قناة الملا مشتاق البصراوي

هايه فرحتنه الچبيره .. والگمر ضوه عَلينه
هايه فرحتنه الچبيره .. انبارك الحيدر عِلينه

الليله ميلاد الگمر
بالسمه طش الخبر
🌷-------------🌷--------------🌷

واجب أنهني علي بهذا السرور
ونرسل الفرحه على اجناح الطيور
گمر للدنيه أجه والجبهه نور
أعني عباس الشعر يمه يدور

الوصي بجيته أبتشر
🌷--------------🌷-------------🌷

أزينت حتى الارض لبست جديد
وحفت اطيور السعد هذا الوليد
الليله عيد بمولده مامثله عيد
نزلت أملاك السمه أتشوفه تريد

الفرح عم وكبّر
🌷----------------🌷---------------🌷

انولد معنى الوفه وسر الجمال
اشلون أوصفه والصف عنه محال
ماكو اليشبه جماله ابلا جدال
نوره يسطع والكمر فوك الخيال

نور وبهيئت بشر
🌷-----------------🌷----------------🌷

الليله فرحان الوصي وأم البنين
الليله ممنوع الحزن ماكو حزين
هذا عباس الاجه وضوه السنين
تسحر عيونه وعلي چنه لجين

ليلت افراح وسهر
🌷-----------------🌷---------------🌷

بهاي جمعتنه أله نرسل سلام
ونبعث الفرحه ترى بجنح الحمام
ياشعر يوصف عشكنه ويا كلام
نعتذر من الگمر قبل الختام

حيو شعبان الاغر
🌷-----------------🌷---------------🌷

✍بقلم خادم العباس ع
الشاعر رعد الجريخي


الناشر عباس التميمي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة 👆👆

كروب قصائد والحان منبريه اشترك 👇👇
https://t.me/joinchat/AAAAAD7f0FNmkN2JjlNIBw

نعي الى الامام الكاظم ع
****
ضلت غريبه ضلت غريبه. ليش اجنازته ضلت غريبه
تحير طبيبه تحير طبيبه. اهواي الكاظم اتحير طيبه
والدمع سال والدمع. اهدلت حيلي المصايب والدمع سال
وتريد حمال وتريد حمال. وحيده اجنازته وتريد حمال

بسجن هارون بسجن هارون. الكاظم كظه عمره بسجن هارون
يكولون يكولون. عليه يتهدد السندي يكولون

جرحت ايديه جرحت ايديه. عمت عيني السناسل جرحت ايديه
يداويه يداويه. الكاظم ليش ما واحد يداويه

اربع حماميل. اربع حماميل. تره الشالوه بس اربع حماميل
وتهدم الحيل وتهدم الحيل. يا ناس الجنازه اتهدم الحيل

الماله عشيره الماله عشيره. يموت بغربته الماله عشيره
والحيره حيره والحيره حيره. صفكت ايدي عليه والحيره حيره

مسموم مسموم. ابن جعفر صحت يا ناس مسموم
محروم محروم. يويلي امن الشمس كالولي محرم

ابين الاخوان ابين الاخوان. يهنياله اليموت ابين الاخوان
اهنا يدفان اهنا يدفان. وسع الكبر بله اهنا يدفان

وين يردون وين يردون. انه اعزازك يكلبي وين يردون
يوجعني يوجعني. اصفاحي امن البواجي يوجعني
عكست وياي عكست وياي. تره كلش الدنيه عكست وياي
والحيل مهدوم والحيل مهدوم. كوه امشي كمت والحيل مهدوم
وكت الغروب وكت الغروب. تره الحسبات وكت الغروب
جوه التراب جوه التراب. دفنت اعزاز كلبي جوه التراب
*****
تمت
تحسين الخفاجي


https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات👆👆

كروب قصائد والحان منبريه اشترك 👇👇
https://t.me/joinchat/AAAAAD7f0FNmkN2JjlNIBw

استشهاد الامام موسى الكاظم ع

بسجنك لحظه متنام .. شسوت بيك الخيام
ليلك دمع ضيم وقهر ماتهجع بتاليه
تصرخ تون عمرك خلص ياعمتي المسبيه
…………………………………
بالسجن عمرك يطيب خلص وانته بحزن
شنهي من امصاب هذا اليطحن بروحك طحن
من البچي عيونك اظنها يابومعصومه انعمن
ليل ونهارك تنادي ليش عماتي انسبن

