Qaroo Waamaraa👁️👁️

Luuccaa rifeensa isheeti.

Guyyaa tokko gatamoo garagalgalaati hiriyyeen baay'ee jaaladhu tokko waliin kutaa ciisichakoo keessa teenya turre. Osuma teenyuu halkan saatii 5:25 ta'e. Anis akka isheen na cina bultun amansiifadhe. Esheenoo dafteetu tole naaf jette. Akka na waliin bultuuf. Kanaan teenyee ija keessa wal ilaalaa haasaa akka dammaa tokko haasofna. Hiriyyeen koo Aantii jedhamti. Aantiin osuma haasofnuu baallee ija ishee ariitiin wal wal irra busuu eegalte. Sana booda maalan taa'ee ilaalaree? Ittuma jedheen.....

Silaa Aantii waliin erga wal arginee waggaa afur guunneerra. Anis ishee isheenis ana waan dheebotte fakkaata. Sana booda harkakoo ol-kaaseen gateettii isheerra dabarse. Ittuma jedheen dhungoo maxxas! maxxas! itti godhe. Waan diddu natti fakkaatus; isheen cal jettee narratti of gatte. Akkuma bishaanii narra dhangalaate. Anis miira gammachuu keessa ta'een gara hidhii isheetti siquun eegale. Isheen hamma kana cal jettee na dhaggeeffatti turte. Sana booda akkuma humnaatti ta'us gara sireetti ol naaf baate. Ani amma addunyaa lammaffaa keessa galuunkoo waan hafe miti. Gammachuu jecha. Yeroo kana Aantii sagalee qaqalloo tokkoon maaloo Xiiqo! Har'aaf na dhiisi maaloo naan jette. Ani garuu gurra miiraa malee gurra ishee dhagahu hin horanne ture. Osuma isheen akkas jettu quba harka koo luuccaa rifeensa isheetti naqeen sukkuumuu eegale. Isheenis hafuura ishee las! gootee Xiiqo, Xiiqo jetti. Hamma kana Aantiin cal jechuu baattuus waan fedhii qabdu natti fakkaata. Nu lachanuu wal dheebonneerra-ka. Osuma hasaafnee haasofnuu Aantiin kaleessa ganama na harkatti taate. Of dadhabde. Anaanis jilba keessa na deemuu eegale. Osuma of qabuu dadhabduu; isheenis na dhungachuu eegalte. Amma miirri lamaan keenyaa waan dabale natti fakkaata. Akka yaada kootti osoon waajjira sana galee fedhii kooti. Waajjira mana maree bakka bu'oota sadanii. Silaa Wal gahiin caffee sanatti taa'amu murtee keeyyataa hin qabu murtee raawwii malee. Waan hafus miti malee. Silaa hawwaniif hin nyaatani. Yaadaniif hin argatani. Arganiif hin dhugatani. Amma waan hundaafuu haalli mijaa'eera. Osoo ta'ee maal ta'a jennaan. Maalii Xiiqiiko yoo waa dhufehoo maal goonaa naan jette-Aantiin. Xiinsisii jechuu isheeti natti fakkaata. booda satat! jedhee gaafan aammadhee "waa jechuuf jedhu" qofaa koon jira. Kaatee deemte sitti hin fakkaatiin malee. Aantiin na cina (bira) hin jirtu. Wanti Kun dhugaa miti-Abjuudha. Akkasitti Abjuun abjuu na goote. Ati akkas taatee beektaa?

