💰 Marathi Money | मराठी मनी

★ शेअर्समधील गुंतवणूक : दीर्घकाळात शेअरबाजाराने गुंतवणूकदारांना चांगला परतावा दिला आहे. फार थोडे लोक याकडे गुंतवणूक या दृष्टीने पहातात याबद्दल लोकांचे गैरसमज अधिक असून त्यात सातत्याने वाढ होत आहे. अनुभव, थोडीफार समज, पैसे, जोखीम घेण्याची, त्वरित निर्णय घेण्याची क्षमता, आपण कोणत्या प्रकारचे गुंतवणूकदार आहोत याची ओळख, चुकांतून शिकून त्याच चूका न करणे, तीव्र मनोबल हे याचे भांडवल असून यासाठी कोणत्याही विशेष शैक्षणिक पात्रतेची गरज नाही. कॉफी कॅन पोर्टफोलिओ या तंत्राने जगभर अनेकजण गुंतवणूक करतात ते उपलब्ध आहे. सर्वसाधारण दैनंदिन जीवनात मागणी असलेल्या वस्तू, सामान्यज्ञान याचा वापर करून तसेच तंत्रशुद्ध पद्धतीचा वापर करून अल्पकालीन, मध्यम आणि दीर्घकालीन गुंतवणूक करून यातून आपली मुद्दल न गमावता आकर्षक परतावा मिळवणे शक्य असून याकडे कोणतेही पूर्वग्रह न ठेवून पाहावे. गुंतवणूकदारांना कोणताही पर्याय नसल्याने प्रत्यक्ष अप्रत्यक्षपणे बाजाराकडे चालू असलेला ओघ चालूच राहणार असून, तेजी असो अथवा मंदी त्यातून कायम संधी उपलब्ध आहेत. सध्याच्या परिस्थितीत व त्यानंतर कोणत्या क्षेत्रावर काय परिणाम होऊ शकेल याचा विचार करून त्यातील आघाडीच्या कंपन्यात आता गुंतवणूक केल्यास फायदाच होईल. फक्त बाजाराने सध्या तळ गाठला आहे का? यासंदर्भात कोणीच भाकीत करू शकत नसल्याने एकरकमी गुंतवणूक न करता अर्धी गुंतवणूक करून खालच्या टप्यावर गुंतवणूक थोडीथोडी वाढवून, वाढलेल्या भावात थोडी विक्री करावी म्हणजे बाजारात होणाऱ्या भावाच्या फरकाने आपला जीव वरखाली न होता भावातील फरक ही खरेदी विक्रीची संधी वाटेल. ज्यांना मुदत ठेवीप्रमाणे डिव्हिडंडमधून परतावा हवा आहे आणि भावात होणाऱ्या फरकाने थोडाफार फायदा अपेक्षित आहे अशा गुंतवणूक संधी सध्याच्या बाजारात उपलब्ध आहेत. गुंतवणूकदारांना फायदा न होण्याचे मुख्य कारण हे कोणत्याही गोष्टींची तीव्र प्रतिक्रिया आहे. भांडवल बाजाराने जेव्हा तळ गाठला तेथून दीड दोन वर्षात भरारी घेतली आहे यावेळी हा काळ कदाचित वाढू शकेल.

★ गुंतवणुकीचे आधुनिक पर्याय : यात विविध शेअर्स, इंडेक्स, करन्सी, इंटरेस्ट रेट, कामोडीटीज यांचे डेरीव्हेटिव्हीज पर्याय यांचा समावेश असून यासाठी अभ्यासाची गरज असून यातील किमान गुंतवणूक अधिक असून यासाठी अधिक अभ्यासाची जरुरी आहे. किमान ₹ ५० लाख फोलिओ/पैशांच्या माध्यमातून उपलब्ध करून देणाऱ्या फी आकारून सल्ला देणारे गुंतवणूक व्यवस्थापन करून देणारे तज्ञ उपलब्ध आहेत.
सर्वात महत्वाचे -

घरातील कमावत्या व्यक्तींचा पुरेसा मुदतीचा विमा आणि प्रत्येकाचा आरोग्यविमा असणे हे अत्यंत आवश्यक असून ही एकमेव गुंतवणूक फुकट जावी याच हेतूने केली जाते. ती फुकट जाणे याचा अर्थ आपण जगणे ,आरोग्य चांगले रहाणे असा असून याबाबतीत तडजोड करू नये.

