Daawwitee post

Amma iyyuu si gudeedaa jiraam!
.
Shamarree Raashiyaa tokkotu turte. Umurii waggaa 14tti gudeedamte. Guyyaa gaafa sanaa kaastee dhiira ijaan arguu jibbite. Jireenya ishee keessatti dhiira akka seexanaatti lakkooftee dhiiste. Garuu guyyaa tokko umuriin ishee gaafa 24 tahu baabura keessatti jaarsa tokkoon wal bartee seenaa ishees itti himte. Ijoollummaa isheetti akka gudeedamteef sababa sanaafis dhiira akka jibbitu ibsiteef.
.
Jaarsis deebisanii “Yaa mucaa koo biyya lafaa kana irratti namni hunduu salphaa yookaan cimaa kan tahe madaa ofiisaa qaba. Jibbi jibba dhala, jaalalli garuu jibba qulqulleessa. Utuu dubbannuu ati kan dhiiraan miidhaan sirra gahe yoomi” jedhanii gaafatan.
Waggaa 14 har’a dura jette.
Amma waggaan kee meeqa dhalako?
24 dha abba.
“Gochi kun kan inni sirratti raawwatame waggaa kudhan dura jechuudhaa?”
Eyyee
“Yoos namni sun hanga har’atti akka sigudeeduuf yookaan akka sigudeedaa jiraatuuf maaliif heyyamteef? ”
Naaf hin gallee ababba
“Argitee dhalako waan tokkoon mo’amuu kana ati qabdu si’a tokko qofa tahu qaba. Ati garuu waa’ee nama sigudeedee hanga har’atti hin daganne. Kanaaf namni sun ammayyuu yaadaan sigudeedaa jira. Kanaaf namicha kana mo’achuu qabda. Seenaa darbe sana kutaa isaa cuftee furtuu gatuu qabda. Ganamni tokkoon tokkoo isaa guyyaa itti akka haaraatti dhalannuudha. Jireenya keenya keessa dukkanni hammamii illee yoo jiraate isa osoo hin taane ifa xiqqoo jireenya keenya keesaa jirtu yaaduu qabna.”
Guyyaa sanaa qabee ilaalacha isheetu jijjiirame.
.
Nutis seenaa kana irraa kaanee waan nurratti raawwatame osoo hin taane waan gara fuulduraatti raawwachuu dandeenyu irratti haa xiyyeeffanuun dhaamsa kooti!
.
Phaawuloos iyyuu isa booddee koo dhiisee isa na fuulduraattin aggaama jedhe mitiiree?
.
Filannoon keenya lama. Yookaan waan nuratti ta’e yaannee teenyee boo’uu, yookaan sana dagannee kaayyoof ka’uu!
.
Galatoomaa!
.
Barnoota dabalataa bashannansiisoo akkasii argachuuf @Daawwite join godhaa!

@Daawwite ... join godhaa fayyadamaa

Nama ragaadhaaf waamame abbaan murtii gaafataa jiru.

Abbaa murtii : Namichi yeroo ajjeesu argiteettaa?

Ragaa : Yeroo ajjeesu hin argine garuu dhaga' eera

Abbaa murtii : Dhaga'uu qofaan illee akkamitti mirkaneeffamaree?

Ragaa : Dugdaa isaa abbaa murtiitti garagalchee callisee kolfa

Abbaa murtii : Eenyuutti akkas kolfita?

Ragaa : Hoo! Yooman kolfe?

Abbaa murtii : Amma yerooti kolfitu sin dhageenyee yeroo jedhu

Ragaa : Dhaga'uu qofaan akkamitti mirkaneeffama ittiin hin jedhu seetanii...kkk
.
@Daawwite ....join gochuun maxxansa guyyaa guyyaan maxxanfamu hordofaa!

Join @Daawwite

Barsiisaatu.......Aannan yoo ciisu dhaadhaatu baha. Biishaan yoo ciisuu hoo maaltu baha jedhee barattoota isaa gaafata.

