Репост из: Парахат @@@@@@
Самал сыйлаған байрақ.
Парахат. Сулайманов.
Бабам маңлайына, сүрталмай кеткен.
Туўысаң көксинде, желбиреп өткен.
Бүгин самалларға, жайып қушағын.
Желбирер байрағы халқым дөреткен.
Бес жулдызы, бес қаласы сыйлаған.
Сары қумы, белбеў етип байлаған.
Жасыл жайлаўы ол, қызыл қан тамыр.
Ашық аспаны бар, қудай сыйлаған.
Жорғаға усайды самал сыйпаған.
Жүзип баратқандай түйилди маған.
Көкке көтерилсең кеўлим бузылып.
Палуанға уқсайман жасын тыймаған.
Балалар көринер көтерип жүрген
Әне азаматлар ўатаным деген.
Сүйсинип қарайман ойға таламан.
Әрманлы кетти дә, бабам көрмеген.
Байрақты илиўге, қорқып турасаң.
Сорасам жуўап жоқ, гәпти бурасаң.
Қәериң кем сениң, муштай баладан.
Жулдыз он бес дейсең, ҳайран боласаң.
Ондайлар қайда жоқ ҳәмме жерде бар.
Туўымыз ол бизиң, болсын итибар.
Алдында желбиреп баратса байрақ.
Халқына руўх берер, туўдың күши бар.
Қарақалпақ халқы, байрағы менен.
Өзгеше салт дәстүр, байрамы менен.
Айрылып турады өзге еллерден.
Қырық қыз, Едиге дәстаны менен.
Туўы желбирген, мәрт бир халықсаң.
Қара қалпағындай аттан анықсаң.
Сада ақ көкирек десе басқалар.
Дастурхан жайыўға, яман алықсаң.
Мейли десе десин бизлер сондаймыз.
Досларға дуўайы сәлем жоллаймыз.
Қос қуўаныш бүгин, йошып турыппан.
Қара үй тигиўли, келиң тойлаймыз.
14 - декабрь. Нөкис.
