ethiomuslims

🕌ከሸይኽ ጀላሉዲን ሩሚ ትረካዎች🕌

🐥በድሮ ግዜ በአንድ ነጋዴ ቤት የወፎች ማስቀመጫ ፍርግርግ ውስጥ ተቀምጣ በጣፋጭ ድምፅ የምትዘምር ወፍ ነበረች። ነጋዴው በዚህች ወፍ ክፉኛ ሱስ የተያዘ ሲሆን የሷን ድምፅ ሳይሰማ ቀኑን ጤናማ ሆኖ ማሳለፍ ፍፁም አይችልም ነበር። ለርሷ ካለው ፍቅር የተነሳ ውሀ የምትጠጣበትን እንኳ ወርቅማ ሳህን አዘጋጅቶላት ነበር። ከዕለታት አንድ ቀን ታድያ ለንግድ ከአካባቢው ለመውጣት ያስብና ወደ ወፏ ሄዶ «ወፌ አሁን ወደ ተወለድሽበት እና ዘመዶችሽ ወደሚኖሩበት ጫካ መሄዴነው ታድያ ስላለሽበት ሁኔታ ለነርሱ የማደርስልሽ መልእክት ካለሽ አሳውቂኝ።» አላት። ወፏም «ወዳጄ! ዛሬም በተሰበረ ልብ ከፍርግርጉ ጀርባ የምርኮኞችን ዜማ እየዘመርኩ እንደሆነ ንገርልኝ። የነሱን ፊት እስከማይና በነፃነት ክንፎቼን ዘርግቼ አብሬያቸው የምከንፍበትን እለት በጉጉት እንደምጠብቅ አድርሳቸው። ከጣፋጭ የጫካ ህይወታቸው ልቤ የሚያሰክን መልእክት እዳላቸው ይልኩህ ዘንድ አደራ በላቸው። ወዳጄ! ወገኖቼ እንዴት እንደናፈቁኝ እና ምርኮኛ ክንፎቼ ከነሱ ጋር መብረር ምን ያክል እንደሚመኙ አታውቅም!! እስከዚያ ድረስ ግን ራሴን ከማንኛውም ጣፋጭ በሙሉ ማግለሌን ንገራቸው።» ብላ መለሰችለት። ነጋዴው የሰጠችውን መልእክት ይዞ ጉዞውን ጀመረ። ጫካ እንደደረሰ ድምፁን ከፍ አድርጎ «ወፎች ወፎች» ብሎ ተጣራ። ሲሰበሰቡ ወፊቱ የነገረችውን መልእክት አንድ በአንድ ነገሯቸው «እናንተስ እንዳድርስላችሁ የምተፈልጉት መልእክት አላችሁ?» ብሎ ጠየቃቸው። መልእክቱን ሲያዳምጡ ከነበሩት ወፎች መካከል አንዱ ከነበረበት ቅርንጫፍ ድንገት ተምዘግዝጎ ወድቆ ፀጥ አለ። ሞተ። ነጋዴው ያየውን ማመን አልቻለም። በድንጋጤ ልቡ እየዘለለች ወደ ቤቱ ተመለሰ። ቤቱ ሲደርስ መልእክት የላከቸው ወፍ የላኩላትን መልእክት ለማድመጥ በጉጉት እየጠበቀችው ነበር። ጨነቀው። ምን ብሎ ይንገራት!? ቤት ውስጥ ዝም ብሎ ወደ ቀኝና ግራ እየተንጎራደደ ለረዥም ሰአታት ቢቆይም ወፊቱ የላኩላትን መልክት እንዲነግራት ከመወትወት ለደቂቃ እንኳ አላረፈችም። «እባክህን ምን እንዳሉህ ንገረኝ» ወፊቱ ጠየቀቸው። «ተይው ባክሽ ምንም አይጠቅምሽም።» ነጋዴው መለሰላት። «እባክህን ምን እንዳሉህ የግድ ልትነግረኝ ይገባል።» ለመነችው። አማረጭ አልነበረውም «እየውልሽ···ምን እንደተፈጠረ አላውቅም ግን የላክሽላቸውን መልእክት አድምጠው እንደጨረሱ ከመካከላቸው አንደኛው ወፍ ከቅርንጫፍ ወርድቆ ሞት» በሰቀቀን መርዶውን ነገራት። ንግግሩን እንደጨረሰ ወፊቱ በቁሟ ድፍት ብላ ፀጥ አለች። ነጋዴው ልቡ ትርትር እስኪል ደነገጠ። ለራሱ «ምንድነው የሰራኸው አንተ ሰው! ምንድነው ያደረከው!? ትናንት ወገኖቿን ዛሬ ደግሞ የራስህን ወዳጅ ገደልካት!···» እያለ የነበረችበትን የብረት ፍርግርግ ከፍቶ በእጁ ተሸክሞ አወጣት። «አይዞሽ ወዳጄ በክብር እያጫወትሽ እንዳኖርሽኝ በክብር ቆፍሬ እቀብርሻለው» ብሎ በጥንቃቄ መዳፉ ላይ አሳርፎ ልክ የቤቱን በር ሲከፈት ከእጁ ብር ብላ አፈተለከች። ያየውን ማመን አቃተው። ወፏ በአየር ላይ እንዳለች «አሳዳሪዬ መልእክቴን ስላደረስክልኝ በጣም አመሰግናለሁ። ወገኖቼ የላኩህ መልእክት እንዴት ዘዴ ተጠቅሜ ከፍርግርጉ ማምለጥና በነፃነት መኖር እንደምችል ነበር። በቃ የሞተ መምሰል። ይሄው ነው ዘዴው። ያኔ ራስህ ትለቀኛልህ። በል ደህና ሁን።» ብላው ወደ ጫካው ከነፈች።
አጂብ🤔

