Jawad_Wardak

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


له ډېر وخت څخه په دې فکر کې يم چې له يوې داسې تېروتنې مو خبر کړم، چې هغه نن سبا په ټولنيزو رسنيو کې عام شوې ده، له عوامو څخه بيخي ډيره تکراريږي، خو ځينې خواص يې هم کله کله مرتکب شي.
ښايي له دې مخکې هم چا اشاره ورته کړې وي، خو دا دومره ستره تېروتنه ده، چې بايد هر ليکوال يې په اړه خلک خبر کړي او خپل مسلمان وروڼه ترې وويروي، ترڅو هغوی ځانونو ترې وژغورې.
د اسلام دښمنان ډير مکار، چلبازه او فريبګر دي، هغوی په ټولنيزو رسنيو کې په ډول ډول نومونو پاڼې جوړې کړي دي، په هغه پاڼو کې په ډېر زيات مکر او فريب په لاندې ډولونو نشريات کوي.
۱) د سوځول شوي قرانکريم عکس يې نشر کړی وي، چې د يو ملعون په لاس کې وي.
۲) د قرانکريم عکس يې په داسې شان سره پورته کړی وي، چې يو ملعون پرې پښه ايښې وي.
۳) پر يوه ټوکره کلمه مبارکه ليکل شوې وې، بيا يوې ملعونې ښځې له ځانه تاو کړې وي.
او داسې نور ډير عکسونه پورته کوي چې د اسلام سپکاوي په کې شوي وي دې ټولو ته يې بيا ليکلې وي، چې لعنت پر وواياست او شئير يې کړئ، چې په دې سره د پاڼو چلوونکی خپله د اسلام سره د خواخوږۍ په څېر څرګندوي، خو په دې سره دوی يو ډير لوی مکر او فريب پر کار اچولی وي.



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


#حـکایـت

زه الله وساتلم «له پنده ډکه کیسه»

مفتي محمد تقي عثماني حفظه الله وایي:
"شیخ عبدالقادر رحمه الله یوه شپه د تهجد لمونځ کاوه، کله چي یې د تهجد لمونځ خلاص کړ. ویې لیدل چي د مسجد محراب نړېدلی/درز کړیدی او له آسمان څخه یو نور ورسره نښتی دی.

لحظه وروسته یې له لوړ لوري څخه یو ږغ واورېدی چي ویل یې: ای شیخه!
نور لمونځ بس دی ته داسي مقام ته رسېدلی یې چي نور لمانځه ته اړتیا نه لرې ځان مه په تکلیف کوه.

شیخ رحمه الله مخ ور وګرځوی ویل: د الله پیغمبر له هغه ستر مقام او شان سره چي لری یې خو بیا هم لمونځ نه ؤ ورته معاف شوی.
نو زه څنکه له لمانځه څخه معاف یم؟!
شیخ پوه شوی ؤ چي دا شیطان دی او غواړي ده ته دوکه ورکړي ترڅو عبادت پرېږدي.

شیخ بیا ناڅاپي ږغ واورېدی ویل: دا ستا علم ؤ چي ځان دي راڅخه خلاص کړ. شیخ پوه شو چي شیطان غواړي اوس مي په خپل علم مغروره او دوکه کړي.
نو ویې ویل: پر تا دي د الله لعنت وي!
ماته زما علم نجات نه دی راکړی بلکه زه الله ستا له چل او دوکې څخه وساتلم.''



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚

سوال: ایا د ماشومې نجلۍ سر خریل جائز دي؟
ځواب: عبدالغفار جُبیر
د عقیقې څخه علاوه تر (۷) کلونو پوري ګنجایش سته چي سر یې و خریل سي، له (۷) کلونو څخه وروسته که کوم طبی عذر نه وي د نجلۍ سر نه خریل کیږي، د فیشن لپاره یې هم باید وېښتیان و نه خریل سي، که چیري وېښتیان دومري اوږده سي چي پر مځکه ورسره پراته وي بیا کولای سئ چي څه یې لنډ کړئ.




ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚

#حـکایـت

یو نفر ماسخوتن داسې مهال خپل کور ته ننوت چې بچیان یې ویده و له ښځې یې وپوښتل: ماشومانو لمونځ وکړ ؟
ښځي یې وویل نه، له لوږې سخت وچیغېدل، اوس همداسې نهر ویده شول.

خاوند: زر یې پاڅـوه چې لمونځ وکړي.
ښځه: که یې پاڅـوم بیا به ډوډۍ وغواړي، همداسې ویده به یې پرېږدو.

مېړه: رزق یې د خدای جلجلاله په ذمه دی، او د لمونځ په کولو یې زه پرې مامور کړی یم،

{وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَّحْنُ نَرْزُقُكَ ۗ وَالْعَاقِبَةُ لِلتَّقْوَىٰ (132)}. الایة

کله چې ماشومانو لمونځ وکړ، دروازه وټکېده
د ښار یو مشهور تجار دروازه کې له مزدورانو سره ولاړ دی، او له خوړو ډک پتنوسونه یې لاسونو کې نیولي دي.
سړي په حیرانتیا وپوښتل: دا دومره منظم خواړه مو مونږ ته په کومه خوشحالۍ کې راوړي دي ؟
تجار: د تجارت شریکانو ته مې ډوډۍ کړې وه، تر خوړو مخکې مو جنجال وکړ،
هغوی بې له خوراک خوړلو پورته شوه، ما هم ژمنه وکړه چې خپله یې هم نخورو،
هغې کورنۍ ته به یې ورکړم چې د دروازې خوا کي یې څوک راسره مخ شو.
زه قسم کوم چې دلته یو څوک ولاړ و، زما قدمونه هم همدلته بند پاتې شوه خو اوس هغه هم نشته دی.




ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


دا کار ولي وکړم؟

(لنډه عبرتناکه کیسه)

دوه ملګري د ماهیانو د ښکارولو لپاره ولاړل، یوه ملګري یې یو لوی ماهی ښکار کړ او په خپله کڅوړه کي يې واچوئ او ولاړ سو تر څو د کور پر لوري روان سي، خو دوهم ملګري پوښتنه ورڅه وکړل:
چيری ځې؟!
ملګري يې جواب ورکړ:
ما یو لوی ماهی ښکار چي زما ښه بسنه کوي.
دوهم ملګري يې ورته وویل:
څه ګړی صبر وکړه، تر څو زما په څير نور غټ ماهیان هم ښکار کړې.
ملګري يې ورته وویل:
دا کار ولي وکړم؟!
دوهم ملګري ورته وویل:
که ته زیات ماهیان ښکار کړې نو ته به هغه خرڅ کړې.
ملګري يې ورته وویل:
دا کار ولي وکړم؟!
هغه ورته وویل:
تر څو زیات مال ترلاسه کړې.
ملګري يې ورته وویل:
نو دا کار بیا ولي وکړم؟!
هغه ورته وویل:
نو بیا ته کولای سې چي هغه زیات مال ذخیره کړې او ستا بانکي حساب زیات سي.
ملګري يې ورته وویل:
دا کار بیا ولي وکړم؟!
تر څو ته شتمن سې.
ملګري يې ورته وویل:
په شتمنۍ زه څه وکړم؟!
دوهم ملګري يې ورته وویل:
کله چي ته ضعیف او زوړ سې نو یوه ورځ کولای سې چي د خپلي مېرمني او اولادونو سره ښه وخت تېر کړې.
هوښیار ملګري يې ورته وویل:
همدا هغه څه دي چي زه يې اوس کوم، زه نه غواړم چي دا نېکمرغي او خوشحالي وځنډوم او په دې لټه کي خپل عمر ضائع کړم.
°•┈┈┈•✵•✿•✵•┈┈┈•°
حکمت:
د پورتني کیسې څخه دا خبره څرګندېږي، چي په تېر پسي خپل فکر مه ځغلوه او مه هم د راتلونکي ژوند لپاره ځان په غم کي اچوه، بلکي اوس چي څه درسره دي هغه غنیمت وګڼه او استفاده ورڅخه وکړه؛ ځکه د دنیا ژوند داسي دئ چي هیڅوک په امن نه پاتېږي، بلکی تلپاتي ذات یوازی لوی څښتن دئ چي موږ او تاسو يې بندګي کوو.



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


پتمنو_خویندو
ـــــــــــــــــــــــــــــــــــ
حجاب الهي فريضه ده.
او په حجاب کي اوسيدل د آبرومندانه او وياړلي ژوند يوازني لار او بهترين انتخاب دي
ـــــــــــــــــــــــــــــــــــ
حجاب د اللهﷻ د دين د شعايرو څخه دی چي نور موږ په هغه پيژني، نبايد داسي کار وکړو چي د هغه پاکي او عزت تر سوال لاندي راسي.
ـــــــــــــــــــــــــــــــــــ
شرعي حجاب ستا د فطرت د ښايست نښانه ده
هغه فطرت چي د اللهﷻ خوښ دي او ستا لپاره يې خوښوي
ـــــــــــــــــــــــــــــــــــ
او په هغه څه چي اللهﷻ ستا لپاره راضي دی او راضي کيږې ترڅو په ککړتيا او فساد چي د مسلماني ښځي دښمنان يې غوښتونکي دي تسلط پيدا کړي.
ـــــــــــــــــــــــــــــــــــ
نو له شرعي حجاب څخه تيښته په دې ښايست کي د کمښت څرګندوی ده.پخپل حجاب چي اللهﷻ ستا لپاره خوښ کړئ وياړ ولره.
ــــــــــــــــــــــــــــــــــــــ
په ستر او حجاب کې فرق
عورت ستر (پټول) په نر او ښځې دواړو باندې فرض دې
ــــــــــــــــــــــــــــــــــــ
  نارینه
بدن ستر له نامه (نوو) څخه تر زنګنونو پورې دی
یعنې نر به دخپل بدن دا برخه د هیچا په مخ کې هم نه بربنډوی او د جسم یا
بدن له نوم



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


دچغلګرۍ اړونده  عبرتناکه قصه

داچې چغلګري ډېره ستره ګناه ده او په دنيا کې هم ډېرې بدې پايلې لري ددنياوي تاوان دبيلګې دسپيانوي اړوند مې يوه قصه په ذهن کې راغله غواړم چې تاسو  ته يې بيان کړم .