Barattoonnis yoo maal jedhan wayya
.
.
.
.
........Bookee busaa!...kkkkk

Yaa waaq firoota koo irraa na eegi...
.
Jecha kana kan dubbate filoosofera biyya Faransaayi Voolteridha.
.
Wiliyaam Sheekispiir barreeffama isaa waa'ee 'Juuliyees Qeesaar' barreesse keessatti akkas jechuun seenaa mata duree armaan olii kanaan wal qabatu seenessa.
Gootota adunyaan keenya kun horatte muraasa keessaa tokko nama beekamaa biyya Roomaa Juuliyees Qeesaariidha. Waa'ee goota kanaaf fiilmiin hojjetameera, seenaan barreeffameera, hanga har'aatti illee waan hedduutu jedhamaaf.
Yoom illee namni guddaan diina dhabee jiraachuun waan hin yaadamneef Juuliyees Qeesaaris diinoota baayyee qaba ture. Akkuma diinoota baayyee qabu kana firoota baayyee qabu keessaa immoo nama akka garaa isaatti jaallatu michuu Biruutis jedhamu qaba ture.
Diinoonni isaa kunis Juuliyeesiin ofii isaaniitii balleessuun waan hin yaadamneef karaa nama inni michuu godhatee balleessuu yaadan. Haaluma kanaan gargaarsa isaa akka barbaadan itti himuun guddinni biyya isaanii Roomaa sababa Juuliyeesiin akka gufate isa amansiisuun michuu isaa isa amanu jaalala biyya isaaf qabuuf jecha akka ajjeesu waliif gale.
Diinoonni isaa karaa duubaa dubbii isatti xaxaa erga turanii booda guyya tokko keessaa guyyaa tokko Juuliyees guddichi biyyi nagaadha jedhee utuu daandii irra adeemaa jiruu isa irratti wal gahaan. Innis ariitiif siyaa'ina nama ajaa'ibuun ofirraa isaan qolate. Ta'us garuu gidduu kanatti michuun garaa isaatii sun Biruuti cuubee isaa gadi baasee gaafa isa keessa baasu Juuliyees Qeesaar aadaa sagalee isaa harkisee (Et tu Brute?) "Atis moo Biruuti ?" jechuun ofirraa qolachuu dhiise. Isa booda achumaan kufeetu dhuma jireenya isaa ta'e!
.
Obbolootako :
Qeesaariin kan ajjeese jabina diinota isaa osoo hin taane ganuu michuu isaa ture. Atis moo gaafa jedhe sana hammam akka michuu isaatiin ganamuu isaaf gadde ifaadha. Har'a hedduun keenya hanga ormi nu miidhee irra madaa firri numadeesse hedduu qabna. Baayyee fira keenyaa fi michuu keenyaa abdannee itti hirkannee kan cabne baayyeedha. Akkuma biyyaattu fira kolfaa deemuutu numiidhe malee alagaan laga gamaa dhufe nun cabsine!
.
Diina keessan irraa isinuu of eegduu fira keessan irraa waaqni isin haa eeguun kadhannaa kooti!
.
Daawwiteedha!
.
@Daawwite ....join
@Daawwite ..... join
@Daawwite ..... .join godha

SIN KEESSAA KAN FEDHA QABU EENYU?
.
Namichi haadaa yookaan funyoo hidhame irratti agarsiisa agarsiisuun goota harki rukkutameefiidha. Kanaafuu gamoowwan walirraa fagoo jiran lama gidduu funyoo hidhame irra yemmuu inni deemu namoonni daawwachuuf walitti qabamu. Guyyaa tokko garuu gochaa isaa duraa irraa waan adda ta’e tokko godhe. Meeshaa baatee funyoo sana irra deemuuf akka jiru beeksisa baase. Isa booda guyyaan isaa gaafa gahu ba’aa isaa baatee funyoo sana irra deemsa eegaluun haala ajaa’ibsiisaa ta’een xumure. Namoonni naannoo sana jiran harka rukkutuun, iyyuu fi siiksuun ajaa’ibsiifannaa isaaf qaban ibsan.
Waci sun guutummaan erga qabbanaa’ee booda namichi ajaa’ibsifattoota isaa gaaffii tokko gaafate. “Dandeettii kootti in amantuu? Jedhee gaafate. Shakkii tokko illee akka hin qabne sagalee tokkoon mirkaneessaniif. “Yoos egaa isin keessaa baadhee funyoo kana irra akkan deemuuf kan fedha qabu eenyu?” kan jedhu gaaffii itti aanu yeroo inni gaafatu sagaleen duraan ture hunduu cal jedhe. Namoonni sun utuma dhagaa’aanii duudaa fakkaatan.
Yeroo kana garuu mucaan xiqqaan tokko booda namootaatii iyyaa gara namichaatti fiiguu eegale. Mucichis “Ana abbaa koo, anaan baadhuu cee’I!” jechaa gara namichaa dhufe. Edaa mucichi kan namichaa ture. Mucaa dandeettii abbaa isaatti amanu tokkicha.
Ergaan koo kunooti :
Nuti baayyeen keenya karaa abbaa carroomoo miti. Faarfannaan keenya illee abbaa siin hin jedhu abbaa irra naaf caaltatti kan inni baay’aatuuf kanaafiidha. Abbootni baayyeen gita abbummaa isa macaafni qulqulluun kaa’u kanneen guutan miti. Kanaaf Waaqayyoon abbaa keenya jechuun nutti ulfaata. Ta’us garuu Waaqayyo abbaa kee inni ta’e sun haala kam keessayyuu baatee si dabarsuuf amanamaa waan ta’eef isa irratti of gati. Phaawuloos yeroo dubbatu “Abbaa keenya” jennee Waaqayyoon in waamanna jedha. Egaa abbaa keessan isa ta’e Waaqayyo irratti soda tokko malee jireenya keessan isa irratti dhiisaan dhaamsa kooti!

