عرفان الله عرفاني

‏رسول الله ﷺ فرمایي:
که د اسمان او ځمکې ټول مخلوق د یو مومن په وینه تویولو کې سره شریک سي؛ الله تعالی به ټول جهنم ته وغورځوي.
(رواه الترمذي)

هر چا سره له ملګرتیا مخکې دې (۸) خبرو ته باید ډير زیات پام وکړئ!

۱ ـ هغه ملګري چې ستاسې په بريا خوشاليږي ښه ملګري دي، خو برعکس کله چې يو قدم پرمختګ کوئ او د دوی خوا بده وي، يا بخيلي کوي د خاصو ملګرو له لېست يې و باسئ.
ښه ملګری چې ستاسې بريا وينې مبارکي درکوي او لامو هڅوي، ستاسې د بريا لپاره جشن نيسي او له زړه نه خوشاليږي.
که غواړئ ښه او بد ملګري معلوم کړئ کله مو چې پرمختګ وکړ متوجه شئ چې کوم ملګری خوشالي ښکاره کوي او څوک ځان غلی نيسي. ښه ملګري تل مرسته کوي چې مخکې لاړ شئ اما بد ملګري مو د پرمختګ خنډ کيږي.
۲ ـ هغه ملګري چې په خوښۍ کې درباندې راټوليږي او په غم کې مو يوازې پريږدي ښه ملګري نه دي، خو هغوی چې په دواړو حالاتو کې لاس درکوي ښه ملګری دی.
هغوی چې د ستونزې په وخت کې ورکيږي او د خوشالۍ په مجلس کې مو په اول قطار کې ناست وي، جعلي ملګري دي، البته د يوه ښه ملګري تر ټولو غټه نښه هم داده چې په هر ډول شرايطو کې ستاسې خوا پرېنږدي او درسره مرسته وکړي.
۳ ـ د ښه ملګري يوه بله نښه دا ده چې درسره وي د راحت احساس ورسره کوئ، ځکه دی ستاسې په ډېرو هغو ځانګړنو پوهيږي چې نورو ته معلومې نه دي، ستاسې ذوق، شخصيتي ځانګړنې او مزاج ورته معلوم دی، نو داسې چلند کوي چې ستاسې وخت ښه تېر شي.
۴ ـ ښه ملګري مو ملاتړ کوي، ډاډ درکوي او هڅوي مو، دوی ستاسې په نفس باور زياتوي او د کارونو ستاينه مو کوي.
۵ ـ د ښو ملګرو بل راز دادی چې تل ريښتيا درته وايي.
۶ ـ له ښه ملګري سره مو که کومه ستونزه راغله غټوي يې نه، بلکې بښنه کوي او روابط يو دم نه پرې کوي. دغه ملګري پوهيږي چې نيت مو بد نه دی، که کوم تېروتنه کوئ درک کولی مو شي.
۷ ـ ښه مګلري خبرې نه درپسې کوي، بد رد نه درپسې وايي او له ښو صفتونو مو پرده پورته کوي.
هغوی چې منفاقت او شيطانت کوي بايد ژر يې و پېژنئ او اړيکي ورسره کم کړئ، دوی ستاسې د هيلو دښمن دي او ستاسې شخصيت ته احترام نه لري.
۸ ـ د ښو ملګرو يو بل خاصيت دا دی چې بخيلي نه کوي، که تاسې له بل کس سره هم غواړئ ملګرتيا وکړئ د ده لپاره ستونزه نشته، دی ستاسې سره اړيکې په آسانه نه قطع کوي.
ـ د ښه ملګري وروستۍ ځانګړنه داده چې ستاسې سره زښته زياتې خاطرې لري، خلاصې او طنزي خبرې مو سره کړې، خندلي مو دي، ټوکې مو کړې او له هغوی سره مو داسې وختونه تېر کړي چې ستاسې په حافظو کې ثبت دي
کاپي

د نوروز لمانځل حرام دي!

د نوروز مبارکي او د نوروز په مناسبت خوراکونه، هفت ميوې، لباسونه، ډالۍ ګانې، رخصتي کول، خپل ورځني کارونه ځنډول او ميلو ته تلل قطعاً حرام دي.
ځکه دا د مجوسيانو سره مشابهت دى او نوروز د مجوسیانو اختر دى.

په دې اړه تفصيلي بحث ابن تيمية رحمه الله په اقتضاء الصراط المستقيم اول جلد او (٢٢٧-٢٢٦- ٢٤٩ ٢٦٩) صفحو کې ليکلی دی.

د نوروز لمانځلو حرام والي دلايل:

١:-اللهﷻ د (الحشر) سورت په نولس (۱۹) نمبر آیت کې فرمايلي:
«وَلَا تَكُونُوا كَالَّذِينَ نَسُوا اللَّهَ فَأَنسٰهُمْ أَنفُسَهُمْ ۚ أُولٰٓئِكَ هُمُ الْفٰسِقُونَ»
ژباړه:
-او تاسې مه کيږئ په شان د هغو کسانو چې، اللهﷻ يې هېر کړى دى؛ نو اللهﷻ له دوۍ څخه ځانونه هېر کړي دي او دا کسان پوره نافرمانه دي. (يهودو، نصاراو او مجوسیانو اللهﷻ هېر کړی دی).