የወርሀ ሻዕባን ታላላቅ ክስተቶች 2️⃣1️⃣

⏳ሻዕባን 21፣ 1208 እንደ ሒጅራ ወይም እ.አ.አ. ጁላይ 25፣ 1793 ታላቁ የአዝሐር ሼኽ ኢማም አሕመድ አልዓሩሲ አረፉ። ሰውየው በአዝሀር ሸይኾች ዝርዝር ውስጥ አስራአንደኛው ሼኽ ናቸው። ሼኹ ጀግንነታቸውን ባንጸባረቁ አጋጣሚዎቻቸው ይታወቃሉ። በአንዳንድ ንጉሶች በደል ያረረውን ህዝብ በመርዳት ይታወቃሉ። የዒልም መድረክ ላይም ጎልተው የሚታዩባቸው መጽሐፍትም አሏቸው። ከነዚህም መሀል “ሙኽተሰሩል-ዓሩሲ ፊል ፊቅህ” የታወቀ ነው።
⏳ሻዕባን 21፣ 489 እንደ ሒጅራ ወይም ኦገስት 15፣ 1096 የአውሮፓው ጳጳስ የመስቀል ጦረኞች ቆስጠንጢኒያ ላይ እንዲሰበሰቡ ቀጠሩ። ጥሪው ምስራቁን የሙስሊሙን ሀገር (ሶሪያ፣ ዒራቅ፣ ፊሊስጢን፣ ሊባኖስ) ለመውረርና አልቁድስን ከሙስሊሞች እጅ ለመመንጠቅ የሚደረግ ዝግጅት ለማድረግ ያቀደ ነበር።
⏳ሻዕባን 21፣ 559 ወይም ጁላይ 19፣ 1164 ሰላሁድ-ዲን አል-አዩቢይ ሑምስን ከመስቀለኞች እጅ የመነጠቀበት ቀን ነበር። ይች ቦታ እስትራቴጂካዊ ሚና ስለነበራትም ሌሎች የአካባቢው ቦታዎች ከእጁ ወድ