Channel keenya #join godhadhaa
👇👇👇👇👇🙏👇👇👇👇👇👇
➡️➡️➡️➡️➡️➡️➡️➡️➡️➡️➡️➡️
➡️@Qaroo_waamaraa ➡️
➡️#Qaroo_waamaraa ➡️
➡️➡️➡️➡️➡️➡️➡️➡️➡️➡️➡️➡️

Yeroo birraan bariitu
Bariitee faaya laattu
Qaroon tulluu qaaritee
Keelloon ija hawwattu
Qalbiin ofii godaantee
Faaya uumaa doo'attu
Daraaraan tulluu dhaaltee
Faaya uumamaa mil'attu
Kaan sululasaa hubattee
Bohaartii qalbiif laattu
Kaan dirree irra buutee
Ijji bitaaf mirgatti kaattu
Holqaaf dachaa raajjee
Bakka qalbiin itti boqottu
Miidhagina uumamaatti
Bohaartee baroo argattu
Waaquma uumaan tolanii
Tottolanii qor-qalbii hawwatu
Uumamni lafarraa hunduu
Qooqaaf sagalee qabaniin
Uumaa isaaniif GALATA laatu

Kaan immoo mukeeni;
Hurruubanii, socho'anii
Galata uumaa faarfatu
Kaan immoo bineensota
Kennaasaan wacee qasa'ee
Kaan baroodee dhangala'ee
Sun aadee oliif gadi wacca'ee
Galata waaqa isaa faarfatu
Simbirroonnis gammaddee
Faaruu galataa faarsiti
Risaaf allaatiinis iyyitee
Jaalala waaqaa labsiti
Akka hireetti wal ari'aa
Teessoo hanxaxii cabsiti
Joobirriif ilmoon joobiraa
Balaliitee nagaa uumaa ibsiti
Jaldeessiif gartuun jaldeessaa
Tuttuqxee madaa walii dhiiksiti
Qamaleef kootaan qamalee
Qasaatee diina waliif ibsiti
Gogorriin birraan kaakkiftee
Birraa ta'uu uumamaaf ibsiti
Silaa utuu atuu dhageessee
Qirqirtee dhugaa siifuu ibsiti
Silaa utuu atuu dhageessee
Hima himtee nagaa sii labsiti
Silaa utuu atuu dhageessee
Tuma tumtee heera sii labsiti

Kaanimmoo haroof lageeni;
Bakkee roobii fi naachi
Keessa washakkatee sirbu
Qurxummiinis biriqqisaa
Carii birraa simatu
Ganni darbuusaa argaa
Galata uumaa himu
Afaanuma qabaniin;
Wal jalaa fuudhanii
Burraaqanii sirbu.
Warri waaqa beekani
Galata waaqaa himaa
Booqaa birraa beeksisu
Carii habbuuqaa weeddisu
Akkasittiin dubbatanii
Guddumaasaa beeksisu
Hiree dhugaa fudhatanii
Galata harkatti qabatanii
Abbaa haqaa ta'uu hubatanii
Abbaa maraa ta'uu hubatanii
Abbaa mirgaa ta'uu hubatanii
Galateeffatu isa amanatanii
Kanaafuu isa galateeffadhu
Isa qabduufis Isa dhabdeefis
Uumaa uumamaaf ilma namaa
Waaqa galateeffachuun amma
Waaqatti amanuunis dirqama
Yeroon isaas fagoo miti amma

Telegram #Qaroo_Waamaraa #join godhadhaa.