आता तरी करा गुंतवणुकींचा पुनर्विचार
श्री. उदय काशिनाथ पिंगळे

कोविड १९ च्या पार्श्वभूमीवर अनेक पारंपरिक गृहितकांचा कस लागत असून त्यातून गुंतवणूक या विषयाची सुटका नाही. संपूर्ण देश लॉकडाऊन झाल्याने सर्वच क्षेत्रांची अपरिमित हानी होत आहे. यातून बाहेर पडून नियमित व्यवहार चालू होऊन मागणी वाढायला कालावधी लागेल. यावर मात करण्यासाठी योजलेल्या उपायांचे परिमाण दुहेरी असून यामुळे व्याजदर कमी होऊन महागाई वाढू शकते. महागाई वाढली की क्रयशक्ती कमी, मागणी कमी असे हे दृष्टचक्र आहे. एक सजग गुंतवणूकदार म्हणून या दृष्टीने आपल्या सर्वच गुंतवणुकींचा पुनर्विचार करणे जरुरीचे झाले आहे.


आपली गुंतवणूक विविध साधनांत विभागलेली असून त्यातून चांगला परतावा, सुरक्षितता आणि रोकडसुलभता हवी. असे निकष पूर्ण करणारे एकही गुंतवणूक साधन नाही. परतावा आणि धोका यांचे प्रमाण व्यस्त असल्याने गुंतवणूकदारांनी उपलब्ध पर्याय तपासून काही प्रमाणात अन्य पर्यायांचाही विचार करायला हवा. अजिबातच धोका पत्करायचा नाही हे अधिक धोकादायक असून उपलब्ध पर्याय तपासून पाहुयात.
★ विविध बचत, अल्पबचत योजना, सरकारी कर्जरोखे : यातून मिळणारा परतावा ५.५% ते ७.७५% एवढा आहे. यातील सार्वजनिक भविष्यनिर्वाह निधी (७.१%) सुकन्या समृद्धी योजना (७.६%) यातील परतावा करमुक्त असल्याने अप्रत्यक्ष परतावा वाढतो परंतू सुकन्या समृद्धी योजना सर्वांसाठी नाही. दोन्ही योजनांत वार्षिक गुंतवणूक करण्याची कमाल मर्यादा दीड लाख आहे. सहामाहीस व्याज देणारे ७.७५% व्याजदराचे भारतीय रिझर्व बँकेचे कर्जरोखे सुरक्षित असून याची किमान मर्यादा ₹१० हजार असून त्यावर कमाल मर्यादा नाही.

★ सोने : हा एक गुंतवणुकीचा पर्याय असला तरी याकडे गुंतवणूकीपेक्षा त्याचे भावनात्मक मूल्य जास्त आहे. गुंतवणूक म्हणून सोने घेणारे ९९% लोक सोने कधीच विकत नाहीत. चलनावरील विश्वास कमी झाल्यास मोठ्या प्रमाणात सोने खरेदी होते. जागतिक मंदीमुळे भविष्यात सोन्याचे भाव मोठ्या प्रमाणात वाढण्याचा अंदाज व्यक्त केला जात असून अल्पकाळात विक्री करून फायदा मिळवणाऱ्यासाठी यात गुंतवणूक संधी असल्याने ई टी एफ/ ई गोल्ड चा विचार करता येईल.
★ स्थावर मालमत्ता: यात सध्या करावी लागणारी गुंतवणूक ,मिळणारा परतावा पाहता हा पांढरा हत्ती ठरण्याची जास्त शक्यता असल्याने सर्व दृष्टिकोनातून विचार करूनच निर्णय घ्यावा.
★ म्युचुअल फंडातील गुंतवणूक : "म्युचुअल फंड सही है।" च्या जाहिरातीने आणि अन्य ठोस पर्यायांच्या अभावाने, या योजनांनी घरात आणि प्रत्येकाच्या मनात प्रवेश केला आहे. ही सर्वात फसवी जाहिरात आहे. यातून आपल्याला काही करावे लागत नाही, पैसे आपोआप वाढतात असा काहीसा बोध होतो. वेळोवेळी ही गुंतवणूक तपासून, जर अपवादात्मक परतावा मिळत असेल तर तो काढून घेऊन, सुरक्षित आणि करमुक्त परताव्याच्या ठिकाणी ठेवला तरच आपल्या खऱ्याखुऱ्या गरजेला तो उपयोगी पडेल. सध्या यातील गुंतवणूक काढून किंवा एस आय पी बंद करून आपले नुकसानच होणार. या गोष्टी पूर्वपदावर येण्यास तीन वर्षाचा कालावधी लागू शकतो. डेट फंड, जे मुदत ठेवीस पर्याय म्हणून समजले जातात त्यांनी गुंतवणूक केलेले कर्जरोखे अनुत्पादक मालमत्ता होण्याच्या शक्यतेने सुरक्षित समजणे कठीण वाटते.