ቀዋል።

የወርሀ ሻዕባን ታላላቅ ክስተቶች 2️⃣0️⃣

⏳ሻዕባን 20፣ 852 (ሒጅራ) ወይም ኦክቶበር 19፣ 1448 (እ.አ.አ.) የዑስማኒያው ሱልጣን ሙራድ ሁለተኛው ክርስቲያናዊውን የአውሮፓ ሠራዊት አሸንፏል። አውሮፓዎቹ መቶ ሺህ የሚሆኑ ወታደሮችን በዚህ ጦርነት ላይ አሰልፈዋል። ውጊያው የተካሄደውም ኮሶቮ ውስጥ ነበር። ሦስት ቀን ከፈጀ ውጊያ በኋላ 17 ሺህ የሚሆኑ አውሮፓዊያን ተገድለውበት ጦርነቱ ተጠናቋል። ይህ ውጊያ አውሮፓዎች ዑስማኒዮችን ከአውሮፓ ለማስወጣት ካደረጓቸው ዘመቻዎች መካከል ስድስተኛው ነበር። ነገር ግን አልተ

ሳካም።

የወርሀ ሻዕባን ታላላቅ ክስተቶች 1️⃣9️⃣

⏳ሻዕባን 19፣ 1413 እንደ ሒጅራ ወይም እ.አ.አ ፌብራሪ 12፣ 1993 ታላቁ የሐዲስ ምሁር ዐብዱላህ ቢን ሙሐመድ አል-ጉማሪይ አረፉ። እኚህ ሰው የዘመናቸው ትልቅ የሐዲስ ሐፊዝና የብዙ መፅሐፍት ባለቤት

ናቸው።

የወርሀ ሻዕባን ታላላቅ ክስተቶች 1️⃣8️⃣

⏳ሻዕባን 18፣ 967 (ሒጅራ) ወይም ሜይ 14፣ 1560 (እ.አ.አ.) ባለልዩ ተልእኮ፣ በጠርገድ ባሻ የሚመራው የዑስማኒያዎች ሠራዊት ልዩ ወታደራዊ ተልእኮ ያለው መስቀለኛው የእስፔን ሠራዊት ላይ ቱኒዚያ አካባቢ በምትገኘው “ጂርባ” በምትሠኘው ሥፍራ ላይ ድል ተቀዳጅቷል። በዓለማችን ልዩና በታላቅነቱ የመጀመሪያውን ደረጃ የሚይዝ የባህር ጦርነት ነበር። በጦርነቱ ሁለት ሦስተኛ የሚሆኑ የእስፔን የባህር ተዋጊዎች ተገድለዋል። ከዑስማኒዮች በኩል ግን አንድ ሺህ የሚሆኑ ሸሂዶች ብቻ ነበር የተ

