"DARVESH QO'SHIQLARI (Jontemir)" — @Jontemir Telegram-kanali

DARVESH QO'SHIQLARI (Jontemir)

15 Jan 2021, 19:38

01:13

Video oldindan ko‘rish uchun mavjud emas

Telegram'da ko‘rish

ТАШНА

✍ Жонтемир
(шоир ижросида)

203 0 0

DARVESH QO'SHIQLARI (Jontemir)

15 Jan 2021, 04:46

ҚАҲРАМОН

1.
…Жаллоднинг болтаси
Маҳбус бошини
Чирт узиб ташларкан
Енгил зарб ила —
Бир хоним сакратиб қўйди қошини,
Бошқаси ингичка бўйнини силар.

«Исёнкор» калласи жойланган сават,
Миллионлаб кўзларга санчилар қаттиқ.
Уйига қайтаркан навбатма-навбат,
Хотинлар ўзича чайнайди мантиқ.

2.
Эрта яна ҳукм,
Яна бир қатл.
Оддий ҳол,
Оммага қилмайди таъсир.
Бу юртнинг шоҳи гўл,
Эри бесоқол,
Ягона қаҳрамон —
Жаллод болтаси!

3.
Болаларнинг орзуси эса, Қачондир
Албатта қаҳрамон бўлмоқ.

Жонтемир

318 0 0

DARVESH QO'SHIQLARI (Jontemir)

13 Jan 2021, 17:34

ШАХСИЯТ ВА ИЖОД

Охирги пайтларда, қаламкашнинг шахсияти орқали ижодига баҳо бериш урчиб кетди. Бу иккаласи айрим ҳоллардаагина мутаносиб келмаса, деярли қовушмайди. Масалан: тупроқ гўнгдан озиқланадию егулик ҳосил беради. Тушунтира оляпманми?! Кимларнидир ҳаёт тарзи ва ижодини мисол келтиришни истамадим. Бу аҳмоқлик бўларди. Ижод бир вақтнинг ўзида ҳам реал, ҳам мавҳум ҳодиса! У ижодкорнинг кайфияти, жамиятда тутган ўрни, дўстларига бўлган муносабати, нима еб ичиши, қаерда ётиб-туришию, иш жойига қараб келмайди. Агар фоҳиша ижод қилиш учун қоғозга энгашса, у ўша дақиқада фариштага айланади. Тўғрироғи — бошқа дунёга кўчиб ўтади. Ёзиб бўлгач эса, яна ўз ҳаётига қайтади. Шундай экан, иккала ҳолатни бир-бири билан қориштириб юборманг. У ер бу ерда айрим нўноқ таҳлилларга кўзим тушиб қоляпти. Асосан ижодкорнинг шахсий ҳаётини ўзларича оғизлари кўпириб таҳлил қилишяпти. Ваҳоланки, унинг ижоди ҳақда тирноқдай ҳам фикр айтаётганлари йўқ. Ёки шахсий ҳусумат сабаб бор кучларини ўша ижодкорни бадном, омма олдида обрўсини тўкишга сарфлашяпти. Бунинг энг ёмон тарафи, эътиборни Моҳиятдан йироқлаштириб юборади. Улар ўйлаб кўришмайдики, ботқоқда НИЛУФАР ўсади! Умуман шахсиятдаги қусурларни ёқламоқчи эмасман, лекин бугунга келиб адабий таҳлил иккига бўлинганини кўриб жазавага тушмай иложинг йўқ. Асарини баҳолиқудрат нафасинг етганча таҳлил қил, у ёғига ўтма! Ўйламаки, ижодкор икки дунёда сани интим ҳаётинг ҳақда том-том китоблар ёзиб юрмайди. Яна бир қараш шаклланган, фалончи мана бундай ёзибди, ахир у фалонча эмас-ку! Ҳеч биримиз ташқаридан туриб билолмаймиз, ижодкор сизу бизга ўта расво кўриниши мумкин, аммо руҳан, ичида у қай даражага етгани барибир қоронғу. Ҳатто ўзи ҳам билмас? Ақлни шошириб қўядиган, қисман шаккокликка менгзарли нарса ёздими, демак унга шу сўзни сан ё ман эмас, Ўзи берган! Лекин бу ҳар қандай ёзуқ илоҳиётга даҳлдор дегани эмас! Қўшиқчиларнинг овозига эмас, кийимига, кўринишига, ижодкорнинг шахсий ҳаётига қараб фикрлайдиган томошабин, мухлислар шаклланиб улгургани аламли. Бу албатта, санъат тушунчасининг чўкиб қолганини, ва борган сари маишийлашиб, янада булғаниб бораверишини кўрсатса-да, аслида, барибир ундай бўлмайди! Мавзудан четлашдим, шекилли?
Халқда оддий мақол бор: "БЕАЙБ ПАРВАРДИГОР". Ижодкорнинг ўзидан кўра, ижодидан мукаммаллик изланг! Ва унутмангки, унинг жасади сизларники сингари. Фақат қалби, руҳи ўзга!