يوه ورځ يو سړي خپل مريی(غلام) بازار ته راوسته ددې لپاره چې خرڅ يې کړي نو غږ يې وکړ، چې دا مريی خرڅوم ډېر ښه مريى دی خو يوازې يو عيب لري هغه داچې چغلګر دی.

يوه سړي دده خبرې واورېدې دخپل ځان سره يې فکر وکړ، چې دا دومره عيب نه دی راشه دا مريى واخله نو ورغی هغه مريى يې ځنې واخست دځان سره يې خپل کور ته بوتلو ، مريي دنوي مالک سره کار شروع کړ، څه وخت يې خورا ښه کار او ښه خدمت وکړ، دڅه وخت په تېرېدو سره يې بېرته هغه خپل عادت پيل کړ،  لومړى ورغى دخپل مالک مېرمنې ته يې وويل:
ستا مېړه دبلې ښځې سره اړيکې لري غواړي چې ډېر ژر دهغې سره واده وکړي او تا ايله کړي زه تاته داخبرې ددوستۍ په موخه کوم زما خبرې د ستاسره خوندي وي چاته يې بيان مه کوه.

ښځې چې دمريي خبرې واورېدې ډېره نا ارامه او خوابدې شوه دڅه وخت په تېرېدو سره مريى دخپل مالک ښځې ته وويل چې زه تاته يوه نسخه درښيم دا کار وکړه  انشاء الله ستا مېړه به دبلې ښځې مينه پرېږدي ستاسره به بېرته مينه پيل کړي ، ښځې ورته وويل چې دا خو ښه خبره ده ونيسه راته وې ښيه ، مريي ورته وويل : کله چې د دشپې مېړه بيده شي نو يو چاقو راواخله دږيرې وېښتان يې يو څه پرېکړه او دځان سره يې وساته بس دا کار وکړه دخاوند به د دنورو ښځو سره مينه پرې شي يوازې به ستا سره مينه کوي ښځې ورسره خوښه کړه چې دا خو بيخي اسانه کار دی دا کار خو بيخي په اسانۍ سره کولاى شم.

مريي چې دخپل مالک ښځې ته داخبره وکړه دستي راغى خپل مالک ته يې وويل  : اې باداره! ستا مېرمن دنورو نارينوو سره ناروا اړيکې لري اوس غواړي چي ډېر ژر پر تا باندي مرګونې حمله وکړي تا ووژني او خپلې اړيکې دهغو سره نورې پياوړې کړي ، مريي زياته کړه چې زه ستا دخواخوږۍ په  موخه داخبرې کوم ، زما خبرې رښتيا دي هيڅ درواغ پکې نشته که ته زما خبرې نه منې نو ته نن ماښام ځان پر خوب واچوه ، مه بيديږه يوازې په ښکاره ځان بيده وښيه ، ته به وويني چې ستا مېرمن به پر تا چاقو راواخلي ، اوبل کار دا وکړه چي زما حال پټ وساته چاته مه وايه چې داخبره ده راته ويلې ده په خپلو سترګو يې ووينه، دمريي مالک چې خبرې واورېدې سخت خوابدى شو کله چې ماښام شو ځان یې په ښکاره پر خوب واچاوه سترګې يې پټې کړې ، مېرمنې يې لږ ساعت انتظار ورته وکړ، کله چې يې يقين شو چې مېړه مې بيده دی نو ولاړه شوه چاقو يې راواخيست ، مېړه چې يې دسترګو تر کونجانو ورته وکتل دماينې يې چاقو په لاس کې دی ژر ور ولاړ شو تر مټ يې ټينګه کړه او ورته وې ويل: ته غواړې چې ماووژنې؟ نورې خبرې يې ونکړې دستي یې چاقو ځنې واخيست مخکې تردې چې ماينه يې يو څه ووايي په هغه چاقو يې خپله ماينه مړه کړه ، دده دماينې قريبان چې خبر شول هغو هم راوځغستل بې پوښتنې يې پر ده  باندې حمله وکړه دى یې وواژه ، لنډه داچې دواړو کورنيو  يو پر بل باندې حملې پيل کړې او ترمنځ يې لويه جګړه وموښته. دا ديوه  مريي دچغلګرۍ هغه بده پايله وه چې په دنيا کې يې خلکوته ورسول همدا وجه ده چې چغلګري کول ستره ګناه ده هر مسلمان بايد په کلکه ځان ځني وساتي.