#Wow_Happy_New_Year! For 2015
#Baga_geessan
Barri bifaaf halluu hin qabdu
Garuu cinqiif milkii hin dhabdu.
🌷🌷🌷🌷🌷🌷🌷🌷🌷🌷🌷
Baga bara hamtuuf miixuu;
Bara hadhooftuu darbitanii har'a geessan.
💞💞💞💞💞💞💞💞💞💞💞💞💞💞💞
Barri 2015 bara itti waan dhabne argannu;
Bara hir'uun uummata keenyaa guutu;
Bara wal dhabdeen itti hiikamu nuuf haa ta'u! #Ameen
💞💞💞💞💞💞💞💞💞💞💞💞💞💞💞
Akkasuma #barichi_kan;
➡️Tokkummaan keenya itti cimu!
➡️Nagaan uummataa itti haara'u!
➡️Jaalalli biyyaa itti dagaagu!
➡️Bilisummaan oromoo itti argamu
➡️Milkaa'inni hojii nuuf dhufu!
➡️Eebba keenya itti gonfannu
➡️Quufa itti argannu
➡️Jireenya haaraa eegallu
➡️Jijjiirama dhugaa jijjiiramnu
➡️Gammachuu guddaa itti gammannu
➡️Ogummaa haaraa itti argannu
➡️Aara galfii itti argannu
➡️Araaraa waliif uumaa itti argannu
➡️Furmaata biyyaa itti argannu
➡️Mo'icha qabsoo itti fudhannu
➡️Guddina dinagdeef hafuuraa itti guddannu
➡️Beekumsa haaraa itti argannu
➡️Beekamtii Uummata keenya hundaaf haa ta'u; akkasuma warreen biyya alaaf keessa jirtaniif baga geessan! Baga geenye!

Yoo xiqqaate hiriyyootakee jaalattu 20f ergii gammachiisi.

Telegram #Qaroo_Waamaraa #join godhadhaa!

Jaalala kee sababeeffadheen
Kora koo lapheetti ol waama
Dhamdhamee mi'eeffadheen
Har'as kunoo laphee na saama

Magaallittii kan mormi lawwee
Har'as dhungoo keetan hawwe
Midhagduu shurrubbaan lookoo
Si yaada sin araada magaalleeko

Ogeettii ko michummaa ganamaa
Qallooko akkamiin jaalalli ganamaa
Koottu sin eega shaggar biyya keetti
Walirraa fagaannaan ormi jibba seeti

Jechoota hayyuu Oromoo Dr. Gammachuu Magarsaa

"Bakka dhugaan hinjirre nagaan hinjiru"

"Rakkoon Oromoo Itoophiyaadha; rakkoon Itoophiyaa Oromoodha"

"Jaarsa miti dhugaatu nama araarsa!"

"Namni Waaqa hin sodaanne waan sodaatu hinqabu"

"Oromoon ni wareere malee, ammayyuu hin dammaqne"

"Jalqabuma iyyuu Itoophiyaa sobduutu ijaare.

"Oromoon yoo keessa hin jiraatin, Itoophiyaan gaagura kanniisa hinqabnedha"

"Hanga cufataniitti danqaratu"

"Nan jibbinaa, an dhugaan dubbadha, jiruunkoo dhugaa dubbachuudha"

"Akkuma bineensi Saalaan gaanfa waliin dhalatu Haacaaluun Hundeessaa qaroomina waliin dhalate"

"Ani meeshaa manaa miti kanaan qannasamee dammaramu. Yoo dammaruus ta'e eenyuun hir'isanii eenyuun ida'uu?"

"ABO'n ilma hin duunetu Oromoof dhalate"

"Warri Oromoo ni balleessina jedhu ni badu yoomiyyuu"

"Kiyya waan ta'eef an Oromoo baay'een jaalladha. Isiinis kan keessan jaalladhaa!"

"Duraanuu ONEG naan jedhu anis waakkadhee hin beeku. Oromummaa koos akkan waakkadhu barbaadan, nan dide"

"Biyya rakkoon siyaasaa hin hiikaminitti waa'ee misoomaa haasawuun maraattummaadha"

"Lafti kee Waaqa irra jedhanii lafa keenya nu saamu. Kan asii iyyuu dhabnee dhuguma Waaqa irraa argannaa?"

"Laftoo saamamee dhumee, misooma, aadaa fi Oromiyaan qilleensa keessatti ijaaramamoo?"

"Mootummaan uummatadha waan ta'eef, "Mootummaa keenya nurra bulchi; nuun ammoo jala bulchi!" hin jedhinaa! Mootummaa nu jalatti bulchi nuun ammoo irra nu bluchi jedhaa!"

