🍉🍉"چيلله گئجه سى"🍉🍉

اولدوزلار گرنه‌شیب، گونش باتاندا

آی بنیزلی قوجا، توستو ساتیردی

آیاق بارماق‌لاری جوراب‌دان چیخیب

قیشین شاختاسینا یومروق آتیردی

*

ساغ ألینده کؤمور، سولدا اوزرلیک

دونیانین گؤزونه دومان سالیردی

یاشیل چیراق‌لاری اوتاندیراندا

خئییر دوعا وئریب پارا آلیردی

*

دیره‌یین اوستونده یالقیز گؤیرچین

حیات یولداشی‌نی جانلاندیریردی

بياض بیر ماشین‌دا قارا بیر جوان

یوزلویو فرمانا دولانديریردی

***

فرمانین قاداسین قوجا گؤتوردو

تکرلر آلتیندا أزیلدی باشی

ألینده کی یازی قانا بویاندی

قارپیز، پخله، پشمک، اونودما کیشی.

سئور شهابی


@yenisaray
@adabiyatdunyasi
@dedekatib
@u4susqun
@AZBIRLIKHARAYI
@turkcediklemeler
@sen_varken