مأخذ: شپږګناه ګارې ښځې



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


*ډاکټر صاحبانو ته!!!*
*هغه مقدسه دنده چي نن سوداګريزه سوېده:*
ـــــــــــ
پدې باندي ټوله پوهيږو چي د انسان ژغورل څومره ستر خدمت دی! او څومره الله پاک ته خوښ دی! آن تردې چي الله پاک د يوه انسان ژغورنه د ټولو انسانانو د ژغورلو معادل ګرځولېده او فرمايي: وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا.يعني څوک چي يو نفس ژوندی کړي داسي مثال لري لکه ده چي ټوله خلګ ژوندي کړيوي.
مفسرينو ليکلي دي: دلته د نفس ژوندي کول عام دی که په عفوه سره د وژلوڅخه وساتل سي، که په اوبو کي د غرقېدلو څخه وساتل سي، که په اورباندي د سوځيدلو څخه وساتل سي او که د نورو اسبابو څخه د هلاکت وساتل سي د ټولو لپاره همدغه حکم دی چي د يوه انسان ژغورل معادل دي د ټولو انسانانو د ژغورلو سره او هدف ددې مقايسې څخه د انساني ژوند د اهميت ښکاره کول دي چي هر څوک يې بايد په اړه خپل کوښښ وکړي.
چي د انسانانو په ژغورونکو کي ډاکټران هم داخل دي ځکه دوی هم د درملني له لاري د ناروغانو ژوند ژغوري او د الله پاک په مرسته د انسانانو وژونکي ناروغۍ معالجه کوي خوله بده مرغه چي اوس د ډاکټرۍ او طبابت څخه هم د تجارت يوه لاره جوړه سوېده، ددې پر ځای چي دغه مقدسه دنده دي د إنسانانو د ژغورني لپاره وکارول سي د پيسو د پيدا کولو او ډېرولو لپاره کاريږي.
ډيری کسان چي د دوولسم څخه د فراغت وروسته د طب پوهنځی انتخابوي د لومړي سره څخه يې باعث دا وي چي ددې لاري څخه ډېري پيسې لاسته راځي، نو ځکه يې موږ وينو چي کله د طب پوهنځي څخه فارغ سي او د ډاکټر په صفت خپل دنده پيل کړي ډېره توجه يې د پيسو پيدا کولو ته وي نو ځکه ډېری ډاکټران د لاندي خطاګانو مرتکب کيږي:
۱ – ده په يوه برخه کي زدکړي کړيوي خو د خلګو د خطاايستلو لپاره پر خپله نسخه او تابلو باندي ځان د ډېرو ناروغيو معالج او يا متخصص معرفي کوي.
۲ – د خلګو څخه تر ضرورت اضافه فيس اخلي.
۳ – بېله دې چي معايناتو ته اړتيا وي ناروغان معايناتو ته استوي چي ځيني ډاکټران د لابراتوار سره شريکان هم دي.
۴ – بېله دې چي د ناروغ د ناروغۍ تشخيص وسي ناروغ ته د مياشتو مياشتو درمل ورکوي.
۵ – د درملو د شرکتونو سره د فيصدۍ په حساب تړون کوي او کوښښ کوي چي ډېره دوا وباسي تر څو فيصدي ډېره ترلاسه کړي او ډېري پيسې وګټي.
۶ – ناروغ ته سمه مشوره نه ورکوي بلکي ناروغ د ځان ګيراک او مشتري جوړوي چي تل ورته مراجعه وکړي فيس ځيني واخلي او خپله دوا ورباندي وپلوري.
۷ – بې کيفيته دواګاني ناروغانو ته ورکوي ددې پر ځای چي ناروغ ته ګټه وکړي ناروغ ته تاوان کوي او د درملو معتاد يې جوړوي.
۸ – نسخه داسي ليکي چي تنها هغه دده درملتون والا يې ويلای سي نور درملتونونه يې نسي ويلای دا ځکه چي ناروغ مجبور سي تر څو دده د درملتون څخه دوا رانيسي.
۹ – هغه ناروغان چي جراحۍ ته اړتيا نلري دوی يې جراحي کوي.
۱۰ – پدې خاطر چي دده ټول ذهنيت د پيسو راټولو ته متوجه وي نو د مراجعينو حالت په نظر کي نه نيسي او تر چسپېدو پوري کوښښ کوي پيسې ځيني واخلي.
۱۱ – ددې پرځای چي يو ناروغ ښه معاينه کړي کوښښ کوي چي ډېر ناروغان معاينه کړي تر څو ډېر فيس يې لاسته ورسي.
يادونه: دا خبري په ډېرو ډاکټرانو کي سته خو البته موږ داسي ډاکټران هم لرو چي ريښتيني مسلمانان دي او خپلو مسلمانانو ته خدمت کوي ولي ډېر لږ او د ګوتو په شمېر.
الله پاک دي زموږ ټوله ډاکټران د ولس لپاره مصدر د خدمت وګرځوي.