Galatoomaa!

Daawwitee dha!
.
Join ....@Daawwite
Join .....@Daawwite
Join ...........@Daawwite
Join ...............@Daawwite !

Atoo kam filatta?
.
Biyya Awuroppaa 'Ermine' kan jedhamu bineensa tokkotu jira. Bineensi kun baayyee kan bareedu, rifeensa lallaafaa fi qulqulluu kan qabu yoo ta'u yeroo baayyee adamsamee midhaan irra kan gahuudha. Ta'us garuu akka salphaatti waan hin argamneef kan namoonni kiyyeessan malaani. Boolli isaa eessatti akka argamu erga qoratanii booda, yeroo inni achi keessa hin jirre deemanii utuu inni hin dhufin afaan boollichaa dhoqqee fi balfaa adda addaan balleessu. Isa booda bineensicha qabuuf lafa inni jiruu barbaadanii ari'uu eegalu. Innis yemmuu dhokatee isaan baqachaa gara boolla isaatti dhufu seensi boolla isaa xuriif dhoqqeen guutamee rifeensa isaaf qulqullina isaa waan jalaa balleessuuf gara keessaatti seenuu dhiisee ala dhaabbata. Isaa booda jarri sun haala salphaa ta'een isa ajjeesu. Qulqullina isaa lubbuu isaa calchifatee balfaa sanatti lixuu irra ala dhaabata. "Qulqullummaa yookaan du'a" ~ qajeelfama isaati!
.
Ergaa koo!
.
Har'a jireenya jiraannu keessatti kaayyoo keenya irraa, mana keenya irraa, deemsaaf mul'ata keenya irraa takkaalee nu hambisuuf karaa keenyaaf jireenya keenya naanneessee dhoqqee dibee faalamnee akka qaanoofnuuf, mucucaannee akka kufnuuf, cabnee akka hafnuuf, lubbuun illee akka bannuuf goodaa goree kan itti nu dhiibu danuudha. Namoonni dhoqqee fi balfaa qophaa'eef kaayyoo isaaniif saba isaaniif jecha didanii lubbuu isaanii qaalii aarsaa godhan bara keenya illee jiru. Kanneen garaa isaaniif jecha dhoqqeen faalamanii jiraachu filatanis hedduu argineera.
.
Atoo kam filatta? Jireenya kee keessatti dhoqqee naannoo kee dibanii itti si oofaniin qabamtee keessa jiraachu moo qulqullummaakeef hamma du'aatti dhaabachuu barbaadda? Jireenya hafuurakeen jabaattee dhaabattee gonfoo fudhachuuf moo mucucaattee kuftee hafuufi?
.
Waaqa isa qulqulluu ta'eef qulqullummaan akka jiraannuuf Waaqayyo hunduma keenya haa gargaaru!
.
@Daawwite .....join
@Daawwite .....join
@Daawwite .....join godhaa

