi.

Ammo bu narsaga hech qanday ta'sir o'tkazib bo'lmaydi, demak — boshidan o'rganish kerak. Vaqt o'tgach rebranding unchalik yomon bo'lmaganini tushunib yetasiz, aksincha eskisidan ancha yaxshiroq bo'lishi ham mumkin.

Xuddi shu narsa interfeyslarda ham bor, faqat mac ishlatgan odamni windowsni ishlatib ko'rishini so'rasangiz kompyuter qanday yoqilishini tushunmaydi. Windows ishlatib yurgan odamdan mac ishlatib ko'rishni so'rasangiz oynadagi chiqish tugmasini topa olmaydi. Lekin vaqt o'tgach ikkala odam uchun ham o'zgarishlar normal holatga aylanishni boshlaydi.

@mahamadkhodjaevs

Kritika qilish – bu ham skill. Tajriba bilan birga keladigan soft skill. Qancha ko'p odam bilan networking qilsangiz, shuncha ko'p kritika qila olish imkoniyatingiz kengayadi. Tog'ri, kritika qilishni bilish bu muhim, adekvat muomala bilan, shaxsiyatga o'tmagan holda. Ish har doim ham siz kutgandaka chiqmasligi mumkin va bu vaziyatni har doim to’g’rilash mumkin.

Kritikani to'g'ri qabul qilishni ham bilish kerak: xolis reaksiya bildirib, gaplarni analiz qilishni boshlash kerak. Kritika qilayotgan odam haq bo'lishi mumkin yoki qisman haq yoki umuman nohaq bo'lishi ham mumkin. Lekin bu degani kritikani qabul qilmaslik kerak, degani emas. Uning fikrini amalda qo'llamasligingiz mumkin, lekin keyinchalik foydasi tegib qolishi mumkin.

“Kritika qilyapsanmi, yechim taklif qil", degan fikrni ham unuting. Sizni yechimingizni kritika qilayotgan odamni u vazifaga hech qachon ishi tushmagan bo'lishi mumkin, keyinchalik ham ishi tushmasligi mumkin. Umuman olganda, majbur ham emas. U shunchaki o'zining shaxsiy tajribasi va tasavvuridan kelib chiqib fikr bildiryapti.

Kritika – o'sish uchun eng muhim resurs. Usiz jamoada ishlab bo'lmaydi. Shuning uchun jamoa bilan ishlashni xohlasangiz kritika bilan ishlashni ham o'rganish kerak.

Kommentda bu post, avtor va kanalni kritika qilishingiz mumkin)

@mahamadkhodjaevs

Yaqinda Илья Сидоренко'ni "Дизайнер интерфейсов" kitobini o'qib tugatdim.

Sohaga endi kirib kelganlar uchun roadmap tuzib olish uchun yaxshi kitob. Boshida avtor o'zini sohaviy yo'li haqida gapirib, keyin esa sohani asosiy aspekt va nyuanslari haqida gapirib o’tadi. Avtor doimiy rivojlanib borish nega kerakligi, shaxsiy brendni karyeradagi o'rni, ranglar va animatsiyalar produktda nega muhimligi va yana shunga o'xshash ko'plab "nega" larga shaxsiy tajribasidan kelib chiqib javob beradi.

Kitobni o'qigandan keyin bu soha sizga to'gri kelish yoki kelmasligini aniq qilib olish mumkin, shaxsan menga bu kitob bilgan narsalarimni tartiblab olishga katta yordam berdi, faqat nega kitob "дизайнер интерфейсов" deb nomlanganini tushunmadim, chunki interfeys dizaynerlaridan tashqari grafik dizaynerlar, proyekt menejerlar va ish beruvchilar uchun ham qimmatli informatsiyalar ko'p. Soha doirasidagi barchaga tavsiya qilgan bo'lardim.

@mahamadkhodjaevs

Motivatsiya

Ish jarayonida xodimlarga (ya’ni dizaynerlarga) yutuqlar, statistikalar, yaratgan dizayni jalb qila olgan mijozlar soni, biznesga qancha pul olib kelayotgani haqida gapirilmasa ma'lum bir vaqtdan so'ng xodimda ishga har kuni bekorga kelib ketayotgandek hissiyot hosil bo'ladi, dizayner har kuni kelib post tayyorlaydi, smm menejer esa uni shunchaki joylab ketadi.
Dizayner 6 oy davomida ijtimoiy tarmoqlar uchun dizayn tayyorlaydi, shu postlaridan bittasi 500 mingtadan ortiq ko'rilib, biznesga 10 mingtadan ortiq potensial mijozlarni olib kelishi mumkin.  Mana shu natijani bilish dizayner uchun uzoq vaqt davomidai yaxshi kayfiyatda ishlashi uchun kuchli motiv bo’la oladi. Uning jamoaga keltirayotgan foydasi haqida tasavvurga ega bo’lishi potensialini to’g’ri baholashiga, keyingi tayyorlaydigan dizaynlari dinamikasining o’sishiga sabab bo’ladi.

Yaxshi rahbar, dizaynerni umuman marketing team'ni produktiv bo'lishida ishdagi kayfiyat va motivatsiya kotta ro'l o'ynashini yaxshi biladi va ishchilarda yaxshi kayfiyatni har qanday yo'l bilan ta'minlab turishga harakat qiladi.

@mahamadkhodjaevs

Насмотренность’ni rivojlantirish — har kuni behance yoki dribbble’dagi chiroyli ishlarni kuzatib chiqish emas. Насмотренность bu hayolda yechimlar bazasini shakllantirib, kerakli joylarda kerakli yechimni qo'llay olish.

@mahamadkhodjaevs

Umrimiz davomida hayotimizni kichik qismlarga bo'lib, ularni boshqa odamlarga sotamiz.

Men post yozaman, siz esa uni o'qish bilan hayotingizni ma'lum qismini menga sotasiz. Biz tongda ishga boramiz va rahbar o'z maqsadlariga tez va oson yetishishi uchun bizning 8 soatimizni va o'sha vaqtdagi faoliyatimizni sotib oladi.

Nima demoqchi ekanligimni tushundingiz, deb o'ylayman. Xohlaymizmi yo'qmi, biz doim o'z vaqtimizni sarflaymiz. Ba'zan ongli, ba'zida esa ongsiz. Ba'zida manfaatli, ba'zida shunchaki. Va shuni ta'sirida buni boshqarish kerak, degan fikrda to'xtaldim. Digital minimalizmga o'tganimga sabab kuzatuvchilarning bu kanalga "sotayotgan" vaqti evaziga arzirli kontent ulashish va hech qanday foydasi yo'q postlarni yozishga ketkazayotgan vaqtimni real-sohaviy resurslar yig'ishga sarflashdir. Bu minimalizm nafaqat kanalda ulashayotgan ma'lumotlarim, balki o'zim qabul qilayotgan (youtube, telegram, instagram ...) ma'lumotlarni maksimal darajada filtrlashni ham o'z ichiga oladi.

Umuman olganda, ushbu post orqali kanal passivligining sababini tushuntirishga harakat qildim.

@mahamadkhodjaevs