‘जेव्हा तुम्ही प्रत्येक दिवशी थोडी सुधारणा करता, तेव्हा कालांतराने मोठ्या गोष्टी घडतात. जेव्हा तुम्ही प्रत्येक दिवशी थोडेसे बदल घडवता, तेव्हा कालांतराने तुम्ही संपूर्ण बदल घडवू शकता. अगदी उद्याच नाही, किंवा परवाही नाही, पण एक ना एक दिवस तुम्हाला त्याचा मोठा फायदा होतो. मोठ्या व वेगवान सुधारणेसाठी प्रयत्न करू नका. एकेदिवशी एकाच छोट्या सुधारणेकडे लक्ष द्या. हा एकच मार्ग आहे आणि जेव्हा छोट्या सुधारणा घडतात, तेव्हा त्या टिकतातच.’ - जॉन वूडन

@marathimoney

#important

🛄 मी व्यवसाय का करावा?

आज बहुतांशी लोकांना असे वाटते की एक मोठ्या पगाराची नोकरी असावी, कारण साधारण आठ तासाच्या नोकरी मधे एक फिक्स पगार मिळत असतो आणि रिस्क पण कमी असते, पण एक तात्विक विचार केला तर ज्या ठिकाणी आपण नोकरी करत असतो त्या व्यवसायाचा मालक स्वतःच्या जिद्दीने आणि आत्मविश्वासाने व्यवसाय चालवत असतो आणि आपण मात्र तिथे नोकरी करत असतो! तुमच्याकड़े जर जिद्द आणि आत्मविश्वास असेल तर स्वतःचा व्यवसाय चालू करुन एक अनोखे विश्व तुम्ही निर्माण करू शकता. पण एक लक्षात असू द्या व्यवसाय करणे हे काम सोपे नाही कारण त्यासाठी मनाची तयारी हवी, मेहनत करण्याची इच्छा हवी आणि सतत व्यवसाय वाढीसाठी धडपड करण्याची तयारी हवी.

आज बरेचसे युवक सुशिक्षित आहेत पण नोकरी मिळत नसल्याने घरी बसून आहेत. आज बरेचसे युवक आहेत त्यांना व्यवसाय चालू करण्याची तीव्र इच्छा आहे पण कोणता व्यवसाय चालू करायचा किंवा व्यवसाय कसा चालू करायचा आणि व्यवसायासाठी पैसा कुठून उभा करायचा अशा अनेक प्रश्नांची उत्तरे न मिळाल्यामुळे हे युवक घरीच बसून आहेत. परिणामी आजची तरुण पिढी निराशेपोटी चुकीच्या मार्गाला जात आहे. नैराश्य आणि कमी झालेला आत्मविश्वास याच्यामुळे ही पिढी गुन्हेगारी आणि आत्महत्या अशा प्रवृत्तीकडे वळू लागली आहे. आजचे बरेचसे पालक व्यवसायातील धोक्याचा आणि तोटयाचा विचार करुन मुलांना मोठेपणी चांगले शिक्षण घेवून एक मोठ्या पगाराची नोकरी मिळवण्यासाठी आग्रही असतात पण तो आपला मुलगा किंवा मुलगी एक बिझनेसमॅन किंवा बिजनेसवूमन होईल यासाठी अजिबात प्रयत्न नाही करत. पालक आपल्या अपूर्ण इच्छा, आकांक्षा मुलांवर लादतात आणि आपले स्वप्न पूर्ण करण्यासाठी नोकरीकडे बोट दाखवतात. आज समाजामध्ये नोकरीला खूप प्रतिष्ठा आहे, आमचा मुलगा अमुक ठिकाणी कामाला आहे, आमच्या मुलाला एवढा पगार आहे असे बरेच पालक सांगत असतात. पण, असे काही मोजकेच पालक असतात की जे ज्या क्षेत्रामध्ये आपल्या पाल्याने शिक्षण प्राप्त केले आहे त्या क्षेत्रात काहीतरी नवीन करण्याच्या उद्देशाने मुलांना व्यवसायासाठी प्रोत्साहन देतात, फारच कमी असे पालक असतात की जे अंबानी, टाटा, किर्लोस्कर, मित्तल, बजाज व डी.एस. कुलकर्णी यांचे उदाहरण देऊन व्यवसायामधे मुलांचे मन घट्ट करतात.