"Taatoo asoosama kitaabaaf fiilmii keessatti illee ga'ee Oromoon Itoophiyaa keessatti qabu zabanyaadha"

"Tokkummaan Oromoo lafee fi lafa Oromoo sagalee tokkoon tiksuun mirkanaawa, quba qabaadhaa"

"Oromoon oolaantummaa osoo hin taane wal-qixxummaadha kan barbaadu"

Kan hafe isin itti dabalaa! Jechoota hayyuu dorgomaaf gita hinqabnee Dr. Gammachuu Magarsaa kanneen kana anatu kanaan dhaga'eef dhaggeeffadhe keessaa muraasa kana walitti qabe malee, jechoonni hayyuu kanaa tokko tokkittiin hundi isaatu kitaaba guddaa tokkodha..

Waa lama

1. Namichatu kophee haaraa bitatee yoon ittiin deeme dhoqqeetu na jalaa balleessa jedhee feestaaliitti baatee utuu deemuu; gufuun miilla rukkutee qeensa irraa buqqise. Achumaan namichi maal jedhe seetan? Bagan kophee koo feestaaliitti baadhe malee silaa gufuun kun kopheekoo Akka qeensa koo kanaatti na jalaa buqqisa ture jedhe jedhama...

☆ Rakkoon keenya inni cimaan kana. jalqaba kopheen kan barbaachisuuf miilla keenya gufuu irraa ittisuufi. Wanta tokko jechuu fi gochuu keenyaan dura namni godheef ykn jedheef utuu hin taane maalif jedhe? Maalif godhe? Ykn faayidaan isaa maali jennee gaafachuu fi hubachuutu nurra jira.

2 Namootni tokko tokko fb kana irraas ta'e naannoo ati jiraatutti yoo waan namni irraa barachuu danda'a jettee yaaddu goote ykn dubbatte, yoo qoostes, yoo waan feete barreessite illee si qeequu , si arrabsuu fi faallaa kee dhaabachuu hin dhiisani. Fakkeenyaanin waa sitti hima. Shamarran baadiyyaa yeroo lagaa okkoteedhaan bishaan waraabanii galan okkotechi hin guunne taanaan oliif gadi socho'ee bocboc jedhee irratti gad dhammee uffata irratti balleessa, okkotechi guutuu taanaan garuu hin socho'u bishaan inni baatus gadi hin dhammu kana jechuun Namni sammuun hirdhuu Akkasuma raafama. Akka itti dhufetti dubbata, namni yeroo gaarii hojjetuu fi fudhatama argatu isa hin gammachiisu.

☆ Kanaaf Ati akka okkotee isa guutuu sanaa ta'i. waan fedhe yoo siin jedhan wanta itti Amante gochuu fi dubbachuu irraa of hin qusatiin. kaayyoo kee irraa hin maqiin. Yaadaa fi qeeqa si jabeessu fudhachaa kan arraba dheeratu immoo gadi buutee deebii kennuufi dhiisiiti Amala isaati jedhii bira darbi. Sababni isaa Sareen nama hin beeknetti dutti.

Muller
Suuraan kan waggaa 7 dura halkan Gaarii😍😍


From page kabbee

➡️#Bor_Abdadhu

🔹Jireenya armaan dura jiraatterraa; kan kanaa achi jiraachuuf jirtu abdadhu. Abdii kutannaan boruu keef jechoota hamaa dubbatta. Yoomiyyuu taanaan boruu keef jecha hamaa hin dubbatiin.! Jechikee boruu keef galaadha. Namni dilbii golaa qabu; waa'ee bara dhufuu hin yaadda'u. Namni galaa of harkaa qabu; bor nan beela'a hin jedhu. Bor komachuun mo'amuudha. Kanaaf waan gaarii galaa godhadhuu-Bor abdadhu.