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


موږ يو وار تېر جهاد کړي اوس يې تاسې وکړئ زموږ نوبت تېردي

جواب: څوک چې داخبره کوي هغوي اصلا د جهاد په حقيقت او فرضيت ندي خبر او هغه داچې جهاد دايمي حکم دي نه موقتي الله جل جلاله فرمايي د کفارو سره تر هغه وجنګيږئ چې د اسلام واکمنۍ ته سر ټيټ او مسلمانانو ته جزيه ورکړي (( قاتلو الذين لايؤمنون باالله ولابا اليوم الاخر...... حتي يعطوا الجزية عن يد وهم صاغرون ))( )
ژباړه: د هغه خلکو سره وجنګيږئ چې په الله جل جلاله او دقيامت په ورځ ... ايمان نلري تر هغه چې له خپلو لاسونو د ذلت په حال کې جزيه ورکړي .
دا هغه حالت دي چې جهاد فرض کفايي وي مسلمانان به له کفارو سره جنګيږي )) اوس خو لاجهاد فرض عين دي ( کفارو په مسلمانانو باندې يرغل کړيدي ) هيچاته پکې عذر نشته .
۱ــ دليل :الله جل جلاله فرمايي ((انْفِرُواْ خِفَافًا وَثِقَالاً وَجَاهِدُواْ بِأَمْوَالِكُمْ وَأَنفُسِكُمْ فِي سَبِيلِ اللّهِ)).( )
ژباړه: له کورنو ووځئ ټول نر اوښځي. ځوانان او بوډاګان، د وسلو سره اوبې وسلې .... په خپلو مالونو او نفسونو د الله جل جلاله په لاره کې جهاد وکړئ .
خلاصه: کله چې جهاد فرض عين وي بيا بهانې او عذرونه نه قبليږي ټول به جهاد ته وځي نوبت نلري چې څوک يې يو وار وکړي دوهم ځل معاف دي اونه دا عذر قبليږي چې موږ بوډاګان يو له جهاد څخه معاف يو بلکه ټول مسلمانان به د خپل توان مطابق په جهاد کې برخه اخلي فرض عين جهاد د لمانځه پشان دي په هر مسلمان باندې جدا جدا فرض دي او که نوبت وي نو په لمانځه کې به هم وي يووار موکړي بيا به يې نکوو نوبت مو تېر کړي نور لمونځونه به راتلونکي نسل کوي اوهمدارنګه روژه،زکات هم دي هغه به هم پرېږدو چې نور يې وکړي .
۲ــ دليل : رسول الله صلي الله عليه وسلم فرمايي (( واذا استنفرتم فانفروا))( )
کله چې د جهاد لپاره دوتلو اعلان درته وشي ټول ووځئ (( دا عام اعلان دي که نر وي اوکه ښځې، زاړه وي که ځوانان، اصيل وي که مريونه ټولو ته که يې نوبت تېر دي او کنه دا خطاب ورته متوجه دي جهاد ته به وځي نو څنګه يو څوک د اسلام دعوا کوي او بيا د الله جل جلاله او رسول الله صلي الله عليه وسلم په امر کې کې تبعيض کوي لمونځ او روژه کوي جهاد نکوي هغه د يو عالم خبره عجيبه کاردي روژه او جهاد دواړه په (( کُتِبَ )) سره فرض کړي شويدي لکه (( کتب عليکم الصيام )) او(( کتب عليکم القتال )) په روژه کې مو کُتِبَ ښه کار کوي روژه نيسئ په جهاد کې مو کُتِبَ کار نکوي بلکه جهاد دايمان برخه ده پرېښودونکې يې دلويې ګناه مرتکب او منکر يې کافردي .
---------------------------------
( ) سورة التوبة اية 29.
( ) سورة التوبة آیة ۴۱.
( ) صحيح. البخاري، برقم ۱۸۳۴



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


سلطان صلاح الدین ایوبي رح ته خپل یوه خبر راوړونکي خبر ورکړ، چې په پلاني ځاي کې یو دیني عالم، چې ډېر فصیح او بلیع دی او زیات خلک یې پرځان راټول کړي دي،خلکو ته په ډېره نرمه او پسته ژبه وعظ کوي او له جهاد یې راگرځوي.
سلطان خبر راوړونکي ته وویل، چې هغه څه ډول خبرې کوي? خبر راوړوونکي ورته وویل، چې هغه وایي، له خپل نفس سره مبارزه تر ټولو افضل جهاد دی، اولادونو ته د زده کړو برابرول غوره جهاد دی، د خپلې کورنۍ لپاره دنفقې موندل جهاد دی او...
سلطان ورته وویل، چې داخو ښې خبرې دي، په دې کې خو کوم شک او شبهه نه شته.
خبر راوړونکي ورته وویل، چې په دې خبرو کې خو کوم شک نه شته، اما هغه وایي، چې له جگړو څه په لاس درځي?! یوازې دخلکو وژل، د مړو جسدونو امبارونه او وحشت یې پایله ده.
سلطان ددې خبرو په اورېدلو ټکان وخوړ او سمدلاسه دهغه عالم په موندلو پسې روان شو، عالم یې ومونده او پوښتنه یې ترې وکړه، چې بیت المقدس څه ډول له جګړې پرته ازادیږي او مظلوم مسلمانان دکفارو له شره خلاصیږي?
عالم ورته وویل، چې په دوعاگانو!
ددې خبرې په اورېدلو د سلطان مخ له غوسې سور واووښت او پوه شو، چې دا عالم دټول صلیبي فوځ هم خطرناک دی.
سلطان په خپل خنجر دهغه گوتې پرې کړې، چې په دې سره هغه ډېرې چیغې ووهلې.
سلطان ورته وویل، چې خپل اصلیت راوښیه، ګني سر دې هم پرې کوم.
مالومه شوه، چې دا سپین ږیری عالم یو یهودي وو.
له دې حکایت مالومېږي، چې حق دتورې په زور اخېستل کیږي، په سوال، زاریو او دوعاگانو چاته حق نه ورکول کیږي.
دیدن د سر په بدله دی
چی سر ساتی خاورې به وکړی دیدنونه



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚

تر کوچني اختر وروسته (۶) مهمي؛ او ګټمني روژې

تر_کوچني_اختر_وروسته_د_روژو_اړونده_څو_نکتې:

۱: تر کوچني اختر وروسته د شپږو روژو اړونده د رسول الله صلی الله علیه وسلم څخه د لویو ګټو وعده ثابته ده.
رسول الله صلی الله علیه وسلم فرمايي:*
که چا د رمضان د میاشتي روژه ونیول بیا یې ورپسې د کوچني اختر د میاشتي شپږ نوري روژې ونیولې ثواب یې دومره زیات دئ لکه ټول عمر چي روژه ونیسي. (رواه مسلم)
۲: د کوچني اختر لومړۍ ورځ روژه نیول جایز نه دي خو دوهمه ورځ یې دستي نیولای سي, او په لوی اختر بیا د لومړۍ ورځي تر څنګ درې ورځي نور هم روژه نیول نه دي جایز یعني د لوی اختر لومړی ، دوهمه ، درېیمه او څلورمه ورځ روژه نیول نه دي جایز.(حاشيه طحطاوي علي مراقي الفلاح:۱\۶۴۰)
۳: دغه شپږ ورځي به کله نیسي؟ په اړه یې علماء فرمايي: دغه روژه به د شوال (کوچني اختر) په میاشت کي نیسي خو دا لا زمي نه ده چي خامخا به یې د اختر تر ورځي وروسته متصل نیسي، که یې څو ورځي بعد ونیسي هم دغه فضیلت لاسته راوړلای سي.(هندیه:۱\۲۰۱)
۴: یادي سوي شپږ روژې که څوک پر لپسې ونیسي جایز دي البته که یې جلا جلا ونیسي هم دغه ثواب لاسته راوړلای سي بلکي افضله خبره هم داده ، چي ددغي میاشتي په هره لسیزه کي دوې ، دوې روژې ونیول سي. (هندیه:۱\۲۰۱)
۵: که څوک د ټول عمر روژو ثواب غواړي نو لازمي ده ، چي دغه شپږ ورځي روژې په شوال (کوچني اختر) میاشت کي نيسي که یې تر دغه میاشتي وروسته ونیولې ثواب خو به وګټي البته کوم ثواب ، چي رسول الله صلی الله علیه وسلم یاد کړی دئ، هغه ثواب به نه وي ځکه رسول الله صلی الله علیه وسلم د همدې میاشتي تعین کړی دئ.
۶: لطفا! د نورو ملګرو سره داخبري شریکي کړئ، ممکن په هغوی کي څوک روژې ونیسي بیا به ستاسو ثواب ضرور پکښي وي ، ان شاء الله.
ستاسو ورور:
مولوي عبدالهادي حماد ۲ \ شوال ۱۴۴۱ ه ق




ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚

دشوال دمیاشتي شپږ (٦) روژې

دنوروسنتواومستحبوروژودفضیلت ترڅنګ په مبارکواحادیثوکي دشوال دمیاشتي دشپږو(٦) روژونیولودفضیلت په اړه هم احادیث ذکر سوي دي چي په لنډه توګه به یې درته بیان کړو:

دشوال دمیاشتي دشپږوروژو نيولو فضيلت:
(١) عَنْ ثَوْبَانَ مَوْلَى رَسُولِ اللَّهِ صَلَّى اللَّهُ عَلَيْهِ وَسَلَّمَ، عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ أَنَّهُ قَالَ : " مَنْ صَامَ سِتَّةَ أَيَّامٍ بَعْدَ الْفِطْرِ كَانَ تَمَامَ السَّنَةِ، { مَنْ جَاءَ بِالْحَسَنَةِ فَلَهُ عَشْرُ أَمْثَالِهَا } ".(رواه ابن ماجه)
ژباړه: د حضرت ثوبان"رضي الله عنه"څخه روایت دئ،چي رسول الله"صلی الله علیه وسلم"وفرمایل:چاچي دکوچني اختر د ورځي وروسته شپږ روژې ونیولې، نو دټول کال دروژې نیولوپه څېردي،(ځکه الله عزوجل فرمايي) چاچي یوه نیکي وکړه،الله سبحانه وتعالی به یې په بدل کي لس نیکۍ ورکړي.
يو کال تقریباً (۳۶۰)ورځي دئ،دیرش ورځي درمضان دمیاشتي روژه ده چي په لس کي ضرب سي(۳۰۰)کیږي،اوشپږروژې دشوال دمیاشتي دي،چي په لس کي ضرب سي(۶۰)کیږي،ټول (۳۶۰)سوې،نودشوال دمیاشتي روژې نیول ددې سبب ګرځي چي دټول کال دروژې نیولوثواب لاسته راوړئ.
(٢) عَنْ أَبِي أَيُّوبَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَنْ صَامَ رَمَضَانَ ثُمَّ أَتْبَعَهُ بِسِتٍّ مِنْ شَوَّالٍ كَانَ كَصَوْمِ الدَّهْرِ ".(رواه ابن ماجه،وابوداود،ومسلم،والترمذي وقال الترمذي:هذاحدیث حسن صحیح).
ژباړه:د ابوایّوب انصاري"رضي الله عنه"څخه روايت دئ چي رسول الله"صلی الله علیه وسلم"وفرمايل:چاچي دروژې دمیاشتي روژه ونیول،ورپسې یې دشوال دمیاشتي شپږروژې ونیولې،نوټول عمردروژېنیولوپه څیردي.
داچي څه ډول دټول عمردروژونیولوپه څېردي،مخکي یې بیان تېرسو.