2019

Жонтемир

470 0 0

DARVESH QO'SHIQLARI (Jontemir)

12 Jan 2021, 19:21

ИЗҲОР

1
Ўзим – қафас, ўзим – қушман,
Ўзим дўсту ўзим – душман.
Бирда ундоқ, бирда мундоқ,
Хуршидрў-ю шабихушман.
Еру-кўкда, еру-кўкда!

Гоҳ абдолу гоҳи кофир,
Гоҳ хушёру гоҳи ғофил.
Май шавқи-ла қўлда сози,
Ҳам қаландар, ҳам мусофир.
Еру-кўкда, еру кўкда!

Танноз ёрнинг ғами тунлар,
Авбош руҳим шабихунлар.
Азайимхон, дуолаб қўй,
Ким афсунгар?
Ким афсунлар?
Еру-кўкда, еру-кўкда!

Йўл юрарман, адоғи йўқ,
Изтиробнинг қадоғи йўқ.
Юлдузларнинг саноғи бор,
Мандайларнинг қўноғи йўқ.
Еру -кўкда, еру-кўкда!

2
Жисмим қамиш,
шинакларим
ҳижоб тортмиш пўпанакдан.
Ул чолғучим пинакдадир –
қайга юрай тўпалангда?

Лайликўйлар мани қумсаб
туш кўрармиш хонишимни.
Ой хижолат
тунга кўмсам,
гур-гуриллаб ёнишимни.

Уйғон машшоқ,
қўзғалгин, ҳо!
Безиктирди сабр этмак.
пешонамга битганми ё,
Чалинмасдан чуриб битмак?!

3
тарвақайлаб борар ғуссам
кел нигоро
баҳмал баҳмал меҳримга қамай
ичиб ўссам
ва ё тўзсам
йиғламагин кўзёшларинг
на ширу на май

азобларга жиҳод бошла
сочларингни кўксимга ёз
чуқур илдиз отсин
роҳат
узоқлашсанг қирра тошлар
отилгандай
зўр қабохат

гир атрофинг макру майдон
хилватимга ташриф буюр
эҳсонингдан бўлиб пайдо
томиримда қайнаб чопсин
туйғуларим уюр уюр

сенга севгим маҳфий эрур
жаҳрий эмас
худди сурат жозибасин
беркитгандай қуюқ ранглар
муҳаббатла тикилсанг ҳур
пайқагайсан
элас элас
бу тугунни ўзинг ечгин
ўзинг англа
ўзинг англа

6.1.2019

Жонтемир

423 0 0

DARVESH QO'SHIQLARI (Jontemir)

12 Jan 2021, 08:20

Шоир Чори АВАЗ

544 0 0

DARVESH QO'SHIQLARI (Jontemir)

12 Jan 2021, 08:18

Chori Avaz. Tortilgan kamon.pdf

274.5Kb

#мутолаа_учун

527 1 0

DARVESH QO'SHIQLARI (Jontemir)

11 Jan 2021, 08:09

ДАЙДИ ИТга

Алам тўкиб кўзингдан селдай
Жавдирама, суймайди жиним.
Дунёсига худдики сендай
Руҳиятим қовушмас, иним.