🔹ILaalchi gaariin ati kaleessa qabdu; har'a keef adeemsa ta'us boruu keef garuu bu'aadha. Kanaaf jiruukee isa borii abdadhu. Namni Abdii hin qabne du'aa qofadha. Lubbuu qabiyyiin kaan abdii qabu. Namatu hin hubatuuf malee. Fakkeenyaaf mixii ilaaluu dandeenya. Boruu ishee waan beektuuf waan ganna nyaattu; bona kuufatti. Atillee bor abdadhu. Bor waan gaarii siif gumaacha.

🔹Bor eenyuufuu guyyaa haaraadha. Namni addunyaa kana irraa bor argee beeku hin jiru. Waaqa uumaa malee. Atis bor abdadhu. Kanaaf namni abdii qabu yoomiyyuu taanaan ofirras, biyyarras hin taa'u. Mul'ataaf humna qabuun halkaniif guyyaa carraaqa malee. Wanta itti dhamaatee dadhabde ammoo boruuf abdadhu.

🔹Har'i keenya kana ta'uu mala. Guyyaa itti aanee dhufuuf garuu abdii guutuu qabna. Yoo fedhaaf jaalala waaqayyoo ta'e abjuuf kaayyoon keenya dhugoomee waliinuu argina. Yeroo tokko ilaalchi hir'uun fageenya irraa gara mul'ata namaatti bubbisa. Kun warra kaayyoo haqaa qabaniif salphaatti mo'ama. Nullee warra ilaalchi isaanii hir'uu ta'eef bakka hin qabnu. Warra Haqaaf jiraatan waliin imaluuf faanni keenya qophiidha.

🔹Hiriyyaan dhugaa gara daandii sirriitti wal geessa. Hiriyyaan dharaa garuu qileef bile ati keessaa ba'uu hin dandeenyetti si geessa. Nuti garuu oolmaa hiriyyaan haqaa wal irraa qabu kamiyyuu wal irraa qabna. Daandii irratti wal gorsuu qabnutti wal gorsineerra. Daandii itti wal deebisuu qabnutti wal deebisaa har'a geenye. #Haile hiriyyaa dhugaa akkakee qabaachuun hiree rabbi harkaati. Hiriyyaan dhugaa kennaa waaqaati.

🔹Walumaa galatti ATI eenyuyyuu yoo taate; garaa tokko qofaan hiriyyaa keetti dhihaadhu. Akka keenya. Waa'ee namaa keessa akkasumaan hin galiin. Yoo gorsaa malee. Waa'een dhuunfaa kee ko'eessa si jalaa ta'a. Yoo waa'ee namaa keessa ooltu. Kanaaf atis abbaa kaayyoo ta'i. Namoota tokko tokkotu dhimma mandaraa qofaan nama ceepha'u. Nama cabsuu yaalu. Kun hin barbaachisu. Akka walootti yaaduu nu gaafata. Warreen kaleessa du'an; gareef, gandaaf, lagaaf, du'an miti-Biyyaaf du'ani. Nullee kanuma. Sareen nama hin beeknetti duttii jedhani. Yoo duttes sarummaa isheef dutti. Yoo duutes sarummaa isheef duuti. ATI biyyaaf malee garaaf hin du'iin. Yoo duute biyyaaf ofta'ii du'i.

Asumaan Telegram #Qaroo_Waamaraa join godhadhaa!

Waraabessi foon malee
Maal barbaada harreerraa?
Duriyyuu inuma beekna
Kan caalu amma barreerra...
Bishaan boriif abdatan
Gingilchaatti qeensuuree?
Gaafa hongeen hammaatte
Qoraattiitti dheessuuree?
Ija garbuu barbaacha
Barbaree bira hin dhaqnu
Hin gowwoomiin Oromoo
Wal malee fira hin qabnu!
Beddee beddee bitanii
Randarra baasu karaa
Jette - jettee fidanii
Gargar nu baasu adaraa🙏
~
Ofittummaan dhukkuba
Humna keenya haphisa
Wal wajjin malee hin tollu
Faca'uun nu salphisa...
Asiifi achiin nu qoodee
Warra nuuf dhaabu dallaa
Hin barbaadnu - hin feenu nuti gandatti miti
Oromummaatti galla!

