القمر الهاشمي
هجري
من طحت فوگ النهر ظهري ياخويه انكسر
خويه بوجودك اشوفن والدي فارس مظر
♡♡♡♡♡♡♡♡♡♡♡
خويه ياعبّاس انتـه نورگلبي اوناظري
ابيمنتك راية جهادي اوبيك هيبت عسكري
يبو فاضل ياعضيدي اوبالشدايد ناصري
بعد عينك يبوالغيره الشمريگطـع منحري
يعتلي صدري الشمر اونارگلبــــي تستعر
لورحت ياخويه عني آنـــه اوگع بالخطر
♡♡♡♡♡♡♡♡♡♡
ياعمود البيتي انته اوكافل اوحامي الحرم
ياكياني وفخرهاشم العسكري حامل علم
من يظل عبّاس بعدك الي يحرس والخيم
من يرد الجيش عني بعد ساعــه لوهجم
وآنه بعدك ياعضيد اظل بالحومـه وحيد
اليل تدري ايصيرالظلم من بعدنور الگمـر
♡♡♡♡♡♡♡♡♡♡
ياگمرعمري اليضوي اوبيك اشوفن للدرب
انته ياعبّاس انتـه صرت شـريان الگلب
والله موهين عليه يالأخـوافـراگك صعب
احس نيران المصيبــه بالچبد هيـه تشب
خويه ارحم غربتي صعبه بعدك حالتــي
اعليك ياخويــه اخافن عالشريعـه تنغدر
♡♡♡♡♡♡♡♡♡♡♡♡
خويه من بعدك اضيعن ابديرت الغربـه احير
تشمت العدوان بيه من اظل ابـلانصير
منهويجلي الكرب عنـي العسكراعليه يغير
للنهرمشبوحه عيني بيك ياخويـه استجير
ترضه ياراعي الفضل العسكـرالزينب تصل
خويه يالكلك حميه والبنـي هاشم فخر
♡♡♡♡♡♡♡♡♡♡♡♡
خويـه لاتبعد عليه افراگ مــااحمل بعد
افراك ابومحمد فجعني حيلي من عنده خمد
ونته ياشمعت وجودي احزام ظهــري والسند
سهم فرگاك الرماني يالاخو چبدي مرد
خويــه والله شوفتك هيه تروي عيلتك
لاتخلينــــــي الطريجك آنــه شابح للنظر
♡♡♡♡♡♡♡♡♡♡♡
خويه ماظل صبرعندي ابكربلــه عشت المرار
انتظرعبّاس جيتك صعب تدري الأنتظـار
نفذ صبري يبوفاضل من شفت عالباب نار
من هذاك الوكت خويـه اعليه هذا الدهرجار
ونته عني من تروح تلچم ابگلبــي جروح
وانته تعلم جرح گلبي من كسرضلع الطهر
♡♡♡♡♡♡♡♡♡
تمّت
الشاعر فالح العامري
قناة الشاعر فالح العامري
🔹لطمیات رجالیه🔹لطمیات نسائية🔹هـــــوســـات🔹ابـــــوذیـــات🔹نــــــــعـــــي🔹نــــــزلات
🔹للاستفسار اتصلوا بالشاعر فالح العامري
علی هذا ارقم 👇
00989133683181
غير مبري الذمة كل م̷ـــِْن يتلاعب في القصيدةاویغير اسم الش
https://t.me/falehalameri