मित्रहो तुम्हाला व्यवसायामधे उतरायचे असेल तर मनाशी एक दृढ निश्चय असावा, व्यवसाय करू की नोकरी करू अशी द्विधा मनःस्थिती असेल तर व्यवसाय न केलेला बरा, कारण आपण आपल्या निर्णयाशी ठाम नसाल तर व्यवसायामध्ये यश मिळणे खूप कठीण आहे, कदाचित व्यवसायामध्ये सुरवातीला जर तुम्हाला अपयश आले तर नोकरी केली असती तर बरे झाले असते अशी तुमची मानसिक स्थिती होईल. मी काही तरी नवीन करणार हे ध्येय असेल आणि व्यवसायामध्ये येणाऱ्या प्रत्येक अडचणींना सामोरे जाण्याची हिंमत असेल तरच व्यवसाय करण्यासाठी एक पाऊल पुढे टाकावे. ज्यांना कुणाच्या हाताखाली काम करण्याची इच्छा नसते पण कष्ट करण्याची अपार इच्छाशक्ती असते त्यांनी व्यवसायामध्ये आपलं नशीब नक्की आजमवावं.

मित्रहो आव्हान स्वीकारण्याची आणि संकटे पचवण्याची ज्यांच्यामध्ये ताकद असते ती माणसे उद्योग क्षेत्रामध्ये स्वतःची नवी ओळख निर्माण करतात, अशी ओळख नोकरीमध्ये तुम्हाला कधीच मिळणार नाही. व्यवसायामध्ये जिद्दीने यशस्वी झालात तर अमर्याद पैसा तुमचाच असतो आणि एक प्रतिष्ठा मिळते ती बहुतेक तीस-चाळीस वर्षाच्या नोकरीमध्ये तुम्हाला कधीच मिळणार नाही. ज्यांच्या घरची पार्श्वभूमी ही पिढीजात व्यवसाय करण्याची असते त्यांना मागच्या पिढीकडून पुढच्या पिढीकडे व्यवसायाचे धडे लहानपणापासूनच मिळत असतात. पण ज्यांच्या घरची पार्श्वभूमी ही पिढीजात व्यवसाय करण्याची नसते त्यांनी व्यवसायाचे योग्य ते प्रशिक्षण आणि नियोजन करूनच व्यवसायाला सुरवात करावी. व्यवसाय सुरु करण्याअगोदर मी व्यवसाय का करायचा हा प्रश्न नक्की स्वतःला विचारा त्याचबरोबर स्वतःची आर्थिक, बौद्धिक, मानसिक व शारीरिक तयारी आहे का याची ही एकदा उजळणी करावी.

थोडक्यात सांगायचे झाले तर अपयश आल्याशिवाय यश काय आहे याची गोड चव कळत नाही. व्यवसाय म्हटला की नफा किंवा तोटा हा येतोच पण थोड्याशा अपयशाने खचून न जाता आलेल्या संकटाला सामोरे जाण्याची तयारी असेल तर व्यवसायामध्ये मिळालेले यश हे तुमचेच असते. मी व्यवसायामध्ये यशस्वी होणारच हे ध्येय असेल तर निश्चितच तुम्हाला कोणीही अडवू शकत नाही. व्यवसाय सुरु करताना त्या व्यवसायाचे सखोल ज्ञान असणे खूप गरजेचे आहे जर आपल्याला एखाद्या व्यवसायाची सखोल माहिती नसेल तर संपूर्ण माहिती गोळा करूनच योग्य नियोजन करावे. तसेच तुम्ही करत असणाऱ्या व्यवसायाची तुम्हाला आवड पाहिजे जर तुम्हाला आवडच नसेल तर कशातच रस राहणार नाही. एक लक्षात ठेवा व्यवसायामध्ये वेळेचे बंधन नसते अगदी सकाळी उठल्यापासून संध्याकाळी झोपेपर्यंत तुम्हाला व्यवसायात मेहनत करावी लागू शकते.

ई एम आय कमी कसा करावा ? - लेखक: श्री. प्रकाश भोसले

संपूर्ण लेख इथे वाचा 👇👇👇
https://www.marathipaisa.com/ArticleDetails.aspx?ArticleID=382

आपले फायनान्शिअल चेकअप केले आहे का? - लेखक: श्री. प्रकाश भोसले

संपूर्ण लेख इथे वाचा 👇👇👇
https://www.marathipaisa.com/ArticleDetails.aspx?ArticleID=384