مسئله:دکوچني اختردلومړی ورځي څخه وروسته بیادمیاشتي تراخیره پوري اختیاردئ،که يې دمیاشتي په سرکي نیسي،اوکه یې په منځ اویاهم دمیاشتي په وروستۍ برخه کي نیسي،پرله پسې اوکه یې بېلي بېلي نیسي. (موسوعة فتح الملهم،شرح صحیح المسلم،للشیخ شبیراحمدالعثماني)
رب العزت دي د يادو روژود نیولو توفیق راکړي.اللهم آمین یامعین.




ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


د شوال د میاشتې شپږ روژي!

*تر کوچني اختر وروسته د شپږو روژو اړوند د رسول اللّٰه ﷺ څخه د لویو ګټو وعده ثابته ده.

رسول اللّٰه ﷺ فرمايي:
که چا د رمضان د میاشتي روژه ونیولې او بیا یې ورپسې د کوچني اختر د میاشتي شپږ نوري روژې ونیولې؛ ثواب یې دومره زیات دئ لکه ټول عمر چي روژه ونیسي. (رواه مسلم)

د کوچني اختر په لومړۍ ورځ روژه نیول جایز نه دي، خو دوهمه ورځ یې دستي نیولای شي؛ دغو شپږ ورځو روژو په اړه یې علماء وایې: دغه روژې به د شوال (کوچني اختر) په میاشت کي نیسي خو دا لا زمي نه ده چي خامخا به یې د اختر تر ورځي وروسته متصل نیسي، که یې څو ورځي بعد ونیسي هم دغه فضیلت لاسته راوړلای شي، یادي شوي شپږ روژې که څوک پر لپسې ونیسي جایز دي البته که یې جلا جلا ونیسي هم دغه ثواب لاسته راوړلای شي بلکي افضله خبره هم داده ، چي د دغي میاشتي په هره لسیزه کي دوې/ دوې روژې ونیول شي. (هندیه:۱\۲۰۱)

که څوک د ټول عمر روژو ثواب غواړي نو لازمي ده ، چي دغه شپږ ورځي روژې په شوال (کوچني اختر) میاشت کي ونيسي، که یې تر دغه میاشتي وروسته ونیولې ثواب خو به وګټي البته کوم ثواب، چي رسول اللّٰه ﷺ یاد کړی دئ، هغه ثواب به نه وي ځکه رسول اللّٰه ﷺ د همدې میاشتي تعین کړی دئ.
لطفا! د نورو ملګرو سره داخبري شریکي کړئ، ممکن په هغوی کي څوک روژې ونیسي بیا به ستاسو ثواب ضرور پکښي وي ، ان شاء اللّٰه.



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸

⫷͊͞خ꯭͞ا͞د꯭͞م͞ ꯭͊͞ح꯭͞ب͞ی͞͞ب꯭͊͞ی͞ ꯭ا͞ب͞را꯭͞ر͞ ͊͞ح꯭͞ف͞ظ꯭͞ه꯭͞ ال͞ل꯭͞ه꯭͞ ت͞ع꯭͞ال꯭͊͞ی͞⫸
ـ◉◉◉◉◉◉◉◉◉◉◉◉◉◉

⫷͞ع꯭͞ب͞ر͞تن꯭͞اک͞ه꯭͞ ک͞ی꯭ؔ̑͞س꯭̑͞ی͞ ꯭ا͞و͞ ꯭̑͞ح͞د꯭͞ی꯭͞ث͞و͞ن꯭͞ه͞⫸
ـ📚 👇 📕 👇 📘 👇 📚


د شوال شپږ روژې …
پداسې حال کې چې په دنیا کې ډېر خلک داسې دي چې رمضان او روژه نه پېژنې او ډېر داسې خلک دي چې پېژني یې خو په اهمیت یې نه پوهیږې ، او ډېر خلک داسې دي چې رمضان او روژه پېژني په فرضیت یې هم خبر دي او له فضیلت یې هم خبر دي خو روژه پکې نه نیسي نو د الله (جل جلاله) لک لک شکر چې مونږ ته یې هدایت کړی دی او د رمضان د مبارکې ، فرضي روژې د نیولو توفیق یې راپه برخه کړو .

د رمضان د فرضي روژې نه وروسته د شوال په میاشت کې شپږ نورې روژې نیول سنت دي ، غوره عبادت دی او د ټول عمر د روژې ثواب لري حضرت ابو ايوب انصاري رضی الله عنه) له رسول الله صلی الله علیه وسلم څخه روایت کوي چې رسول الله صلی الله علیه وسلم فرمایل :

(ترجمه یې ده) چا چې د رمضان روژه ونيوله او بيا يې شپږ ورځې نورې د شوال ورپسې کړې دا داسې ده لکه ده چې ټول عمر روژه نيولې وي .....صحیح مسلم.....

په يو بل حدیث شریف کې رسول الله صلی الله علیه وسلم ددې وضاحت کوي چې په شوال کې دا شپږ روژې د ټول عمر د روژو سره ولې برابرې دي فرمايي :

(ترجمه یې ده) الله (جل جلاله) يوه نيکي په لس چنده قبلوي (په لس چنده ثواب يې ورکوي) نو يوه مياشت لس مياشتې شوې (يعني الله جل جلاله د دریو ورځو روژې ثواب د یوې میاشتې د روژې په اندازه ورکوي) نو چې ورپسې شپږ ورځې نورې هم ونيول شي نو دا دولس مياشتې شوې (او ١٢ مياشتې پوره کال وي) .
......سنن ابن ماجه.....