٢:-اللهﷻ فرمایي:
«وَالَّذِينَ لَا يَشْهَدُونَ الزُّورَ» (سُوۡرَةُ الفُرقان:۷۲ آية)

تفسير ابن کثير ٣ جلد ٤٥٢، تفسېر قرطبى ١٣جز٦٢ص، مجموع الفتاوي٢٥جز١٤٧ صفحه کې د ابن عباس، مجاهد ربيع بن انس، ضحاک"رض" مفسرينو څخه نقل کړي دي چې، معنا ددې آيت دا ده چې، مؤمنان دې د مشرکانو اخترونو او ميلو ته نه حاضريږي او په هغې کې دې برخه نه اخلي.

٣:-رسول اللهﷺ فرمایلي:
-مَنْ تَشَبَّهَ بِقَوْمٍ فَهُوَ مِنْهُم. (رواه أبو داود)
ژباړه:
-چا چې مشابهت وکړ له يو قوم سره؛ نو هغه له هغوۍ څخه دى.
ابن تيمية رحمه الله په (اقتضاء الصراط المستقيم ١-٢٣١ص) او (فتاوي الجنة ادائمة ٣-٤٢٩) کې ليکلې چې، مشابهت په عبادتونو، عادتونو او اخترونو کې هم راځي؛ نو ځکه د نوروز جشن لمانځل د مجوسيانو سره شباهت دى.

۴:-همدا رنګه په بل حدیث شریف کې رسول اللهﷺ فرمایلي دي:
-لَيْسَ مِنَّا مَنْ تَشَبَّهَ بِغَيْرِنَا، لَا تَشَبَّهُوا بِاليَهُودِ وَلَا بِالنَّصَارَى» (سنن ترمذي: ۲۶۹۵)
ژباړه:
-له مونږ څخه نه دی، هغه څوک چې، ځان د غیر سره (چې کافران دي) مشابه کوي، د یهودو او نصاراوو سره مشابهت مکوئ.
په پورتني حدیث کې رسول اللهﷺ د یهودو او نصاراوو سره له مشابهت کولو څخه ممانعت کړی دی او بیا یې د هغو خلکو په اړه چې، ځان له دوۍ سره مشابه کوي فرمایلي دي:
-دوۍ زمونږ له ډلې څخه نه دي.

۵:-سنن الکبري کې ١٤ج ١١٣ص او ٧٦-١٩٣٧٧ نمبر روايت کړي دی چې، هر هغه شخص چې، ژوند يې غوره کړى وو، د مشرکانو په وطن کې او د دوۍ نوروز او مهرجان

غـــزل
ـــــــــــــــ

ځواب راسره نشته ، او سوالونه کوي خلک
زه ويښ يم زما سترګو کې خوبونه کوي خلک

راځـئ! چې په تنديـو نوشتـه کـړو کليمــه
په مونـږه د کافـرو ګومانونــه کوي خلک

د خداى نه جنتونه په شهيدو سجدو غواړي
زموږ په وينــو اوښكـو اودسـونه کوي خلك

کچه کچه کورونه هم کنډر کنډر کنډر کړي
ددې خښتو نه ځان ته محلـونه کوي خلك

خبر نه دي غوږونه مې بند کړي دي په ګوتو
باقره! ماته ولې آوازونه کوي خلك ؟؟؟؟
#باقر

شهيد طالب جان

سپين امام مو په خطاب باندې شهيد شو
طالب جان مو په كتاب باندې شهيد شو

د غزا اس يې لا نه وه سم زين كړى
مجاهد مو په ركاب باندې شهيد شو

د ټپو پر ځاى اوس ساندې دورخو وايې
آدم خان مو په رباب باندې شهيد شو

تور توفان زمونږ پر كلي راګډ شوى
خوار ملت مو سرۀ سېلاب باندې شهيد شو

ګلستان مو د خزان سېلۍ وهلى
اخ بلبل مو په ګلاب باندې شهيد شو

(عرفاني) ځكه د غم ټال كې ځنګېږم
ستر ارمان مو انقلاب باندې شهيد شو

څوک چې د وخت نه مخکې د لوی شخصیت جوړېدلو شوق لري هغه ذلیل کیږي.

امام ابو حنیفه رح

د حمص والي خلیفة المسلمین عمر بن عبد العزیز ته یو لیک ولېږه، چې له ښاره حفاظتي دیوال تاووم، نو مالي کومک ته اړتیا ده.
عمر بن عبد العزیز رحمه الله ورته ولیکل:
د ښار ساتنه په عدل سره وکړه، اطراف یې له ظلم څخه پاک کړه، بس دغه له هرې بلا نه د ښار ساتني غوره موانع دي.

‏نور یې پر ما جــــدایي نه لوریګي
اوس د جانان راباندې زړۀ خوګېږي
عرفاني

‏ګل مې د زړه شـو پاڼې پاڼې
شوې مې خزان د خیال مماڼې
ماتې دي څانګې د بـــــکیاڼې
څه شـوې زمــوږ د کلي زاڼې
د (عرفاني) پر ذهن پرې وتل ګردونه

‏تل ریښتیا وایه! چې خلک مو بې غیر له قسمه په خبرو باور وکړي.