Эгизакдир феълимиз қисман,
Иккимиз ҳам беватан, дайди.
Тилла тишли, дўғбўйин қисмат,
Телбаларни ҳеч сийламайди.

Қўй, ортимдан эргашма ҳалак,
Кўрганларинг бор-йўғи соя.
На юрак бут, на сўз – замбарак,
Қилолмайман ғамдан ҳимоя.

Алам тўкиб кўзингдан дув-дув
Мўлтирама, қоч, йўлимдан қоч.
Емагимиз бир хил эмас, увв,
Сенинг – қорнинг, менинг қалбим оч.

Афсус, дунё боқмади қиё,
Дарвозасин тинмай чертганмиз.
Бизлар ҳали туғилмадик, ё
Аллақачон ўлиб кетганмиз...

Телбалик ҳам аслида шараф,
Йўқса Қайсни севмасди Лайли.
Кел, яхшиси осмонга қараб,
Бир-бировни суяб увлайлик.

Жонтемир

515 0 0

DARVESH QO'SHIQLARI (Jontemir)

10 Jan 2021, 21:05

Sharabe Chashman — Mohsen Namjoo

03:31

#руҳимиз_шул_оҳанг_шимирсин

517 0 0

DARVESH QO'SHIQLARI (Jontemir)

10 Jan 2021, 04:51

#тенгдошлар_ижоди

Муҳавашвили, жигарим, руҳи тоза, қалби ҳалим, меҳри осмон укагинам. Туғилган кунинг қутлуғ ўлсун!

* * *
Қайси жавонибнинг
соясиман мен?
Нураган
соямнинг
доясиман мен.
Қандaй жазаванинг воясиман мен –
бу ғумбак ичида вайронадекман...

Ким у – ташқарида,
чертиб тинглаган,
шунча карвон туриб
мени танлаган?
Борми...
суяклари қақшаб англаган?
Гуноҳин билмаган ҳайронадекман.

Ёздим қанотимни,
бўйладим – кушод,
келмади кутганим билан ҳеч имдод!
Суйганим,
куйганим,
куйлаганим – дод,
қафасдан чиқмаган таронадекман.

Қанча баланд учмай
тубанман,
зичман!
Маҳшарга тиралган –
манам бир синчман
ва яна тупроқдан унган илинжман!
Ломакон гирдида парвонадекман.

Етдимми –
йитдиму
гирдобга тушдим,
неча йил кўраман тағин бу тушим?
Тушунтир лоақал,
ўзинг ҳам тушун,
эй Рафиқ, дунёга бегонадекман...

3.11.2020
Муҳаммад Сиддиқ

580 0 0

DARVESH QO'SHIQLARI (Jontemir)

9 Jan 2021, 22:01

Наврўза dan repost

Франц Кафка ижодида абсурд ва умид моҳияти

Франц Кафка ижодида абсурд ва умид моҳияти

Франц Кафканинг маҳорати шунда эдики, у ўқувчини асарни қайта ўқишга мажбур қила оларди. Асарларидаги сюжет ечими моҳиятга ишора қилади, бироқ у дарҳол аниқланмайди, унинг моҳиятига етиш учун ўзгача нигоҳ остида асарни қайта ўқиб чиқиш керак. Баъзида асарни икки томонлама талқин этиш имконияти мавжу...