ገኙት።

👰‍♀የተዘነጉ የትዳር መደጋገፎች🤵

ለመሆኑ በነቢዩ (ሰ ዐ ወ) ሱና የትዳር ግንኙነት ምን ይመስላል?
🎁 ለባለትዳር አጋር ፈገግታ መለገስ
የአላህ መልእክተኛ (ሰ ዐ ወ) እንዲህ ብለዋል «በወንድምህ ፊት የምታቀርበው ፈገግታ😃 ሰደቃ ነው።» (ሰሂህ አቲርሚዚ 1956)
ለትዳር አጋር በበለጠ ፈገግታ የሚገባው አካል አለን?
🎁 ፍቅርን በጉርሻ መግለፅ
የአላህ መልእክተኛ (ሰ ዐ ወ) እንዲህ ብለዋል «አንድንም ወጪ (ለአላህ ብለህ) አታወጣም የምትመነዳበት ቢሆን እንጂ። በሚስትህ አፍ የምታሳርፋት ጉርሻም🥘 ብትሆን።» (ቡኻሪ እና ሙስሊም)
🎁 ከኩባያ የተረፈውን በመጎንጨት
እሜት አኢሻ እንዲህ ይላሉ «የወርአበባ በሆንኩበት ጊዜ (እንኳ) ጠጥቼ ስጨርስ ለነቢዩ (ሰ ዐ ወ) አቀብላቸዋለሁ። ከናፍሮቼ 💋 ያረፉበት ቦታ ላይ አፋቸውን አድርገው ይጎነጫሉ።» (ሙስሊም ዘግበውታል)
🎁 እጉያ ላይ መንተራስ
እሜት አኢሻ እንዲህ ብለዋል «እኔ የወር አበባ ሆኜ (እንኳ) ጉያዬ ተሸጉጠው (ታፋዬን ተንተርሰው) ቁርአን ያነበንቡ ነበር።» (ቡኻሪ እና ሙስሊም)
🎁 በአንድ እቃ ላይ ገላ 🛁 መታጠብ🚿
ከእሜት አኢሻ ፣ ከእሜት መይሙና እና ከኢብን ዑመር በተላለፈ ሀዲስ የአላህ መልእክተኛ ከባለቤታቸው ጋር በአንድ ሳፋ 🛁 ይታጠቡ ነበር። (እንዲያውም ውሀውን) አትጨርሺብኝ ሲሏት ሂይ አንተም ውሀዬን አትጨርስብኝ ትላቸው እንደነበር ተዘግቧል። (ቡኻሪ እና ሙስሊም)
🎁 መጫወት እና መቀላለድ
የአላህ መልእክተኛ እንዲህ ብለዋል፦ «የምታጫውታት እና የምታጫውትህን ድንግል ሴት አታገባም ነበርን?» 💏
እሜት አኢሻ አንዳስተላለፉት ከአላህ መልእክተኛ (ሰ ዐ ወ) ጋር መንገድ ወጥተው ሲመለሱ ሶሀቦቻቸውን «ተቀደሙ» ብለው ከአኢሻ ጋር የሩጫ ውድድር እንደተጫወቱ ተዘግቧል። (ሲልሲለቱ ሰሂሀ 1/25)
🎁 በቤት ስራዎች ላይ ማገዝ
እሜት አኢሻ የአላህ መልእክተኛ (ሰ ዐ ወ) ቤት ውስጥ ምን እንደሚሰሩ ተጠይቃ «እንደማንኛውም ግለሰብ ነበሩ። ልብሳቸውን እየሰፋ ፤ ፍየሎችን እያለቡ እራሳቸውን ይኸድሙ ነበር።» ብላለች። (ሰሂህ አዳቡል ሙፍረድ 4996)
🎁 አፍን ለትዳር አጋር ሲባል ማፅዳት😁
እሜት አኢሻ እንዳስተላለፉት የአላህ መልእክተኛ ቤታቸው እንደገቡ የሚያስቀድሙት መፋቂያን ነበር። (ሙስሊም)
🎁 ውበትን መጠበቅ እና መኳኳል
ኢብን ዓባስ እንዲህ ይሉ ነበር «እርሷ እንድትዋብለኝ😍 የምወደወን ያክል እኔም እዋብላታለሁ።» (ሙሰነፍ አቢ ሸይባ)
🎁 በትዳር አጋር በሚወደድ ስም መጠራራት እና መንቆለጳጰስ
የአላህ መልእክተኛ (ሰ ዐ ወ) «አኢሹ ያ ጅብሪል ነው። ሰላምታ እያቀረበልሽ ነው።» ይሏት ነበር። (ቡኻሪ እና ሙስሊም)
አንዳንድ ግዜም «ቀዩቲ» ብለው ያንቆለጳጰሷት ነበር።❤️ (ሲልሲለቱ ሰሂሀ 7/818)