تصرخ آ يا عرض النبي .. أشلون بالطف تنسبي
صعدن على ظهور الهزل .. وحادي الفواطم اجنبي

تگعد تبچي باليل .. تصرخ ويلي ياويل
شلون الشمر سوطه يضل يلعب على العلويه
تصرخ تون عمرك خلص ياعمتي المسبيه
…………………………………
لگيدك اتعاين ليالي والدمع عالخد يهل
حلق گيدك حيل ضيگ والحديد ايدك اكل
وتبچي لكن مو الأيدك لأيد ماكلها الحبل
تبچي الذيچ السبيه مچتفه صعدت هزل

عينك يمولاي التصب .. مو من سجن لامن غرب
تبچي على الما عدها چف .. تتحامه بي من الضرب

من عندك دمع سال .. عالمچتوفه بحبال
الله اليعينك سيدي شگد احملت اذيه
تصرخ تون عمرك خلص ياعمتي المسبيه
…………………………………
چم سجن طبيته انته شكد عشت عمرك غرب
ماتعادل لوعه عندك عمتك مجلس تطب
مجلس اتطب العقيله وتنظر عليها غرب
ومن خجلها ومستحاها ماي گصتها يصب

ألكاسر العمتك ظهر .. موذاك النحز النحر
الحدب ظهر لبوة علي .. الشامت عليها من نظر

الما مشيوفه بخيال .. وگفت بين الرجال
بين الزلم حدب ظهر بت عفة الزچيه
تصرخ تون عمرك خلص ياعمتي المسبيه
…………………………………
سجنك اظلم حيل كلش مايمر بيك الضوه
بالسجن عمرك گضيته تحلم بشم الهوه
وزينب بظُلمة خرابه حايره ادور دوه
شچم ضلع مكسور عدها شچم جدم عدها انچوه

ليل الخرابه بلا شمع .. بس البچي بي ينسمع
محتاره زينب يامتن .. أداوي ظلت ياضلع

گعدت تجري الدموع .. كلها تصيح الضلوع
طفله تصيح من المتن وطفله تصيح اديه
تصرخ تون عمرك خلص ياعمتي المسبيه
…………………………………
يعينك الله يالچبدتك تسري بيها نار سَّم
ويه كل شوغه وأذيه ويه كل حرگه والم
تذكر شصار برقيه يوم الشتعلت خيم
شگد چوتها النار ذيچه وموعت جلد الجدَم

ركضت رقيه عالجمر .. ونار بعباها تستعر
سلبو تراچيها وبعد .. خدها نوله طگ وسطر

حتارت ألمن اتروح .. وبوها الغالي مذبوح
تدور اعله بوها خايفه ومذبوح ابو رقيه
تصرخ تون عمرك خلص ياعمتي المسبيه
…………………………………
من متت يالكاظم انته الشيعه اجتك شَيعتك
ما بقيت ابلايه والي ومحد الها جثتك
عله الجسر تشييعك اصبح وعالرؤوس اجنازتك
وما حصل واحد يشيع حين ماتت عمتك

طبع اليموت ابلا وطن .. محد اله لو اندفن
محد يجهز حفرته .. محد يلمه بالچفن

الميت ماله خوان .. يموت وماله دفان
ومحد يجيله للگبر ويسوي اله تعزيه
تصرخ تون عمرك خلص ياعمتي المسبيه


الشاعر عقيل الحسناوي..https://t.me/joinchat/UdhUVHl530XrPCDX