L K A

➡️#Hamma_yoomiitti_duunaa?
#Nu_Gaha_Duuti_Rip_Civilians
Sardiidoon hoolaa nyaatte
Buusuu didde gogaashee
Jarittiin kunoo nut' kaate
Nutti deebifte wadooshee

➡️Nu nyaatte budaan sirrii
Buusuu didde lammiikoo
Nu waraante ilkeen cirrii
Fayyuu dide madaankoo

➡️Warri halagaa soddoomse
A'aa! Yaaddoon nu tortorse
Warri waraana ofii cimmise
Darabduuf galtuu nutti horse
Faannoo jettee nu duguugde
Badduun qe'ee nu goggokse

➡️Warruma qe'ee hin qabnetu
Qe'ee fi biyyarra nu kaase
Warruma okaa itti haamnetu
Daa'imaaf maatiirraa nu baase

➡️Noori jennee lafa kunneefii
Ofitti maxxansine silmii
Hori jennee okaa kunneefii
Nu goote-ka akka hirmii

➡️Dararaan nu marse-kaa
Akka waan badduu taanee
Buqqaatiin nu faarse-kaa
Akka waan galtuu taanee
Mancaatiin nu sardee-kaa
Akka waan hiyyuu taanee

➡️Muka reejjii jala lixne
Akka waan damee qabuu
Gaggadoodne dur of fixne
Akka waan garee qabuu

➡️Bara Walloon tuqamnaan;
Oromoon wal kaasee dirmata
Bar Karrayyuun tuqamnaan;
Oromoon mancaan dirmata
Bar Tuulamni tuqamnaan;
Eebboon mirgasaaf falmata

➡️Barri Amatiif kutaa nu ga'a
Barri gandaaf garee nu ga'a
Barri lagaaf maqaa nu ga'a
Oromo! Ka'aa tokko ta'aa!
Kanatu galmaan nu ga'a!

➡️#Rip_Civilians😭 Godina Horroo Guduruu Wallaggaa; Aanaa Amuruu, magaalaa Agamsaatti lammiileen nagaa 70 ol ta'an; garee shororkeessaa Faannootiin haala suukkanneessaan anjeefaman.

➡️Waan hundaa ol sitti dhaga'amuu kan qabu; maaf namni qe'ee isaarraa buqqa'aa? Sanuu dacheesaa, sanuu qeesaa, sanuu biyya Isaa; Mee eenyuyyuu yoo taate maaltu sitti dhagahama. Dararamni kana caale maaltu jira? Oromoon lafa isaarra jiraachuu dadhabuu caala wantu nama boochisu maaltu jira? Kan dur alaa eegnu caala har'a yerootti Humna jabaa of-biraa osoo qabnuu; Osoo Oromoon kutaa tokko dhiigaan lafa dhiquu, Osoo kutaan tokko jumlaan du'ee awwaalamuu; Osoo kutaan tokko boo'ee mankaraaruu; Osoo kutaan tokko qe'ee irraa buqqa'ee beelaaf yaadaan waxalamuu; Osoo kutaan tokko xin-sammuun dararamuu; Osoo Lafaaf jedhee lafeen daakamuu; Osoo kutaan tokko biyyaaf rasaasaan harca'uu; Kutaan kaan Sirbee Dhichisu; Miidiyaa irraa iyyee gammachuu machaa'uu arguu caalaa waan miiraaf sammuu si xuqu hin jiru! Lafee-kee si dhukkubsuu qaba.

Telegram #Qaroo_Waamaraa #join godhadhaa.

#Yowobsan_Abebe_Abatetiin