نو معنی دا چې ټول کال یې روژه ونیوله داسې چې کوم بختور هر کال تر وړوکي اختر وروسته په ټوله میاشت کې شپږ ورځې روژه ونیسي نو داسې شي لکه ټول عمر یې چې روژه نیولې وي .

فایدې :

لوی عالم امام ابن رجب رحمه الله ددې شپږو روژو فایدې داسې را ټولې کړي دي :

(۱) دا شپږ روژې نیول د ټول عمر د روژې برابر ثواب لري (حدیث یې پورته تېر شو) .

(۲) د شوال شپږ روژې داسې دي لکه د فرض مانځه نه وروسته سنت نو که په تېر فرضي عبادت کې څه کمی راغلی وي وروستنی سنت عبادت یې پوره کوي .

(۳) چاته چې الله جل جلاله د شوال د شپږو روژو د نیولو توفیق ورکړي ددې یوه نښه ده چې د رمضان روژې یې قبولې شوې دي ځکه چې د کوم بنده نېک عمل قبول شي الله جل جلاله ورته د بل عبادت توفیق ورکوي .

(۴) هغه کسان چې د رمضان روژه په سمه توګه ونیسي الله جل جلاله ورته د ا ختر په ورځ بښنه کوي او د اختر په ورځ د ټولو عبادتونو ثوابونه ورکوي نو د اختر نه وروسته بیا ددې شپږو روژو نیول د بښنې او ثوابونو د لویو نعمتونو شکر دی .

مسئلې :

١. کله چې ا خترتېر شي چې څه مشکل نه وي نو دا روژې زر ورپسې نيول مستحب دي ځکه الله جل جلاله فرمايي چې د نيکي په کار کې جلتي کوئ الله جل جلاله فرمايي :

ترجمه : او په چټکۍ سره لاړ شى (لوري )د مغفرت ته له رب ستاسې نه او جنت ته چې د هغې پراخوالى لکه د اسمانونو او زمکې دومره دى تيار کړل شوى دى د متقيانو لپاره . سورة آل عمران

٢. د روژې نيوونکي خوښه ده که يې په يو ځاى نيسي او که د شوال په مياشت کې يې بيلې بيلې پوره کوي ځکه رسول الله صلی الله علیه وسلم صرف ويلي دي چې چا د رمضان روژې ونيولې او بيا يې د شوال په مياشت کې هم شپږ روژې ورپسې ونيولې نو دا د اسې ده لکه د ټول عمر روژه او رسول الله صلی الله علیه وسلم دا نه دي ويلي چې دا روژې بايد سره بيلې بيلې وي او که په يو ځاى وي .

٣. هغه څوک چې په يو کال کې دا روژې ونيسي په هغه باندې لازمه نه ده چې بايد په بل کال کې يې هم ونيسي لکن مستحب ده چې هر کال یې ونیسي .

٤. که چا پدې شپږو روژو کې يو څو ونيولې او نورې يې بيا نشواى نيولى نو څه زور ورباندې نشته ا و نه ورباندې څه ګناه شته چې ده شپږ روژې ولې پوره نه کړي !!

لکن د ټول عمر د روژې ثواب په هغه صورت کې دی چې انسان شپږ روژې پوره کړي .

البته چې په کومه ورځ کې په روژه کې شروع وشي او بیا یې خوښه شوه او یا ورته څه عذر شو ماته یې کړه ددې ورځې روژه په ده باندې شوه قضایی به یې را ګرځوي په نفلي عبادت کې چې شروع وشي ددې مکمل کول لازمیږي .

٥. په چا باندې چې د رمضان د روژي څه قضايي پاتې وي نو غوره خبره ده چې اول هغه پوره کړي ځکه هغه په ده فرض دي او دا شپږ روژې دده لپاره نفل دي لکن که بیا هم دا شپږ روژې نیسي او نفلي وروسته کوي نو روا ده .

معنی دا چې مونږ د رمضان روژه ونیولی شوای نو هېڅ مشکله نه ده چې تر اختر وروسته د وړوکی اختر په میاشت یعنی شوال کې شپږ نورې روژې هم ونیسو د ټول عمر د روژې ثواب لري الله جل جلاله د ماته او زما لوستونکي ته توفیق ورکړي چې دا ثواب مو په برخه شي



ـ👆 👆 👆 👆👆 👆 👆 👆 👆
⫷ن͞ـ꯭͞ـ͞ش͞ر꯭͞ ͞ک꯭͞ـو꯭͞ل͞ ꯭ی͊͞ـ꯭͊͞͞ي͞ ꯭͊͞͞ص꯭͞ـ͞د꯭͞ق͞ـ͞ه꯭͞ ꯭͊͞ج͞ـا꯭͞ر꯭͞ی͞ـ͞ه꯭꯭꯭͞ ꯭͞د꯭͊͞͞ه⫸

⫷ـ𖣐✯   @HabibiAbrar ✯𖣐⫸