Loltuun sun gootummaan isaa kan beekamee fi ganamaan ka'ee uffata lolaa isaa uffataa jira. Hidhannoowwan inni barbaadu nyaataaf dhugaatii isaa dabalatee haalaan qophaa'eeraaf. Diina isaa fagootti kan ittiin ilaalu daawwitii dirree isaa dursee fudhateera. Waa'ee tooftaa lolaaf bakka qubsuma diinoota isaas dursee odeeffannoo argateera.
.
Gara bakka lolaa yeroo gahu garuu raasasa tokko osoo hin dhukaasin booji'ame. Qophii hanga kana taasisus booji'amuuf hidhamu irraa ooluu hin dandeenye.
.
Jaalallii kunoo akka kana, moo'uudhaaf osoo hin taane mo'amuuf, harka laachuuf meeshaa hidhannee lola itti bobbaanuudha.
Waa'een jaalalaa in faarfatama, in lallabama! Jaalala isa goota dabeessa godhu fi dabeessas jagna godhu sanaa!
.
Nuti waan biraa miti jaalalaan du'a oolle mitiree?
Jaalalli bara baraan haa moo'u!
.
@Daawwite .....join...godhaa

Gaafa ati irra ejjettu
Yemmuu callisu sijalaa
Gaafati jibba galaaftu
Yoo siif qabaate jaalalaa
Kiyyootti adeemaa jirtaa
Yeroon keessaa galuun falaa!

"Time will heal all wounds."
.
Kitaaba barreessaa beekamaa Alexander
Dumas "The count of monte cristo" jedhu
keessatti seenaa mata duree armaan olii
kana ibsun isiniif qooda.
Alexander Dumas barreessaa cimaa yoo ta'u
seenaan kitaaba isaa kun taatee biyya
Faransaayii fi Awuroppaa irra caalaatti bitaa
kan ture Naappooliyoon aangoo isaa irraa
bu'ee naannoo odola Elbaa jedhamu
jiraachuu yeroo jalqabetti taatee ta'e irratti
kan xiyyeeffatuudha.
Naappooliyoon odola kana yeroo turetti
mootiin Luuwiis 18ffaa jedhamu
Faransaayiin bulchuu eegaleera. Haa ta'u
malee garuu gootummaan Naappooliyoon,
kuttannaan isaa fi ammalli isaa onnee
namoota baayyee jaalalaan booji'ee waan
tureef namoonni dhoksaan isa faana
xalayyaa waliif barressu turan. Isa gara
aangootti deebisuu in barbaadu waan ta'eef.
Namoota xalayyaa isaaf barreessan kana
keessaa abbaa Abbaa Alangaa yerosii kan
ture abbaan Vilfort kanneen kana keessaa
tokko turan. Akka kitaabichi jedhutti abbaan
alangaa sun immoo faallaa abbaa isaatii
Luuwiis 18ffaaf kan hojjetuudha. Kanaafuu
walitti dhufeenya abbaan isaa Naappooliyoo
waliin qaban yeroo baru balaan isaa gara
isaatti dhufee aangoo isaa akka isa hin
dhabsiifne waan shakkeef abbaan isaa
walitti dhufeenya kana yoo hin dhaabne
biyya ganuu isaaniitiin akka seeratti
dhiyaachuu danda'aan isaan akeekkachiise.
Abbaan isaa garuu, "Biyya ganuu waan
jedhamu dhimma yerooti; Naappooliyoon
gara aangootti yeroo deebi'u ani goota
jedhamee yemmuun badhaafamuu fi
muudamu ati immoo yeroo sana gochaa
biyya ganuutiin himatamta." jedhanii
deebisaniif.
Yeroon humna guddaa qaba. Yakkamtoota
bilisa baasee qulqulloota xureessuu
danda'aa. Isa kana Alexander Dumas kan
nutti himuu barbaade. Warri adii gaafa
dubbatan "Time will heal all wounds" jedhu.
Madaa yeroon hin fayyisne hin jiru jechuu
isaaniiti. Maarree yaa dubbistootaa har'as
waan hedduu arguu dandeessu, argaa jirtus
ta'a. Waan maraafuu hunduu akka darbu
beekanii waan gaarii hojjechuun dansaan
dhaamsa kooti.
Dhumarratti walaloo Dr Kabbadee Mikaa'eel
kana isin afeereen dhaamsa koo xumura.

ካልተሳፈሩበት ቶሎ ተሽቀዳድሞ
ጊዜ ታክሲ አይደለም አይጠብቅም ቆሞ!