510 0 0

DARVESH QO'SHIQLARI (Jontemir)

2 Jan 2021, 04:00

ОШИҚОНА

1.
Кундуз тушда кўрганим,
Ухлаб ҳушда кўрганим.
Кипригимга ин қурган,
Қақнусқушда кўрганим.
Азобимга сочди сил,
Баҳорнинг хўрсиниғи.
Пойингда ётар чил-чил,
Жасадимнинг синиғи.
Теришга қўлинг етмас,
Ачишади ой — жонинг.
Руҳимга пулинг етмас,
Бўм-бўшми қалб — ҳамёнинг?!
Ўксиб-ўксиб куйласам,
Бўзим гуллаб кетади.
Кўзларингни ўйласам,
Кўзим гуллаб кетади.
Ҳисортоғнинг пойида,
Пастаккина кулбам бор.
Олтин ясаб лойидан,
Бувим яшайди дилдор.
Умри ўтар йўл қараб,
Симёғочдан ёлғиз у.
Мен Тошканда тентираб,
Айтиб юрибман турку.
Кундуз тушда кўрганим,
Ухлаб ҳушда кўрганим.
Кипригимга ин қурган,
Қақнусқушда кўрганим.
Елкасидаги юкнинг,
Оғирлигин сезмаган
Туяман.
Ишқ — зулукнинг,
Тумшуғини эзмаган.
На сенга етиб бўлар,
На кечиб кетиб бўлар.
Азал Мажнун халқининг,
Юраги етим бўлар.
Мижжангдан томган зардоб,
Руҳимни шилта қилди.
Висолингдаги нарвон
Чиқмасимдан йиқилди.
Ой ҳам ботди тўлишмай,
Нега?
Карахтман. Дун — ғов.
Ишқ майини бўлишмай,
Ўзим ичиб қўйдимов.
Ўксиб-ўксиб куйласам,
Бўзим гуллаб кетади.
Кўзларингни ўйласам,
Кўзим кўллаб кетади.
Деёлмайман хайр, ҳу,
Сўқир қора байирман.
Мени ундан айиру,
Уни мендан айирма...

2.
...Кетар бўлса бир кун ташлаб,
Сўнгунича ваҳший ўт.
Ёлғизлатиб қўйма Машраб,
Занжиримни маҳкам тут.

Жунун — ёвдир.
Жунун — шоқол,
Қонимни ит ҳис сўрган.
Шаҳрисабз, болангни ол!
Қозиқлаб кел Ҳисорга.

Соқолимга тиғ урманглар,
Сочим тўссин юзимни.
Хабар олманг, қайғурманглар,
Тингламанг ҳам сўзимни.

Харсангларни чайнаб ётай,
Ёғмур ивитсин таним.
Қашқирларга ғазаб сотай,
Хилват бўлсин ватаним.

Фарқим қолмай телба чолдан,
Ажални-да қувгум бас.
Дунё кўрсин қай аҳволда,
Ҳу-в кечаги ишқпараст.

3.
Кел эй Саъдий кел Ҳайём
Тортинма ошиқ Увайс
Марҳабо гулгун айём
Муғбачалик қилар Қайс

Чайиб ол юзинг мозий
Руҳлар тушмиш фазодан
Мусиқада Шерозий
Рақсида Шаҳризода

Муллолар ўқинг ҳатим
Ишққа тўла идишлар
Еру кўкни титратиб
Самоъ тушинг дарвешлар

Биз ҳозир Табриздамиз
Ва ёки Кашмирдамиз
Ахир қиёмат қўпган
Не фарқ тошу қирдамиз

Ана йўлбарсни қучиб
Ухлаяпти чақалоқ
Тимсоҳлар сакраб учиб
Отаяпти шаталоқ

Балиқнинг оғзида чой
Ҳўплаётган Юнусми
Жаброил келтирган той
Нима эдия исми

Жин урсин хотирамга
Яна туйғу солди чанг
Мўраламанг харамга
Жодугар бор юсуфранг

Мени далли қилган шул
Руҳимни қўйган ичиб
Унга сайланганман қул
Икки оламдан кечиб

