✔سَاَحَلَ نَجَرَابَيِ✔

د نن ورځې مسؤولو چارواکو ته دردمنه توصيه

ليکوال : م رضوان الله فيضاني

درنو او قدرمنو مسؤولينو !!!
دا چې نن ورځ تاسو ته د مؤمن، مظلوم او کړېدلي اولس د خدمت کولو دروند مسؤوليت درپه غاړه شو، نن چې تاسو د کونډو، بورو او يتيمانو د هېلو ځای وګرځېدئ، دا چې تاسو د مظلومانو د آه او فرياد د اورېدو پر منصب کېناستئ، نو فکر او احطياط به ډېر کوئ، تاسو اوس د الله ﷻ عظيم امتحان ته مخامخ شوئ، اوس مو خطرناکه مرحله شروع شوه، تاسو ايله اوس د حقيقي بريا او ناکامۍ حساس پړاو ته ورداخل شوئ، نو ګورئ چې په خپل سپېڅلي مسؤوليت کې غفلت او بې غوري و نه کړئ، خپل مسؤوليت مو په صحيح معنی درک کړئ او وپېژنئ، رب العالمينﷻ څلور وېشت ۲۴ ساعته ليدونکی او څارونکی وګڼئ، له هر قسم غدر او خيانت څخه په سمه توګه ځانونه وژغورئ.

دا د څو ورځو قدرت او چوکۍ مو دوکه نکړي، دا چپه او راسته باډيګارډان د‌رکې غرور پيدا نکړي، ضد ذرې موټر مو توکل او کلکې ارادې سستې نکړي، له ظلم څخه ځان وساتئ، د مظلومانو پر سر د شفقت لاس کيږدئ، د شـ.ـهيدانو يتيمانو ته د مينې او شفقت غېږه خلاصه کړئ، ظالمان له ګرېوانه راونيسئ، د کړيدلي او دردېدلي اولس زخمي زړونه ملهم او ټکور کړئ او ډېره مهمه خبره دا چې انډيواليزم، خپلوليزم او داسې نور څه و نه پالئ.

خدایﷻ مه کړه که مو په خپل مسؤوليت کې غفلت وکړ، د مظلومانو فرياد ته مو غوږ کېنښود، د يرغل او اشغال په مقابل کې د سرشيندلو شـ.ـهيدانو له ارمانونو سره مو لوبې پيل کړې، د يتيمانو پالنه مو و نکړه او زړونه مو ورته ازار کړل، حق مو حقدار ته و نه سپاره، انډيواليزم او خپلوليزم ته مو مخه کړه او ومو وپالل !!! ...
نو خبر اوسئ چې قهار او جبار خدایﷻ به د خپل قهر او غضب، ډېره خطرناکه څپېړه درکړي، آخرت خو مو لا پر ځای پرېږده، دنيا به مو هم ډېره ګډه وډه او خرابه شي، له لوی ذلت او رسوايۍ سره به مخامخ شئ، بيا به نو د افسوس او پښېمانتيا غبرګ لاسونه مروړئ خو وخت به تېر وي، د تېرو فاسدو نظامونو، د مفسدو حاکمانو او چارواکو خراب او ډېر بد انجام د ځان له پاره د عبرت سبق وګرځوئ.

ستاسو دې خبرې ته فکر دی او که نه ؟...
نن ورځ چې تاسو پر کومو چوکيو او منصبونو باندې ناست يئ، دا مو څه مفته نه دي ګټلي، دا څه په ميراث باندې درته نه دي رسېدلي او پاتې شوي، په دې باندې د زرګونو علماء کرامو، طـ.ـلباوو، حافظانو او عامو مسلمانانو وينې تويې شوې دي، د دغه سپېڅلي نظام د راتګ لپاره دوه لسيزې خلکو په سره اور کې تېرې کړي دي، د دغه نظام د حاکميت له پاره تنکيو فـ.ـدايانو خپلې غوښې او ګلرنګې ځوانۍ په اورونو کې کباب کړي دي، د دغه د نظام د بقاء له پاره د دشت ليلې او قلعه جنګي، سپېرې دښتې د شـ.ـهيدانو په وينو ورنګېدې او خړوبې شوې، ميندې يې د بيا راتلو او ليدو په انتظار ړندې شوې، د دغه نظام د حاکميت له پاره تنکيو ځوانانو خپلې تنکۍ ځوانۍ په زندانونو کې خاورې ايرې کړې، ښايسته او مبارکې تورې ګيرې يې د تورو پنجرو تر شا او هتکړيو کې سپينې شوې او داسې نور ...

نو ګورئ چې قدم بې ځايه کېنږدئ، ستاسو تر هر قدم لاندې د شـ.ـهيد وينه ده، د کونډې او يتيم آه دی، د مظلوم فرياد دی، د کړېدلې اولس هيله ده، خيال کوئ چې پايمال يې نه کړئ، رب العالمين په هره لحظه کې حاظر او ناظر وګڼئ.

مونږ به درته دعاګانې کوو چې، متعال ربﷻ مو نصرت او حفاظت وکړه، اللهﷻ دې د کما حقه مسؤوليت د ادا کولو توفيق درپه برخه کړي، څښتن تعالی مو په دغه ستر امتحان کې کامياب او بريالي کړه.

زه په خوله درنه شرميږم
ته په سترګو نه پوهيږې
دا به څـــنګه درته وايــم .
چې د زړه راباندي ګران يي
@sdfghhlm

. .......میلاد مبارک.........

إِنَّ اللّٰهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴿56﴾
ژباړه
بېشكه اللهﷻ او د هغه ملايكی په نبيﷺ باندی درود وايي۔، اى هغو كسانو چې ایمان مو راوړى دى! تاسو هم په نبيﷺ باندې درود او سلام وواياست


اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّیْتَ عَلَى إِبْرَاهِیمَ وَعَلَى آلِ إِبْرَاهِیمَ إِنَّكَ حَمِیدٌ مَجِید

اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِیمَ وَعَلَى آلِ إِبْرَاهِیمَ إِنَّكَ حَمِیدٌ مَجِیدٌ

ﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺﷺ

فداک ابی وامی یارسول اللـــــــــــــــــــــــــــه ﷺﷺﷺ
🤲🔰
#الــدعــاء