Daawwitee T Waaqtolaa ti

Share

https://www.facebook.com/188504655395161/photos/a.359221458323479/759426318302989/?type=3&app=fbl

Dubbisaa!

Ani
.
Joonja'ees miti raata'ee
Basha'ees miti naata'ee
Qabaadhes miti kooree
Fagaadhes miti jooree
Fudhadhees miti saamee
Fidadhees miti waamee
Ol kaa'ees miti kuusee
Bineensas miti yuusee
Cabees miti meeladhee
Rukkutees miti eeladhee
Himatamees miti yakkamee
Dubbadhees miti dheekkamee
,
Maaliif garuu?
.
Natti jigu natti dabuu?
Walfuranii gadnaqabuu?
Nadarbatu na sakaaluu
Hordofanii na takaalu
Quba nyaatu ilkaan qaru
Daandii kootti kosii haru
Na hamatu natti malu
Karaa kootti dalga galu
Hamadhee nama yakku
Hojjetanii maaf na shakku?
.
.
Egaa anis
.
Jalaan qabu nan callisaa
Garaa kiyya nan bal'isa
Gumaan ba'u ofii kootii
Guddadhaa ta'aa mootii
.
Gaariin godhe daba seetuu?
Badii keessan natti feetuu?
Boroon taa'a karra cufee
Haa dubbatu waaqni dhufee
Ani maaliifan dunuunfadhaa?
Kaayyoo koon kunuunfadhaa!
Ani hin beeku sanyii akaa'uu
Daba keessan hin lakkaa'uu.
.
Amayu Tasisa
.
@Daawwite .......join...godhaa!
Facebook koo ... Dawite T Waktola... follow godhaa...!

Gufuun heddummatee
Gaafa jireenyi bitaacha'uu
Abdiin boriif eeggatan
Gaafa inni cilaatta'uu
Nan qaba utuu jedhanii
Yoo dhibu firri garaa
Akka abdatan ta'uu dhiisee
Faallaa ta'us haalli baraa
.
Hunduu indarba gaaftokko
Akka dhaabatetti hin hafuu
Seenaa ta'ee guyyaan har'aa
Nama jechisiisaam safuu!
.
@Daawwite ........join....godhaa!

Isa kam gumgumtu
Akka bokkaa arfaasaa
Waan haamuu hin dandeenye
Callisaa facaasaa
Waan lama hojjedhaa
Digdama gabaasaa
Ni argattu gatii
Gaafuma guyyaasaa
.
@Daawwite 🏃🏻🏃🏾🏃🏾🏃🏾🏃🏾 join godhaa

Guyyaaf bara dhufaa darbaa
Gurri dhageeffatu iyya
Bakka lubbuun gatii hin qabne
Ishee nuufis taate biyya
.
Lafa tokko abbaa irree
Tokko itti dhabu hiree
Bakka sobni bashannannee
Dhugaaf immoo bakki hin jirre
.
Keessa jiraanna kunoo
Dimismisa abdii baannee
Har'a irra kaleessa wayya jechaa
Kunoo hanga har'aa jiraanne

.
@Daawwite

Kutnaan kutee buusuu malee
Kan hin hambifne irratti
Bahee galee boonsuu malee
Kan qaanii hin finne warratti
Kutataadhaaf jabaa ilmaa
Kan hundumtuu deemu eebbisaa
Kan dhugaadhaaf iddoo laatu
Maaf ta'uu dhiisee namnisaa?

Inni har'aa kunoo garaaf du'ee
Quufee dagatee nu arguu
Har'as boris iyyuu qofa
Nufoo in didee nuu darbuu
Kaleessa kan nujjiin iyyuu
Waa'ee quuqama lammisaa
Gaafa argate waan garaasaa
Innis marmaratee ciisaa

Fuulaaf haasaa isaa ilaalee
Inni nuti jennus keenya
Kan isa caalaa qabu hin jiru
Gumbii jallinaaf hammeenyaa
Kanaafan afaan qabadhe
Waanan jedhus narkaa badee
Dalga iyyuu adeemee hin quufne
Jaalladhee hin kaane irraangadee
Yaada kootiin laga bu'ee
Ilaalee afaan banuu jawwee
Waliif dhooftuu nama har'aa irra
Ani dhaloota darben hawwee!
.
@Daawwite