Eнди кўринг ҳолимни
Аросатда задаман
Чангаллаб соқолимни
Сизга май узатаман

Кел эй Саъдий кел Ҳайём
Тортинма ошиқ Увайс
Марҳабо гулгун айём
Муғбачалик қилар Қайс

Чайиб ол юзинг мозий
Руҳлар тушмиш фазодан
Мусиқада Шерозий
Рақсида Шаҳризода

https://telegram.me/Jontemir

373 0 0

DARVESH QO'SHIQLARI (Jontemir)

1 Jan 2021, 21:00

ҲАҚҚИМ ЙЎҚ

Остонангга қалбимни
михлашга ҳаққим борми?
Чўккан қабр бошида
йиғлашга ҳаққим борми?

Она, сенинг наздингда
авбош тўфондир умрим.
Кимларгадир тўғаноқ
улкан тўғондир умрим.
Асли мўрча белидан
бироз йўғондир умрим.

Кўксимдаги оловни
ювиб тургай тўлқинлар.
Бирда ўнг елкам оғса,
Бирда йўлим бошлар чап.
Шу ҳолатим аросат —
Қандай яшади Машраб?!

Қара, темир йўллари
юрак томирга ўхшар.
Келаётган пишқириб
поезд эмас, иссиқ қон.
У каби ўғлингни ҳам
бир кун ютгай ер —ўпқон.

Сендан олисладиму
ўзимга-да етмадим.
Ўша ғўрман, ўша гўл,
мақташса — дайди машшоқ.
юзта шеър ҳадя этдим,
Дунё ҳалиям қашшоқ.

Энди қайтсам сўппайиб
киприкларинг ўсарми?
Қораярми қошларинг?
(Сочингдан соқолим мўл)
Бобом қабридан чиқиб
эркаларми "ҳа, думбул!"

Асло! Бари сафсата!
Она, мени тушунгин.
Остонангга қалбимни
михлашга ҳам ҳаққим йўқ.
Чўккан қабр бошида
йиғлашга ҳам ҳаққим йўқ.

Йиғлашга ҳам ҳаққим йўқ...

https://telegram.me/Jontemir

401 0 0

DARVESH QO'SHIQLARI (Jontemir)

1 Jan 2021, 14:58

Yosh ijodkorlar kengashi - Duel dan repost

01:15

Video oldindan ko‘rish uchun mavjud emas

Telegram'da ko‘rish

Yangi yilni "Duel" bilan kutib oling!

"Duel"ni Madaniyat va Ma'rifat telekanalida tomosha qiling!

1- Yanvar soat 21:00 chorak final
2- Yanvar soat 21:00 yarim final
3- Yanvar soat 21:00 final

@ijodkorlarkengashi

310 0 0

DARVESH QO'SHIQLARI (Jontemir)

31 Dec 2020, 23:44

ДЕПСИНИШ

Янги йилнинг биринчи тонгида шижоат билан уйғониб, ювиниб, овқатланиб, жин-пинларга қарши дуолар ўқиб, шундоқ эшикни очсанг, эски ҳаёт бақрайиб турган бўлади башарангга! Даҳшат. Энди уйга қайтиб кирсанг ҳам бефойда. Чунки эски ҳаёт сенга илашиб олган бўлади аллақачон. Жин-ажиналарни яқинлаштирмайдиган "куф-суф"лар эски ҳаётга таъсир қилмайди. Эски йил қари бўлсаки, ўлса. У ҳали навқирон! Қирчиллама йигит ёшига етишига ўн йил бор. Ва ҳаддан ташқари безбету шилқим. Янгиланиш истаги йигирма олти йилдан бери пийпалаб келаётган руҳиятинг янада бадтарроқ ғужанаб бўлиб олади. Эй нодон, дейсан ўзингга ўзинг. Янгиланиш янги йилда эмас, ўттиз беш миллион халқ руҳиятида пишиб етилган онда рўй беради. Ҳа, ҳа, айнан ўша дақиқада Визуви вулқони портлаб, эски йил – Помпея асфаласофилинга кееетади. Бунинг учун янгиланиш истаги ўттиз беш миллион халқ руҳиятида пишиб етилиши шарт!