አንድ ቀን እሜት አኢሻ «እኔ ብቻ ስቀር ሁሉም ሚስቶችህ ተቀፅላ ስም አላቸው።» በማለቷ «ኡሙ ዓብደላህ» ብለው ተቀፅላ ስም አውጥተውላታል። (ሲልሲለቱ ሰሂሀ 1/255)
🎁 ከፊል ጉድለትን እንዳላየ ማለፍ
የአላህ መልእክተኛ (ሰ ዐ ወ) እንዲህ ብለዋል ፦ «አንድ አማኝ አማኚትን አይጥላ። አንድ ባህሪዋን ቢጠላ (በእርግጠኝነት) ሌላኛውን ይወድላታልና።» (ሙስሊም)
🎁 እንባን ማበስ እና ማፅናናት
አነስ በዘገቡት ሀዲስ እሜት ሰፊያ ከነቢዩ ጋራ መንገድ ወጥታ በጉዞ ወደ ኋላ በመዘግየቷ እያነባች😭 «በቀርፋፋ ግመል ነው ያመጣኸኝ» ስትላቸው  በእጃቸው አይኖቿን እያባበሱ ያባብሏት ጀመር… (ነሳኢ ሶሂህ ብለውታል)
🎁 ንጭንጭን😤 በታጋሽነት ማሳለፍ
ኡመር ኢብን ኸጧብ እንድህ ይላሉ «ባለቤቴን ስቆጣት መልስ ሰጠችኝ። ለኔ መልስ መስጠቷን ሳግዝባት «ለአንተ መልስ መስጠቴን ለምን ትኮንናለህ? በአላህ ይሁንብኝ የአላህ መልእክተኛ ባለቤቶች እንኳ ለርሷቸው ምላሽ ይሰጡ ነበር!» አለችኝ…» (ቡኻሪ)
🎁 ምግብን አለማነወር🤫
አቢ ሁረይራ እንዳስተላለፉት የአላህ መልእክተኛ (ሰ ዐ ወ) ምግብን አነውረው አያውቅም።ከወደዱት ይመገቡታል። ከጠሉት ደግሞ ይተውታል።
🎁 ስለውለታ 👍ምስጋና ማቅረብ
የአላህ መልእክተኛ (ሰ ዐ ወ) እንዲህ ብለዋል «ሰዎችን የማያመሰግን አላህንም አያመሰግንም።»
🎁 የትዳር አጋር ቤተሰብ እና ጓደኛን ማክበር
እሜት አኢሻ እንዳስተላለፉት የአላህ መልእክተኛ በግ ያረዱ ጊዜ ለኸዲጃ ጓደኞችን ተከታትለው ስጦታ ይልኩላቸው ነበር። (ቲርሚዚ ሶሂህ ብለውታል)
🎁 ፍቅርን መናገር
እሜት አኢሻ ስለ አቡ ዘር ባለቤትን ጥሩ አያያዝ መያዝ ተናግራ እንደተፋቱ ለነቢዩ (ሰ ዐ ወ) ስታሳውቃቸው «እኔ ለአንቺ (በአያያዜ) እንደ አቡ ዘር ነኝ። እርሱ ቢፈታትም እኔ ግን አልፈታሽም።» ብለዋታል። (ቡኻሪ)
🎁 ለችግር🤕 እና ህመም🤒 ደራሽ መሆን
እሜት አኢሻ ስለ ሀዲሱል ኢፍክ ስትናገር የአላህ መልእክተኛ (ወሬው ከመነዛቱ አስቀድሞ) ስታመም የሚያዝኑልኝ እና የሚራሩልኝ ነበሩ። ያኔ ግን «እሷስ እንዴት ናት» ከሚል ውጪ አይጨምሩም ነበር። (ቡኻሪ)
🎁 አላህን በመታዘዝ ላይ መተጋገዝ
የአላህ መልእክተኛ (ሰ ዐ ወ) እንዲህ ብለዋል «ባለቤቱን ለሌሊት ሰላት የሚቀሰቅስ እና እምቢ ስትለው ፊቷን ውሀ የሚረጫት ሰው አላህ ይዘንለት። (እሷም) ባለቤቷን ለሌሊት ሰላት የምትቀሰቅሰው እና እምቢ ሲላት ውሀ የምትረጨው እንደሆነ አላህ ይዘንላት።» (አቡዳውድ ሶሂህ ብለውታል)
🎁 ቃል ኪዳንን መፈፀም
የአላህ መልእክተኛ (ሰ ዐ ወ) «ሰውየው (ከመንገድ) በሌሊት ቤቱ እንዳይዘልቅ ፣ እንዳይክዳችው(ቃሉን እንዳያፈርስ) እና ነውራቸውን እንዳያነፈንፍ ከልክለዋል።» (ሙስሊም)
🎁 ከቤት መውጣት ሲሹ አስቀድሞ መሳም😘
እሜት አኢሻ እንዳስተላለፉት የአላህ መልእክተኛ (ሰ ዐ ወ) አንዷን ባለቤታቸውን ስመው ውድ ሳያደርጉ ሰግደዋል። (አቡዳውድ ዘገባውን ጠንካራ ነው ብለዋል)