588 1 0

DARVESH QO'SHIQLARI (Jontemir)

30 Dec 2020, 20:16

ҚЎРҚУВ

1
Юрагингда томир ёзару,
Томоққача келгар ёприлиб.
Таваллолар, тавба-тазарру
Бостиролмас чўғдай ҳоврини.

Чиқармайин талваса – хобдан,
Журъатингга тушириб тарсак.
Қулоқларинг поналаб обдон,
Осиб қўйар тилингга харсанг.

Аждодларинг гарчи барваста,
Тирқиратган Шому Ҳазар, Рум...
Ит пешоби сачраган хасдай
Ҳеч вақо йўқ сенда табаррук.

2
Ўз-ўзидан қаппаймас қорин.
Демак сенда руҳ – мустамлака.
Қулай фурсат кутмасдан ёрил! –
Қудуқ бу – халқ!
Қудуқ – мамлакат!

Босилмасин боланга тамға,
Оқни – оқ де, сариқни – сариқ.
Дунё йўқотмайсан, қайтага,
Битта мардга бойийди тарих.

...Олса арзон жонингни олар,
(Эътиқодинг ташлолмас узиб)
Қатл пайти очилса, не тонг,
Томошабин қулларнинг кўзи!

https://telegram.me/Jontemir

448 0 0

DARVESH QO'SHIQLARI (Jontemir)

30 Dec 2020, 08:32

Abduvali Qutbiddin. Nayson.pdf

1.4Mb

#мутолаа_учун

510 0 0

DARVESH QO'SHIQLARI (Jontemir)

28 Dec 2020, 21:00

У

1.
Ўзимни пуллайман
катта шаҳарда:
кўзим – қушларники,
итларга – тилим.
Қалбингни ковлайсан
зардама-зарда,
ҳеч вақо чиқмайди, севгилим.
Шунчалар ғарибсан,
ихтиёрсиз қул,
деворлар тикланган олд-ортда махсус.
Қаршимда дилдираб турасан нуқул,
эркинга қафассан,
қафасда – маҳбус...
Кўзларинг жавдирар, дўлвор сукунат,
Тилимни икки сўз чақар: "Кет ва қол".
Қалбингни кавлайсан, умид, уқубат –
Ҳечвақо чиқмайди, жоним, ҳечвақо...

2.
Ўзимни пуллайман,
ҳаридорим йўқ,
изтироб чайнайман ва ле зорим йўқ.
Гадолар чақчайиб ўтар ёнимдан,
заррача ғурурим, зарра орим йўқ.
Ҳақсан:
осмонлар булғаниб ерга қуламиш,
армонлар тўлғаниб шеърга қуламиш.
Муттасил йўлсизлик,
йўлимдир менинг,
пешонам чизиғин кимга уламиш?!
Жим...
Бу – чувалган қисматим.
Нега,
чирсиллаб ёнганда эҳтирос
истаклар шаробин симириб
мен сенга – оловга қўл текизмадим?
Қўрқдимми?
Минг лаънат барига!
На умид тиландим на алдов.
Тиш ботириб сийналарига,
Ойни ғажиб ташлади ялдо.

3.
Сеним ғарбга бормоқда оғиб,
қувватимни томчилаб соғиб
ўр табиат берганларини
бир-бир қайтиб олмоқда чоғи...
Сўнгги чора,
сўнгги уриниш
(килкиб келди ҳиқилдоғимга
ёлғондакам бахтли кўриниш) –
ўзимни пуллайман
катта шаҳарда:
кўзим – қушларники,
итларга – тилим.
Нега ҳайиқасиз?
келинг, марҳамат,
қаршингизда мусиқор руҳи
аллақачон сўриб олинган
икки пулга арзимас жасад!

24.12.2018

Жонтемир